കൊച്ചി: എറണാകുളത്തും പറവൂരുമായി എറണാകുളം ലോക്‌സഭാ മണ്ഡലം എന്‍ഡിഎ സ്ഥാനാര്‍ഥി ഡോ. കെ.എസ്. രാധാകൃഷ്ണന്‍റെ ഇന്നലത്തെ പര്യടനം. പറവൂര്‍ മണ്ഡലത്തിലായിരുന്നു അദ്ദേഹത്തിന്‍റെ സമ്പര്‍ക്ക പരിപാടി. കൂനമ്മാവ് ആട്ടേത്തറ പള്ളിക്കടവ് ശിവ ഭദ്രകാളി ക്ഷേത്രത്തിലെ മഹോത്സവത്തില്‍ പങ്കെടുത്തു കൊണ്ടായിരുന്നു തുടക്കം.
വാണിയക്കാട് കരീപറമ്പ് കോളനിയിലെത്തി. കോളനി നിവാസികളെ നേരില്‍ കണ്ട് വോട്ടഭ്യര്‍ഥിച്ചു. കണ്ണന്‍ചിറ കട്ടേത്ത് കോളനി, പ്രശസ്ത കാഥികന്‍ കെടാമംഗലം സദാനന്ദന്‍റെ വസതി, കുടിയാകുളങ്ങര, അമ്പലക്കടവ് ഭാഗം, ചാത്തനാട് സെന്‍റ് ജോസഫ് കോണ്‍വെന്‍റ് എന്നിവിടങ്ങളും സന്ദര്‍ശിച്ചു.
വൈകീട്ട് എളമക്കര പുന്നക്കലില്‍ നിന്നും ആരംഭിച്ച വാഹന പര്യടനം പുതുക്കലവട്ടം, വായനശാല, പൊറ്റക്കുഴി, എസ്. ആര്‍.എം. പല്‍പ്പു ജംഗ്ഷന്‍, ചിന്മയ ജംഗ്ഷന്‍, കാട്ടുങ്കല്‍, അയ്യപ്പന്‍കാവ്, കോമ്പാറ, ഷണ്‍മുഖപുരം, വടുതല, ചിറ്റാലിക്കല്‍, ചിറ്റൂര്‍ ശ്രീകൃഷ്ണക്ഷേത്രം, കോളരിക്കല്‍ ജംഗ്ഷന്‍, ജയകേരള, പരിവാര്‍ ജംഗ്ഷന്‍, രുതിരമാലക്ഷേത്രം, ചേരാനെല്ലൂര്‍ നോര്‍ത്ത്, കുന്നുംപുറം എന്നിവിടങ്ങളിലെ സ്വീകരണങ്ങള്‍ക്ക് ശേഷം വിഷ്ണുപുരത്ത് സമാപിച്ചു.