മ​ണ്ണി​നെ സ്നേ​ഹി​ച്ച്, ക​ഠി​നാ​ധ്വാ​ന​ത്തി​ന്‍റെ ശീ​ലു​ക​ൾ പാ​ടി ജോ​സ​ഫ് -അ​ന്ന​മ്മ ദ​ന്പ​തി​ക​ൾ
Thursday, June 10, 2021 9:53 PM IST
ക​രി​ങ്കു​ന്നം: മ​ണ്ണി​നെ​യും കൃ​ഷി​യെ​യും പ്ര​കൃ​തി​യു​ടെ നാ​ഥ​നെ​യും സ്നേ​ഹി​ച്ച് കൊ​തി​തീ​രാ​ത്ത ജീ​വി​തം. ക​ഠി​നാ​ധ്വാ​ന​ത്തി​ന്‍റെ ശീ​ലു​ക​ൾ പാ​ടി​പ്പ​തി​ഞ്ഞ അ​ധ​ര​ങ്ങ​ൾ. ലാ​ളി​ത്യം, ദൈ​വാ​ശ്ര​യ​ത്വം, അ​ടു​ക്കും ചി​ട്ട​യു​മു​ള്ള ജീ​വി​തം അ​താ​ണ് ക​രി​ങ്കു​ന്നം പൈ​ന്പി​ള്ളി​ൽ ജോ​സ​ഫ് (98), അ​ന്ന​മ്മ (95) ദ​ന്പ​തി​ക​ളു​ടെ പ്ര​ത്യേ​ക​ത​യും വി​ജ​യ​ര​ഹ​സ്യ​വും. പ്രാ​യം ശ​താ​ബ്ദി​യോ​ട​ടു​ക്കു​ന്പോ​ഴും ഒ​രു​മി​ച്ചു​ള്ള ജീ​വി​തം 77 വ​ർ​ഷം പി​ന്നി​ടു​ന്ന ഇ​രു​വ​രു​ടെ​യും ചു​റു​ചു​റു​ക്കി​ന്‍റെ ര​ഹ​സ്യം എ​ന്തെ​ന്നു ചോ​ദി​ച്ചാ​ൽ ചെ​റു​താ​യൊ​ന്നു ചി​രി​ക്കും. ആ ​ചി​രി​യി​ൽ എ​ല്ലാ​മു​ണ്ട്, പു​തി​യ ത​ല​മു​റ​യ്ക്കു പ​ഠി​ക്കാ​നു​ള്ള ഒ​ട്ടേ​റെ കാ​ര്യ​ങ്ങ​ൾ.​

പ​ഴ​യ​കാ​ല ജീ​വി​ത​ത്തെ​ക്കു​റി​ച്ച് പ​റ​ഞ്ഞു​തു​ട​ങ്ങി​യ​പ്പോ​ൾ തി​ക​ഞ്ഞ ആ​ത്മ​സം​തൃ​പ്തി​യും സ​ന്തോ​ഷ​വും ജോ​സ​ഫ് ചേ​ട്ട​ന്‍റെ മു​ഖ​ത്ത് പ്ര​തി​ഫ​ലി​ച്ചു. പു​ല​ർ​ച്ചെ 5.30ന് ​ഉ​ണ​രും. പി​ന്നെ കു​റെ​നേ​രം പ്രാ​ർ​ത്ഥ​ന. അ​തി​നു​ശേ​ഷം പ​ത്ര​വാ​യ​ന. അ​തി​ൽ ഇ​രു​വ​രും ഒ​ന്നി​നൊ​ന്നു​മെ​ച്ചം. അ​ത് ദീ​പി​ക​യാ​യി​രി​ക്ക​ണം എ​ന്ന​ത് നി​ർ​ബ​ന്ധ​മാ​ണ്. പി​ന്നെ പ​ശു ക​റ​വ​യും ചാ​യ​കു​ടി​യും ക​ഴി​ഞ്ഞ് കൃ​ഷി​യി​ട​ത്തി​ലേ​ക്ക്. രാ​മ​പു​ര​ത്തെ ത​റ​വാ​ട്ടി​ലാ​യി​രു​ന്നു ആ​ദ്യം താ​മ​സി​ച്ചി​രു​ന്ന​ത്. അ​ന്ന് അ​ഞ്ചേ​ക്ക​ർ പാ​ട​മു​ണ്ടാ​യി​രു​ന്നു. മാ​റ്റാ​ൾ പ​ണി​യാ​യി​രു​ന്നു അ​ന്ന് നി​ല​വി​ലി​രു​ന്ന​ത്.

