തെ​രു​വു ജീ​വി​ത​ത്തി​ൽ നി​ന്ന് ത​ങ്ക​പ്പ​ന് ആ​ശ്ര​യ​യി​ൽ അ​ഭ​യം
Thursday, March 28, 2024 11:47 PM IST
കൊ​ട്ടാ​ര​ക്ക​ര : തെ​രു​വി​ൽ ക​ഴി​ഞ്ഞു​വ​ന്ന വ​യോ​ധി​ക​ന് കാ​രു​ണ്യ ത​ണ​ലാ​യി ക​ല​യ​പു​രം ആ​ശ്ര​യ സ​ങ്കേ​തം . ത​ല​വൂ​ർ, അ​മ്പ​ല​നി​ര​പ്പ് സ്വ​ദേ​ശി​യാ​യ ത​ങ്ക​പ്പ​നെ​യാ​ണ് (75) ആ​ശ്ര​യ ഏ​റ്റെ​ടു​ത്ത​ത്. കൂ​ലി​ത്തൊ​ഴി​ലാ​ളി​യാ​യി​രു​ന്നു ത​ങ്ക​പ്പ​ൻ. ഇ​ദ്ദേ​ഹ​ത്തി​ന് ഭാ​ര്യ​യും ര​ണ്ട് ആ​ൺമക്ക​ളു​മു​ണ്ട്. എ​ന്നാ​ൽ വ​ർ​ഷ​ങ്ങ​ൾ​ക്ക് മു​ൻ​പ് ഭാ​ര്യ മ​രി​ച്ച​തോ​ടെ ത​ങ്ക​പ്പ​ന്‍റെ ജീ​വി​തം ത​കി​ടം മ​റി​ഞ്ഞു.

മ​ക്ക​ളു​ടെ ത​ണ​ലി​ലാ​യി പി​ന്നീ​ടു​ള്ള ജീ​വി​തം . ഇ​തി​നി​ട​യി​ൽ മൂ​ത്ത​മ​ക​ന് മാ​ന​സി​ക​മാ​യി ചി​ല പ്ര​ശ്ന​ങ്ങ​ൾ ഉ​ണ്ടാ​യ​തോ​ടെ ഇ​ള​യ​മ​ക​നാ​യി​രു​ന്നു അ​ച്ഛ​ന്‍റെ കാ​ര്യം കൂ​ടു​ത​ലും ശ്ര​ദ്ധി​ച്ചി​രു​ന്ന​ത്. എ​ന്നാ​ൽ ഒ​രു​വ​ർ​ഷം മു​ൻ​പ് ഇ​ള​യ​മ​ക​ൻ ആ​ത്മ​ഹ​ത്യ ചെ​യ്ത​തോ​ടെ ത​ങ്ക​പ്പ​ൻ ത​നി​ച്ചാ​യി പോ​യി. പി​ന്നീ​ട് പ​ട്ടാ​ഴി ടൗ​ണി​ലെ ക​ട​ത്തി​ണ്ണ​യി​ലാ​യി താ​മ​സം. വാ​ർ​ധ​ക്യ​സ​ഹ​ജ​മാ​യ അ​സു​ഖ​വും ഓ​ർ​മ​ക്കു​റ​വും ദൈ​നം​ദി​ന ജീ​വി​ത​ത്തെ സാ​ര​മാ​യി ബാ​ധി​ച്ചു. നാ​ട്ടു​കാ​രു​ടെ​യും ടൗ​ണി​ലെ തൊ​ഴി​ലാ​ളി​ക​ളു​ടെ​യും സ​ഹാ​യ​ത്തി​ലാ​യി​രു​ന്നു ആ​ഹാ​രം ക​ഴി​ച്ചി​രു​ന്ന​ത് . ഇ​തി​നി​ട​യി​ൽ കാ​ലി​ലു​ണ്ടാ​യ മു​റി​വ് ത​ങ്ക​പ്പ​നെ പൂ​ർ​ണമാ​യും കി​ട​പ്പി​ലാ​ക്കി. പ​ര​സ​ഹാ​യം കൂ​ടാ​തെ ഒ​ര​ടി ന​ട​ക്കാ​ൻ ക​ഴി​യാ​ത്ത അ​വ​സ്ഥ​യി​ലെ​ത്തി.

ഇ​യാ​ളു​ടെ ദ​യ​നീ​യ ജീ​വി​ത​ത്തെ കു​റി​ച്ച​റി​ഞ്ഞ പ​ട്ടാ​ഴി ഗ്രാ​മ​പ​ഞ്ചാ​യ​ത്ത് ആ​രോ​ഗ്യ - വി​ദ്യാ​ഭ്യാ​സ സ്റ്റാ​ന്‍റിം​ഗ് ക​മ്മി​റ്റി ചെ​യ​ർ​മാ​ൻ ജെ​യി​ൻ ജോ​യും നാ​ട്ടു​കാ​രും ഓ​ട്ടോ തൊ​ഴി​ലാ​ളി​ക​ളും ചേ​ർ​ന്ന് ത​ങ്ക​പ്പ​നെ ക​ല​യ​പു​രം ആ​ശ്ര​യ സ​ങ്കേ​ത​ത്തി​ൽ എ​ത്തി​ക്കു​ക​യാ​യി​രു​ന്നു . രോ​ഗ​ങ്ങ​ൾ ഭേ​ദ​മാ​യാ​ലും ഏ​റ്റെ​ടു​ക്കാ​ൻ ആ​രു​മി​ല്ലാ​ത്ത​തി​നാ​ൽ ഇ​നി​യു​ള്ള കാ​ലം ത​ങ്ക​പ്പ​ൻ ആ​ശ്ര​യ​യു​ടെ സ്നേ​ഹ ത​ണ​ലി​ലാ​യി​രി​ക്കും ക​ഴി​യു​ക .

Copyright @ 2022 , Rashtra Deepika Ltd.