കോന്നി: പത്തനംതിട്ട ലോക്സഭാ മണ്ഡലം എൽഡിഎഫ് സ്ഥാനാർഥി ഡോ.ടി.എം. തോമസ് ഐസക് ഇന്നലെ കോന്നി മണ്ഡലത്തിലെ മലയോര ഗ്രാമങ്ങളിൽ പര്യടനം നടത്തി. രാവിലെ മൈലപ്ര പഞ്ചായത്തിലെ നാൽക്കാലിക്കപ്പടിയിൽ മുൻ ജില്ലാ പഞ്ചായത്ത് പ്രസിഡന്റ് ബാബു ജോർജ് ഉദ്ഘാടനം ചെയ്തു.
സാജു മണിദാസ് അധ്യക്ഷത വഹിച്ചു. മലയാലപ്പുഴ, കോന്നി, തണ്ണിത്തോട്, ചിറ്റാർ, സീതത്തോട് പഞ്ചായത്തുകളിൽ പര്യടനം നടത്തി രാത്രി ആങ്ങമൂഴിയിൽ സമാപിച്ചു. ഓരോ സ്വീകരണ കേന്ദ്രത്തിലും പുഷ്പങ്ങളും പുസ്തകങ്ങളും നൽകി സ്ഥാനാർഥിയെ സ്വീകരിക്കാൻ പ്രവർത്തകർ കാത്തുനിന്നിരുന്നു.
കെ.യു. ജനീഷ് കുമാർ എംഎൽഎ, പി. ജെ. അജയകുമാർ, പി.ആർ. ഗോപിനാഥൻ, ശ്യാംലാൽ, പ്രഫ. കെ. മോഹൻകുമാർ, മലയാലപ്പുഴ മോഹൻ, പി.എസ് കൃഷ്ണകുമാർ, വി. മുരളിധരൻ, ജിജോ മോഡി, വർഗീസ് ബേബി,
എസ്. രാജേഷ്, കെ.ആർ. ജയൻ, ടി. രാജേഷ് കുമാർ, സി.കെ. അശോകൻ, എം.പി. മണിയമ്മ, വിജയ വിൽസൺ, എം.എസ് ഗോപിനാഥൻ, എം.ജി സുരേഷ്, എസ്. ബിജു, ആർ. ഗോവിന്ദ്, കെ.പി. ശിവദാസ്, പത്മ ഗിരീഷ്, അനിൽകുമാർ എന്നിവർ പ്രസംഗിച്ചു.