സം​വി​ധാ​യ​കന്‍ ജോ​ഷി​യു​ടെ വീ​ട്ടി​ലെ കവർച്ച: ബീഹാർ റോബിൻഹുഡ് ക​ര്‍​ണാ​ട​ക​യി​ല്‍ അറസ്റ്റില്‍
Monday, April 22, 2024 4:37 AM IST
കൊ​ച്ചി: സം​വി​ധാ​യ​ക​ന്‍ ജോ​ഷി​യു​ടെ വീ​ട്ടി​ല്‍നി​ന്ന് ഒ​രു​ കോ​ടി രൂ​പ​യോ​ളം വി​ല​യുള്ള വ​ജ്ര, സ്വ​ര്‍​ണാ​ഭ​ര​ണ​ങ്ങ​ള്‍ മോ​ഷ്ടി​ച്ച കു​പ്ര​സി​ദ്ധ മോ​ഷ്ടാ​വ് "ബി​ഹാ​ര്‍ റോ​ബി​ന്‍​ഹു​ഡ്' എ​ന്ന​റി​യ​പ്പെ​ടു​ന്ന ബി​ഹാ​ര്‍ സ്വ​ദേ​ശി മു​ഹ​മ്മ​ദ് ഇ​ര്‍​ഫാ​ൻ ക​ര്‍​ണാ​ട​ക ഉ​ഡു​പ്പി​യി​ല്‍ നി​ന്ന് പോ​ലീ​സിന്‍റെ പി​ടി​യി​ലാ​യ​ി. ഇ​യാ​ളു​ടെ പ​ക്ക​ല്‍ നി​ന്നു ജോ​ഷി​യു​ടെ വീ​ട്ടി​ല്‍ നി​ന്ന് മോ​ഷ്ടി​ച്ച ആ​ഭ​ര​ണ​ങ്ങ​ളും ക​ണ്ടെ​ടു​ത്തു.

ശ​നി​യാ​ഴ്ച പു​ല​ര്‍​ച്ചെ ര​ണ്ട​ര​യോ​ടെ​യാ​ണ് ജോ​ഷി​യു​ടെ കൊ​ച്ചി പ​ന​മ്പി​ള്ളി​ന​ഗ​റി​ലെ "അ​ഭി​ലാ​ഷം' വീ​ട്ടി​ല്‍ ക​വ​ര്‍​ച്ച ന​ട​ന്ന​ത്. മു​ക​ള്‍​നി​ല​യി​ലെ‍ കി​ട​പ്പു​മു​റി​യി​ൽ അ​ല​മാ​ര​യി​ല്‍ സൂ​ക്ഷി​ച്ചി​രു​ന്ന ഒ​രു സെ​റ്റ് വ​ജ്ര നെ​ക്‌​ലെ​സ്, 10 വ​ജ്ര മോ​തി​രം, 12 വ​ജ്ര ക​മ്മ​ല്‍, ര​ണ്ട് സ്വ​ര്‍​ണ വ​ങ്കി, 10 സ്വ​ര്‍​ണ മാ​ല, 10 സ്വ​ര്‍​ണ വ​ള, 10 വാ​ച്ചു​ക​ള്‍ എ​ന്നി​വ​യാ​ണ് മോ​ഷ്ടി​ച്ച​ത്.

സം​ഭ​വ​ത്തി​ല്‍ ജോ​ഷി​യു​ടെ മ​ക​ന്‍ അ​ഭി​ലാ​ഷി​ന്‍റെ പ​രാ​തി​യി​ല്‍ കേ​സെ​ടു​ത്ത എ​റ​ണാ​കു​ളം സൗ​ത്ത് പോ​ലീ​സ് ഉ​ട​ന്‍ അ​ന്വേ​ഷ​ണം ആ​രം​ഭി​ച്ചു. ആ​ദ്യം മോ​ഷ്ടാ​വി​ന്‍റെ സി​സി​ടി​വി ദൃ​ശ്യ​ങ്ങ​ളും പി​ന്നാ​ലെ പ്ര​തി സ​ഞ്ച​രി​ച്ചി​രു​ന്ന കാ​റി​ന്‍റെ ദൃ​ശ്യ​ങ്ങ​ളും പോ​ലീ​സി​ന് ല​ഭി​ച്ചു.

