വ്യാ​ജ ഫേ​സ്ബു​ക്ക് അ​ക്കൗ​ണ്ടി​ലൂ​ടെ പ​ണം ത​ട്ടു​ന്ന സം​ഘം വ്യാ​പ​ക​മാ​യി
Thursday, April 15, 2021 10:18 PM IST
നെ​ടു​ങ്ക​ണ്ടം: വ്യാ​ജ ഫേ​സ്ബു​ക്ക് അ​ക്കൗ​ണ്ടു​ക​ൾ നി​ർ​മി​ച്ച് പ​ണം ത​ട്ടു​ന്ന സം​ഘം വ്യാ​പ​ക​മാ​കു​ന്നു. സ​മൂ​ഹ​ത്തി​ൽ നി​ല​യും വി​ല​യു​മു​ള്ള​വ​രു​ടെ വ്യാ​ജ ഫേ​സ്ബു​ക്ക് അ​ക്കൗ​ണ്ടു​ക​ൾ നി​ർ​മി​ക്കു​ക​യും മെ​സ​ഞ്ച​റി​ലൂ​ടെ പ​ണം വാ​യ്പ ചോ​ദി​ക്കു​ക​യും ചെ​യ്യു​ന്ന രീ​തി​യാ​ണ് ഇ​വ​ർ അ​വ​ലം​ബി​ക്കു​ന്ന​ത്.
പോ​ലീ​സ് ഉ​ദ്യോ​ഗ​സ്ഥ​ർ, അ​ധ്യാ​പ​ക​ർ, സ​ർ​ക്കാ​ർ ഉ​ദ്യോ​ഗ​സ്ഥ​ർ, എ​സ്റ്റേ​റ്റ് ഉ​ട​മ​ക​ൾ തു​ട​ങ്ങി​യ​വ​രു​ടെ ഫോ​ട്ടോ​യും പേ​രും വി​ലാ​സ​വും ചേ​ർ​ത്താ​ണ് ഫേ​സ്ബു​ക്കി​ൽ വ്യാ​ജ അ​ക്കൗ​ണ്ടു​ക​ൾ നി​ർ​മി​ക്കു​ന്ന​ത്. ഇ​ത്ത​ര​ക്കാ​രു​ടെ ഫേ​സ്ബു​ക്ക് ഫ്ര​ണ്ട്സി​ന്‍റെ വി​വ​ര​ങ്ങ​ൾ ശേ​ഖ​രി​ച്ച​ശേ​ഷം ഇ​വ​ർ​ക്ക് മെ​സ​ഞ്ച​റി​ലൂ​ടെ​യാ​ണ് സ​ന്ദേ​ശ​ങ്ങ​ൾ ന​ൽ​കു​ന്ന​ത്.
ഹാ​യ് എ​ന്ന് വി​ഷ് ചെ​യ്ത​ശേ​ഷം പ്ര​തി​ക​ര​ണം ല​ഭി​ച്ചാ​ലു​ട​നെ ഗൂ​ഗി​ൾ പേ ​ഉ​ണ്ടോ​യെ​ന്ന് ചോ​ദി​ക്കും. ഉ​ണ്ടെ​ന്ന് മ​റു​പ​ടി ന​ൽ​കി​യാ​ൽ വ​ള​രെ അ​ത്യാ​വ​ശ്യ​മാ​യി 9,000 രൂ​പ വ​രെ​യു​ള്ള തു​ക വാ​യ്പ​യാ​യി ആ​വ​ശ്യ​പ്പെ​ടും. ര​ണ്ടു​മ​ണി​ക്കൂ​റി​നു​ള്ളി​ൽ മ​ട​ക്കി​ന​ൽ​കാ​മെ​ന്നും വാ​ഗ്ദാ​നം ചെ​യ്യും. അ​ത്ര​യും​തു​ക കൈ​വ​ശ​മി​ല്ലെ​ന്ന് പ​റ​ഞ്ഞാ​ൽ എ​ത്ര​യു​ണ്ടെ​ന്ന് ചോ​ദി​ക്കു​ക​യും ഉ​ള്ള​ത് അ​യ​യ്ക്കാ​ൻ പ​റ​യു​ക​യും ചെ​യ്യും. പ​രി​ച​യ​ക്കാ​രും സു​ഹൃ​ത്തു​ക്ക​ളും ആ​യ​തി​നാ​ൽ സ്വാ​ഭാ​വി​ക​മാ​യി ചി​ല​രെ​ങ്കി​ലും ഇ​ത്ത​രം ച​തി​യി​ൽ​പെ​ടു​ക​യും പ​ണം അ​യ​യ്ക്കു​ക​യും ചെ​യ്യു​ന്നു​ണ്ട്. അ​ടു​ത്തി​ടെ ദേ​വി​കു​ളം സ​ബ് ക​ള​ക്ട​റു​ടെ പേ​രി​ലും പ​ണം ആ​വ​ശ്യ​പ്പെ​ട്ടു​കൊ​ണ്ടു​ള്ള വ്യാ​ജ സ​ന്ദേ​ശം വ​ന്നി​രു​ന്നു.
ബു​ധ​നാ​ഴ്ച നെ​ടു​ങ്ക​ണ്ടം മേ​ഖ​ല​യി​ലെ ഒ​രു അ​ധ്യാ​പി​ക​യു​ടെ പേ​രി​ൽ വ്യാ​ജ ഫേ​സ്ബു​ക്ക് പ്രൊ​ഫൈ​ൽ ഉ​ണ്ടാ​ക്കി ഇ​വ​രു​ടെ സു​ഹൃ​ത്തു​ക്ക​ളോ​ട് പ​ണം ആ​വ​ശ്യ​പ്പെ​ട്ടി​രു​ന്നു. ഇ​വ​രു​ടെ വി​ദ്യാ​ർ​ഥി​ക​ളി​ൽ ചി​ല​ർ ഫോ​ണി​ലൂ​ടെ ബ​ന്ധ​പ്പെ​ട്ട​പ്പോ​ഴാ​ണ് സ​ത്യാ​വ​സ്ഥ അ​റി​യു​ന്ന​ത്. ഉ​ട​ൻ​ത​ന്നെ അ​ധ്യാ​പി​ക ഫേ​സ്ബു​ക്ക് പോ​സ്റ്റി​ലൂ​ടെ സു​ഹൃ​ത്തു​ക്ക​ളെ കാ​ര്യം ധ​രി​പ്പി​ക്കു​ക​യാ​യി​രു​ന്നു.
പി​ന്നീ​ട് ന​ട​ന്ന അ​ന്വേ​ഷ​ണ​ത്തി​ലാ​ണ് ഇ​പ്ര​കാ​രം നി​ര​വ​ധി ആ​ളു​ക​ളു​ടെ പേ​രി​ൽ ത​ട്ടി​പ്പ് ന​ട​ന്ന​താ​യി അ​റി​യു​ന്ന​ത്. ആ​സാം സ്വ​ദേ​ശി​ക​ളാ​ണ് ത​ട്ടി​പ്പ് സം​ഘ​ത്തി​നു പി​ന്നി​ലെ​ന്ന് ക​ണ്ടെ​ത്തി. സൈ​ബ​ർ സെ​ൽ അ​ന്വേ​ഷ​ണം ആ​രം​ഭി​ച്ചു.