അ​യ​ൽ​ക്കാ​രാ​യ ചീ​ങ്ക​ല്ലേ​ൽ കോ​ട്ടി​രി കു​ടും​ബ​ക്കാ​ർ​ക്കും അ​ഞ്ചേ​ക്ക​ർ പാ​ടം വീ​തം ഉ​ണ്ടാ​യി​രു​ന്നു. അ​വ​ർ ഒ​രേ​ർ കാ​ള​യും ആ​ളു​മാ​യി വ​ന്ന് പാ​ടം ഉ​ഴു​താ​ൻ സ​ഹാ​യി​ച്ചി​രു​ന്നു. കൊ​യ്ത്തും മെ​തി​യു​മെ​ല്ലാം ഇ​ങ്ങ​നെ​യാ​യി​രു​ന്നു ന​ട​ത്തി​യി​രു​ന്ന​ത്. മൂ​ന്നാം കൃ​ഷി ഇ​റ​ക്കി​യി​രു​ന്ന​ത് തേ​ക്കു​കൊ​ട്ട​യ്ക്ക് ന​ന​ച്ചാ​യി​രു​ന്നു. രാ​മ​പു​ര​ത്തു​നി​ന്ന് കു​ത്താ​ട്ടു​കു​ളം റൂ​ട്ടി​ൽ 150 മീ​റ്റ​ർ പോ​യാ​ൽ മാ​ർ​ക്ക​റ്റ് ഉ​ണ്ടാ​യി​രു​ന്നു. ത​ല​ച്ചു​മ​ടാ​യാ​ണ് സാ​ധ​ന​ങ്ങ​ൾ മാ​ർ​ക്ക​റ്റി​ൽ എ​ത്തി​ച്ചി​രു​ന്ന​ത്. വീ​തി കു​റ​ഞ്ഞ മ​ണ്‍​റോ​ഡ് മാ​ത്ര​മാ​ണ് അ​ന്നു​ണ്ടാ​യി​രു​ന്ന​ത്.1923 ലാ​യി​രു​ന്നു ജോ​സ​ഫി​ന്‍റെ ജ​ന​നം.

പി​ഴ​ക് ആ​ല​നോ​നി​ക്ക​ൽ അ​വി​ര അ​ന്ന​മ്മ ദ​ന്പ​തി​ക​ളു​ടെ മ​ക​ൾ അ​ന്ന​മ്മ​യു​മാ​യു​ള്ള വി​വാ​ഹം 1944 ലാ​യി​രു​ന്നു. രാ​മ​പു​രം സെ​ന്‍റ് അ​ഗ​സ്റ്റി​ൻ​സ് പ​ള്ളി​യി​ലാ​യി​രു​ന്നു വി​വാ​ഹം. 22 ഉം 19 ​ഉം വ​യ​സാ​യി​രു​ന്നു ഇ​രു​വ​ർ​ക്കും ഉ​ണ്ടാ​യി​രു​ന്ന​ത്. ച​ട്ട​യും മു​ണ്ടും നേ​ര്യ​തു​മാ​യി​രു​ന്നു വ​ധു​വി​ന്‍റെ വേ​ഷം. കൈ ​നീ​ള​ൻ ഷ​ർ​ട്ടും ഒ​റ്റ​മു​ണ്ടുമാ​യി​രു​ന്നു ജോ​സ​ഫ് ധ​രി​ച്ചി​രു​ന്ന​ത്. വി​വാ​ഹ​ത്തി​ന് ന​ട​ന്നാ​ണ് പ​ള്ളി​യി​ലേ​ക്ക് പോ​യ​ത്. വി​വാ​ഹ​ത്തി​നു ശേ​ഷം ന​ട​ന്ന സ​ദ്യ​യി​ൽ 170 ഓ​ളം പേ​ർ പ​ങ്കെ​ടു​ത്തി​രു​ന്നു. തൂ​ശ​നി​ല​യി​ലാ​യി​രു​ന്നു ഉൗ​ണ്. ശ​ർ​ക്ക​ര​യും തേ​ങ്ങ​യു​മാ​യി​രു​ന്നു മ​ധു​രം വ​ച്ച​തെ​ന്ന് പ​റ​യു​ന്പോ​ൾ ഇ​രു​വ​രു​ടേ​യും മു​ഖ​ത്ത് ചെ​റു​പു​ഞ്ചി​രി.

