x
ad
Thu, 19 November 2026
Facebook X Instagram Youtube
Deepika
Deepika
E-Paper
ad

ADVERTISEMENT

14 ദിവസത്തിനുള്ളിൽ 1,500 കോടി; ബോക്സ് ഓഫീസ് കീഴടക്കി 'രാമായണ'

സിനിമ ഡെസ്ക്
Published: November 19, 2026 04:56 PM IST | Updated: November 19, 2026 04:56 PM IST

'രാമായണ' എന്ന ചിത്രത്തിൽ രൺബീർ കപുർ.

നിതേഷ് തിവാരിയുടെ സംവിധാനത്തിൽ ഒരുങ്ങിയ ബ്രഹ്മാണ്ഡ ചിത്രം 'രാമായണ' റിലീസ് ചെയ്ത് പതിനാലു ദിവസത്തിനുള്ളിൽ ആഗോള ബോക്സോഫീസിൽ 1,500 കോടി രൂപ പിന്നിട്ടു. ഇന്ത്യയിൽ നിന്നുള്ള ഗ്രോസ് കളക്ഷൻ മാത്രം 1,009.05 കോടി രൂപ കടന്നതായാണ് ട്രേഡ് റിപ്പോർട്ടുകൾ.

കേവലം രണ്ടാഴ്ച കൊണ്ടാണ് ചിത്രം 1,500 കോടി ക്ലബ്ബിൽ ഇടംപിടിച്ചത്. ഈ നേട്ടത്തിലേക്ക് ഏറ്റവും വേഗമെത്തിയ ഇന്ത്യൻ ചിത്രങ്ങളിലൊന്നായി 'രാമായണ' മാറി. രണ്ടാമത്തെ ബുധനാഴ്ച (14-ാം ദിവസം) ഇന്ത്യയിൽനിന്ന് ഏകദേശം 23.20 കോടി രൂപ നെറ്റ് കളക്ഷൻ ചിത്രം നേടി. ഇതോടെ ആകെ ഇന്ത്യൻ നെറ്റ് കളക്ഷൻ 844.40 കോടി രൂപയിലെത്തി.

വിദേശത്തുനിന്നു മാത്രം 510 കോടി രൂപ ഗ്രോസ് കളക്ഷൻ ചിത്രം സ്വന്തമാക്കിയിട്ടുണ്ട്. ദീപാവലി റിലീസായി നവംബർ അഞ്ചിനു തിയേറ്ററുകളിലെത്തിയ ചിത്രത്തിനു തുടക്കത്തിൽ സമ്മിശ്ര പ്രതികരണമാണു ലഭിച്ചതെങ്കിലും ദീപാവലി അവധിക്കാലവും കുടുംബ പ്രേക്ഷകരുടെ പിന്തുണയും കളക്ഷൻ കുതിച്ചുയരാൻ സഹായിച്ചു.

രൺബീർ കപുർ ശ്രീരാമനായും യഷ് രാവണനായും സായ് പല്ലവി സീതയായും എത്തുന്ന ചിത്രത്തിൽ സണ്ണി ഡിയോൾ (ഹനുമാൻ), രവി ദുബെ (ലക്ഷ്മണൻ) എന്നിവരും പ്രധാന വേഷങ്ങളിലുണ്ട്.

Tags : RamayanaMovie RamayanaBoxOfficeCollection RanbirKapoor SaiPallavi NiteshTiwari FilmNews

Recent News

Corehub Up