1

തമിഴകത്തിന്‍റെ സൂപ്പർതാരം സൂര്യയും മലയാളികളുടെ പ്രിയപ്പെട്ട യുവനടി മമിത ബൈജുവും ഒന്നിക്കുന്ന ബിഗ് ബജറ്റ് ചിത്രം വി​ശ്വ​നാ​ഥ് ആ​ൻ​ഡ് സ​ൺ​സിന്‍റെ ഓ​ഡി​യോ ലോ​ഞ്ച് ഞാ‍‍യറാഴ്ച ​കോ​യ​മ്പ​ത്തൂ​രി​ൽ. വെ​ങ്കി അറ്റ്ലൂരിയാണ് ചിത്രത്തിന്‍റെ സംവിധായകൻ. കോ​യ​മ്പ​ത്തൂ​രി​ലെ ഹി​ന്ദു​സ്ഥാ​ൻ കോ​ളജ് ഓ​ഫ് ആ​ർ​ട്സ് ആ​ൻ​ഡ് സ​യ​ൻ​സി​ലാണ് ഗം​ഭീ​ര​മാ​യ ഓ​ഡി​യോ ലോ​ഞ്ച്. നി​ർമാ​താ​ക്ക​ളാ​യ സി​താ​ര എ​ന്‍റ​ർ​ടൈ​ൻ​മെന്‍റ്സ് സോ​ഷ്യ​ൽ മീ​ഡി​യ​യി​ലൂ​ടെ​യാ​ണ് ​ഇക്കാര്യം അറിയിച്ചത്. ജി.​വി. പ്ര​കാ​ശ് കു​മാ​ർ ആണ് സംഗീതസംവിധായകൻ.

മ​മി​ത ബൈ​ജു നാ​യി​ക​യാ​യി എ​ത്തു​ന്ന ചി​ത്ര​ത്തി​ൽ ബോ​ളി​വു​ഡ് താ​രം ര​വീ​ണ ട​ണ്ട​നും പ്ര​ധാ​ന വേ​ഷ​ത്തി​ൽ പ്ര​ത്യ​ക്ഷ​പ്പെ​ടു​ന്നു​ണ്ട്. ആ​ള​വ​ന്താ​ൻ റിലീസ് ആയി 25 വ​ർ​ഷ​ത്തിനുശേ​ഷ​മാ​ണ് ര​വീ​ണ ട​ണ്ട​ൻ ത​മി​ഴ് സി​നി​മ​യി​ലേ​ക്കു തി​രി​ച്ചെ​ത്തു​ന്ന​ത്. സൂ​ര​റൈ പോ​ട്ര് എ​ന്ന ചി​ത്ര​ത്തി​നു ശേ​ഷം സൂ​ര്യ​യും ജി.​വി. പ്ര​കാ​ശ് കു​മാ​റും വീ​ണ്ടും ഒ​ന്നി​ക്കു​ന്നു എ​ന്ന പ്ര​ത്യേ​ക​ത​യുമു​ണ്ട്.

ഓ​ഗ​സ്റ്റ് 14-ന് ആ​ണ് ചി​ത്രം തി​യേ​റ്റ​റു​ക​ളി​ൽ എ​ത്തു​ന്ന​ത്. മ​ധ്യ​വ​യ​സ്ക​നും പെ​ൺ​കു​ട്ടി​യും ത​മ്മി​ലു​ള്ള പ്ര​ണ​യ​ബ​ന്ധ​ത്തി​ന്‍റെ ക​ഥ പ​റ​യു​ന്ന ചി​ത്രം, സ്വ​പ്ന​ങ്ങ​ളു​ടെ​യും വി​കാ​ര​ങ്ങ​ളു​ടെ​യും അ​പ്ര​തീ​ക്ഷി​ത പ്ര​ണ​യ​ത്തി​ന്‍റെയും ഹൃ​ദ​യ​സ്പ​ർ​ശി​യാ​യ യാ​ത്ര എ​ന്നാ​ണ് അ​ണി​യ​റ​പ്ര​വ​ർ​ത്ത​ക​ർ വി​ശേ​ഷി​പ്പി​ക്കു​ന്ന​ത്. ഗ​ജി​നി​യി​ലെ സൂ​ര്യ​യു​ടെ ബി​സി​ന​സു​കാ​ര​നാ​യ ക​ഥാ​പാ​ത്ര​ത്തി​ൽ നി​ന്ന് പ്ര​ചോ​ദ​ന​മു​ൾ​ക്കൊ​ണ്ടാ​ണ് ഇ​തി​ലെ 'സ​ഞ്ജ​യ് വി​ശ്വ​നാ​ഥ്' എ​ന്ന ക​ഥാ​പാ​ത്ര​ത്തെ രൂ​പ​പ്പെ​ടു​ത്തി​യി​രി​ക്കു​ന്ന​ത്.

രാ​ധി​കാ ശ​ര​ത്കു​മാ​ർ, നാ​സ​ർ, ര​ഘു ബാ​ബു, സു​നി​ൽ റെ​ഡ്ഡി, ഭ​വാ​നി ശ്രീ, ​വി​വേ​ക് ഹ​ർ​ഷ, കാ​ളി വെ​ങ്ക​ട് തു​ട​ങ്ങി​യ വ​ലി​യൊ​രു താ​ര​നി​ര ത​ന്നെ ചി​ത്ര​ത്തി​ൽ അ​ണി​നി​ര​ക്കു​ന്നു​ണ്ട്.

Tags : Suriya MamithaBaiju VishwanathandSons TamilFilmNews