കാഞ്ഞിരപ്പള്ളി: യുഡിഎഫ് സ്ഥാനാർഥി ആന്‍റോ ആന്‍റണി കാഞ്ഞിരപ്പള്ളി മണ്ഡലത്തിൽ പര്യടനം നടത്തി. കാഞ്ഞിരപ്പള്ളിയിലെ വിവിധ വിദ്യാഭ്യാസ സ്ഥാപനങ്ങൾ, വ്യാപാര സ്ഥാപനങ്ങൾ എന്നിവിടങ്ങളിൽ സ്ഥാനാർഥി വോട്ടുതേടി എത്തി.
വിവിധ മണ്ഡലങ്ങളിൽ പ്രവർത്തകരുമായി കൂടിക്കാഴ്ചയും നടത്തി. യുഡിഎഫ് മണ്ഡലം ഭാരവാഹികൾ സ്ഥാനാർഥിയെ അനുഗമിച്ചിരുന്നു.
യുഡിഎഫ് തിരുവല്ല നിയോജക മണ്ഡലം കൺവൻഷൻ കെപിസിസി രാഷ്‌ട്രീയകാര്യസമിതിയംഗം പ്രഫ. പി.ജെ. കുര്യൻ ഉദ്ഘാടന ചെയ്തു. ലാലു തോമസ് അധ്യക്ഷത വഹിച്ചു.
സ്ഥാനാർഥി ആന്‍റോ ആന്‍റണി, പഴകുളം മധു, ഡിസിസി പ്രസിഡന്‍റ് പ്രഫ.സതീഷ് കൊച്ചുപറന്പിൽ, യുഡിഎഫ് ജില്ലാ ചെയർമാൻ വർഗീസ് മാമ്മൻ, മുൻ എംഎൽഎ ജോസഫ് എം. പുതുശേരി, കുഞ്ഞുകോശി പോൾ, എൻ. ഷൈലാജ്, ഈപ്പൻ കുര്യൻ, റെജി തോമസ് തുടങ്ങിയവർ പ്രസംഗിച്ചു.
യുഡിഎഫ് കൺവൻഷൻ
ചുങ്കപ്പാറ: പത്തനംതിട്ട ലോക്സഭ മണ്ഡലം യുഡിഎഫ് സ്ഥാനാർഥി ആന്‍റോ ആന്‍റണിയുടെ തെരെഞ്ഞെടുപ്പ് കൺവൻഷൻ ചുങ്കപ്പാറ കൂവകന്നേൽ ഓഡിറ്റോറിയത്തിൽ മുസ്‌ലിം ലീഗ് സംസ്ഥാന സെക്രട്ടേറിയറ്റംഗം കെ.ഇ. അബ്ദുൾ റഹിമാൻ ഉദ്ഘാടനം ചെയ്തു. യുഡിഎഫ് മണ്ഡലം ചെയർമാൻ സക്കിർ ഹുസൈൻ അധ്യക്ഷത വഹിച്ചു.
പ്രകാശ് തോമസ്, പി.കെ. മോഹൻരാജ്, ജി. സതീഷ് ബാബു, സലിം, ഒ.എൻ.സോമശേഖരപ്പണിക്കർ, കൊച്ചുമോൻ വടക്കയിൽ, ജോസി ഇലഞ്ഞിപ്പുറം, ജോസഫ് ജോൺ, ജോയി ജോൺ, ആനി ഏബ്രഹാം, എം.എസ്. ഷാജഹാൻ, ജോളി ജോസഫ്, തേജസ് കുന്പിളുവേലിൽ, സുജാമോൾ, കുഞ്ഞുമോൾ ജോസഫ് തുടങ്ങിയവർ പ്രസംഗിച്ചു.