സ്വ​ർ​ണ​വും ച​ക്ര​വു​മാ​ണ് സ്ത്രീ​ധ​ന​മാ​യി ല​ഭി​ച്ച​ത്. അ​ന്ന​ത്തെ അ​ര​ച​ക്രം അ​ന്ന​മ്മ​യ​മ്മ​ച്ചി ഇ​ന്നും സൂ​ക്ഷി​ച്ചു​വ​ച്ചി​ട്ടു​ണ്ട്. തേ​ക്കി​ൻ ത​ടി​യി​ൽ നി​ർ​മി​ച്ച മൂ​ന്ന​ടി നീ​ള​വും ര​ണ്ട​ടി വീ​തി​യു​മു​ള്ള വി​വി​ധ അ​റ​ക​ളു​ള്ള പെ​ട്ടി​യും നെ​ല്ലു​പു​ഴു​ങ്ങാ​നു​ള്ള ചെ​ന്പു​മെ​ല്ലാം ല​ഭി​ച്ചി​രു​ന്നു.74 വ​ർ​ഷം​മു​ന്പാ​ണ് ജോ​സ​ഫും അ​ന്ന​മ്മ​യും രാ​മ​പു​ര​ത്തു​നി​ന്ന് ക​രി​ങ്കു​ന്ന​ത്ത് എ​ത്തി​യ​ത്. ഇ​വി​ടെ കൃ​ഷി ചെ​യ്യു​ന്ന​തി​നാ​യി സ്ഥ​ലം വാ​ങ്ങി​യ​തി​നെ​ത്തു​ട​ർ​ന്നാ​ണ് ക​രി​ങ്കു​ന്ന​ത്തേ​ക്ക് പോ​ന്ന​ത്. ഇ​ഞ്ചി, ക​പ്പ, തെ​ങ്ങ്, ക​മു​ക്, ഫ​ല വൃ​ക്ഷ​ങ്ങ​ൾ തു​ട​ങ്ങി​യ​വ​യെ​ല്ലാം കൃ​ഷി​ചെ​യ്യാ​ൻ ജോ​സ​ഫ് ചേ​ട്ട​നൊ​പ്പം അ​ന്ന​മ്മ​യ​മ്മ​ച്ചി​യു​മു​ണ്ടാ​യി​രു​ന്നു.​

ജോ​സ​ഫ് അ​ന്ന​മ്മ ദ​ന്പ​തി​ക​ൾ​ക്ക് ര​ണ്ട് ആ​ണ്‍​മ​ക്ക​ളും ര​ണ്ട് പെ​ണ്‍​മ​ക്ക​ളു​മാ​ണു​ള്ള​ത്. ഇ​തി​ൽ ഫ്രാ​ൻ​സി​സ്, സെ​ലി​ൻ എ​ന്നി​വ​ർ അ​മേ​രി​ക്ക​യി​ലാ​ണ്. ഏ​ലി​യാ​മ്മ തി​രു​മാ​റാ​ടി ഗ​വ.​എ​ച്ച്എ​സ്എ​സ് റി​ട്ട. പ്രി​ൻ​സി​പ്പ​ലാ​ണ്. മു​ൻ ക​രി​ങ്കു​ന്നം പ​ഞ്ചാ​യ​ത്ത് പ്ര​സി​ഡ​ന്‍റാ​യ പി.​ജെ. അ​വി​ര​യാ​ണ് മാ​താ​പി​താ​ക്ക​ൾ​ക്കൊ​പ്പ​മു​ള്ള​ത്. ഭാ​ര്യ ആ​നീ​സ്. മൂ​ന്നു​മ​ക്ക​ളു​ണ്ട്.​ മൂ​ന്നു ത​ല​മു​റ​ക​ളെ കാ​ണാ​ൻ ഭാ​ഗ്യം ല​ഭി​ച്ച ജോ​സ​ഫ് അ​ന്ന​മ്മ ദ​ന്പ​തി​ക​ൾ​ക്ക് ഇ​പ്പോ​ഴും കാ​ര്യ​മാ​യ ആ​രോ​ഗ്യ​പ്ര​ശ്ന​ങ്ങ​ളി​ല്ല. ഇ​രു​വ​രു​ടേ​യും കാ​ഴ്ച​യും മ​ങ്ങി​യി​ട്ടി​ല്ല. ജോ​സ​ഫ് ചേ​ട്ട​ന് ഒ​രു ചെ​വി​യു​ടെ കേ​ൾ​വി​ക്ക് അ​ൽ​പം കു​റ​വു​ണ്ടെ​ന്നു മാ​ത്രം.​ ടെ​ൻ​ഷ​ൻ​മൂ​ലം ജീ​വി​ത​ത്തി​ലെ ന​ല്ല ദി​ന​ങ്ങ​ൾ ന​ഷ്ട​പ്പെ​ടു​ത്ത​രു​തെ​ന്നാ​ണ് ഇ​രു​വ​ർ​ക്കും പ​റ​യാ​നു​ള്ള​ത്. ഉ​ള്ളു തു​റ​ന്ന് ചി​രി​ക്കാ​നും സം​സാ​രി​ക്കാ​നും ഒ​പ്പം നാ​ട​ൻ​ഭ​ക്ഷ​ണ​വും ക​ർ​മ നി​ര​ത​മാ​യ ജീ​വി​ത​വും കൂ​ടി​യു​ണ്ടെ​ങ്കി​ൽ ആ​രോ​ഗ്യം കൂ​ട​പ്പി​റ​പ്പാ​യി ഉ​ണ്ടാ​കു​മെ​ന്നാ​ണ് ഇ​വ​രു​ടെ പ​ക്വ​ത​യാ​ർ​ന്ന നി​രീ​ക്ഷ​ണം.