ഇ​തി​ല്‍ നി​ന്നു മ​ഹാ​രാ​ഷ്ട്ര ര​ജി​സ്‌​ട്രേ​ഷ​നി​ലു​ള്ള കാ​റാ​ണെ​ന്ന് വ്യ​ക്ത​മാ​യി. തു​ട​ര്‍​ന്ന് മോ​ഷ്ടാ​വി​ന്‍റെ​യും കാ​റി​ന്‍റെ​യും വി​വ​ര​ങ്ങ​ള്‍ സൗ​ത്ത് പോ​ലീ​സ് മ​ഹാ​രാ​ഷ്ട്ര, ക​ര്‍​ണാ​ട​ക, ഗോ​വ സം​സ്ഥാ​ന​ങ്ങ​ളി​ലെ പോ​ലീ​സി​ന് കൈ​മാ​റി. വാ​ഹ​നം കേ​ര​ള അ​തി​ര്‍​ത്തി ക​ട​ന്ന​താ​യും മം​ഗ​ളൂ​രു ഭാ​ഗ​ത്തേ​ക്ക് സ​ഞ്ച​രി​ക്കു​ന്ന​താ​യു​മു​ള്ള വി​വ​രം ക​ര്‍​ണാ​ട​ക പോ​ലീ​സി​ന് ന​ല്‍​കി.

ശ​നി​യാ​ഴ്ച വൈ​കിട്ട് 4.45ന് ​ഉ​ഡു​പ്പി സം​സ്ഥാ​ന്‍ ടോ​ള്‍ പ്ലാ​സ​യി​ലെ​ത്തി​യ കാ​ര്‍ പോ​ലീ​സ് ത​ട​യാ​ന്‍ ശ്ര​മി​ച്ചെ​ങ്കി​ലും ഇ​ര്‍​ഫാ​ന്‍ നി​ര്‍​ത്താ​തെ​പോ​യി. തു​ട​ര്‍​ന്ന് കോ​ട്ട പോ​ലീ​സ് സ​ബ് ഇ​ന്‍​സ്‌​പെ​ക്ട​ര്‍ തേ​ജ​സി​ന്‍റെ നേ​തൃ​ത്വ​ത്തി​ല്‍ കാ​റി​നെ പി​ന്തു​ട​ര്‍​ന്നു.

ദേ​ശീ​യ​പാ​ത​യി​ല്‍ കോ​ട്ട​യി​ല്‍​വ​ച്ച് പോ​ലീ​സ് ഇ​ര്‍​ഫാ​ന്‍റെ കാ​ര്‍ നാ​ലു​ഭാ​ഗ​ത്തു​നി​ന്നും വ​ള​ഞ്ഞു പി​ടി​കൂ​ടു​ക​യാ​യി​രു​ന്നു. ഇ​ര്‍​ഫാ​നെ ക​സ്റ്റ​ഡി​യി​ലെ​ടു​ത്ത ശേ​ഷം കാ​ര്‍ പ​രി​ശോ​ധി​ച്ച പോ​ലീ​സ് ബാ​ഗി​ല്‍ സൂ​ക്ഷി​ച്ചി​രു​ന്ന സ്വ​ര്‍​ണാ​ഭ​ര​ണ​ങ്ങ​ള്‍ ക​ണ്ടെ​ടു​ത്തു. ഇ​ന്ന​ലെ വൈ​കിട്ട് എ​റ​ണാ​കു​ള​ത്ത് നി​ന്നെ​ത്തി​യ പോ​ലീ​സ് സം​ഘ​ത്തി​ന് പ്ര​തി​യെ ക​ര്‍​ണാ​ട​ക പോ​ലീ​സ് കൈ​മാ​റി. എ​റ​ണാ​കു​ളം സൗ​ത്ത് സി​ഐ​യു​ടെ നേ​തൃ​ത്വ​ത്തി​ലു​ള്ള അ​ന്വേ​ഷ​ണ​സം​ഘം ഇ​ര്‍​ഫാ​നു​മാ​യി കൊ​ച്ചി​ക്ക് തി​രി​ച്ചു.

വാ​ഹ​നം കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് ഉ​ഡു​പ്പി​യി​ല്‍ നി​ന്നു പ്ര​തി പി​ടി​യി​ലാ​യ​ത്. ഇ​ര്‍​ഫാ​ന്‍റെ ഭാ​ര്യ​യു​ടെ പേ​രി​ലു​ള്ള​താ​ണ് കാ​ര്‍. തി​രു​വ​ന​ന്ത​പു​ര​ത്ത് ജ്വ​ല്ല​റി ഉ​ട​മ​യു​ടെ വീ​ട്ടി​ല്‍ ക​വ​ര്‍​ച്ച ന​ട​ത്തി​യ​ത​ട​ക്കം കേ​ര​ള​ത്തി​ലും ഇ​ത​ര​സം​സ്ഥാ​ന​ങ്ങ​ളി​ലു​മാ​യി നി​ര​വ​ധി കേ​സു​ക​ളി​ല്‍ പ്ര​തി​യാ​ണ് ഇയാൾ.

Copyright @ 2022 , Rashtra Deepika Ltd.