x
ad
Thu, 19 November 2026
Facebook X Instagram Youtube
Deepika
Deepika
E-Paper
ad

ADVERTISEMENT

തലമുറകളുടെ സംഗമമായി ക്നാനായ നൈറ്റ്; കലാപരിപാടികളാൽ നിറഞ്ഞ് ആഘോഷരാവ്

ഷാ​ജി പ​ള്ളി​വീ​ട്ടി​ൽ
Published: November 18, 2026 03:02 PM IST | Updated: November 18, 2026 03:02 PM IST

പരിപാടിയിൽ നിന്ന്

ഷി​ക്കാ​ഗോ: ഷി​ക്കാ​ഗോ ക്നാ​നാ​യ ക​ത്തോ​ലി​ക്കാ സൊ​സൈ​റ്റി​യു​ടെ (കെ​സി​എ​സ് ഷി​ക്കാ​ഗോ) ആ​ഭി​മു​ഖ്യ​ത്തി​ൽ ലൈ​ലി​ലെ ബെ​ന​ഡി​ക്ടി​ൻ യൂ​ണി​വേ​ഴ്സി​റ്റി​യു​ടെ ഡാ​നി​യേ​ൽ ഗു​ഡ്‌​വി​ൻ ബി​സി​ന​സ് സെ​ന്‍റ​റി​ൽ സം​ഘ​ടി​പ്പി​ച്ച ക്നാ​നാ​യ നൈ​റ്റ് 2026 ക​ലാ​വൈ​ഭ​വ​ത്തി​ന്‍റെ​യും സാം​സ്കാ​രി​ക പൈ​തൃ​ക​ത്തി​ന്‍റെ​യും സ​മു​ദാ​യ ഐ​ക്യ​ത്തി​ന്‍റെ​യും ആ​ഘോ​ഷ​മാ​യി മാ​റി.

മ​നോ​ഹ​ര​മാ​യ ക​ലാ​പ്ര​ക​ട​ന​ങ്ങ​ളും വൈ​വി​ധ്യ​മാ​ർ​ന്ന സാം​സ്കാ​രി​ക പ​രി​പാ​ടി​ക​ളും മി​ക​ച്ച സം​ഘാ​ട​ന​മി​ക​വും​കൊ​ണ്ട് ഷി​ക്കാ​ഗോ ക്നാ​നാ​യ സ​മൂ​ഹ​ത്തി​ന്‍റെ ച​രി​ത്ര​ത്തി​ലെ അ​വി​സ്മ​ര​ണീ​യ​മാ​യ ഒ​രു ആ​ഘോ​ഷ​രാ​വാ​യി ക്നാ​നാ​യ നൈ​റ്റ് 2026 മാ​റി.

കി​ഡ്സ് ക്ല​ബി​ലെ കൊ​ച്ചു​കു​ട്ടി​ക​ൾ മു​ത​ൽ മു​തി​ർ​ന്ന പൗ​ര​ന്മാ​ർ വ​രെ​യു​ള്ള എ​ല്ലാ ത​ല​മു​റ​ക​ളു​ടെ​യും സ​ജീ​വ പ​ങ്കാ​ളി​ത്ത​മാ​യി​രു​ന്നു ഈ ​വ​ർ​ഷ​ത്തെ ക്നാ​നാ​യ നൈ​റ്റി​ന്‍റെ ഏ​റ്റ​വും വ​ലി​യ സ​വി​ശേ​ഷ​ത.

വ​ർ​ണാ​ഭ​മാ​യ വേ​ഷ​വി​ധാ​ന​ങ്ങ​ളും ആ​ക​ർ​ഷ​ക​മാ​യ നൃ​ത്താ​വി​ഷ്കാ​ര​ങ്ങ​ളും ഹൃ​ദ്യ​മാ​യ സം​ഗീ​ത​പ​രി​പാ​ടി​ക​ളും വൈ​വി​ധ്യ​മാ​ർ​ന്ന ക​ലാ​പ്ര​ക​ട​ന​ങ്ങ​ളും വേ​ദി​യെ അ​ക്ഷ​രാ​ർ​ഥ​ത്തി​ൽ ഒ​രു ക​ലാ​വി​സ്മ​യ​മാ​ക്കി മാ​റ്റി.

ഓ​രോ പ​രി​പാ​ടി​യി​ലും ക​ലാ​കാ​ര​ന്മാ​രു​ടെ​യും കോ​ഓ​ർ​ഡി​നേ​റ്റ​ർ​മാ​രു​ടെ​യും ആ​ഴ്ച​ക​ൾ നീ​ണ്ട പ​രി​ശീ​ല​ന​ത്തി​ന്‍റെ​യും ക​ഠി​നാ​ധ്വാ​ന​ത്തി​ന്‍റെ​യും സ​ർ​ഗാ​ത്മ​ക​ത​യു​ടെ​യും പ്ര​തി​ഫ​ല​നം പ്ര​ക​ട​മാ​യി​രു​ന്നു. സ​മു​ദാ​യാം​ഗ​ങ്ങ​ളു​ടെ അ​ഭൂ​ത​പൂ​ർ​വ​മാ​യ പ​ങ്കാ​ളി​ത്ത​വും ആ​ഘോ​ഷ​ത്തി​ന്‍റെ മ​റ്റൊ​രു പ്ര​ധാ​ന സ​വി​ശേ​ഷ​ത​യാ​യി​രു​ന്നു.

പ​രി​പാ​ടി​ക​ളു​ടെ ഉ​ന്ന​ത നി​ല​വാ​ര​വും വൈ​വി​ധ്യ​വും കാ​ണി​ക​ളെ തു​ട​ക്കം മു​ത​ൽ അ​വ​സാ​നം വ​രെ ആ​വേ​ശ​ഭ​രി​ത​രാ​ക്കി. ഒ​രു പ​രി​പാ​ടി ക​ഴി​യു​മ്പോ​ൾ അ​ടു​ത്ത​ത് എ​ന്താ​യി​രി​ക്കു​മെ​ന്ന ആ​കാം​ക്ഷ​യോ​ടെ കാ​ണി​ക​ൾ സ​ദ​സി​ൽ തു​ട​ർ​ന്നു.

K-Rail Survey K-Rail Survey K-Rail Survey K-Rail Survey K-Rail Survey K-Rail Survey K-Rail Survey K-Rail Survey K-Rail Survey K-Rail Survey

പ​ര​മ്പ​രാ​ഗ​ത രീ​തി​ക​ളി​ൽ​നി​ന്നു​ള്ള മാ​റ്റം: പൊ​തു​സ​മ്മേ​ള​നം ഒ​ഴി​വാ​ക്കി ക​ലാ​പ​രി​പാ​ടി​ക​ൾ​ക്ക് പ്രാ​ധാ​ന്യം

ക്നാ​നാ​യ നൈ​റ്റി​ന്‍റെ ഏ​റ്റ​വും ശ്ര​ദ്ധേ​യ​വും പൊ​തു​ജ​ന​പ്ര​ശം​സ നേ​ടി​യ​തു​മാ​യ പ്ര​ത്യേ​ക​ത, പ​ര​മ്പ​രാ​ഗ​ത പൊ​തു​സ​മ്മേ​ള​നം ഒ​ഴി​വാ​ക്കി മു​ഴു​വ​ൻ സ​മ​യ​വും ക​ലാ​സാം​സ്കാ​രി​ക പ​രി​പാ​ടി​ക​ൾ​ക്കാ​യി മാ​റ്റി​വ​ച്ച തീ​രു​മാ​ന​മാ​യി​രു​ന്നു.

മു​ൻ​കാ​ല​ങ്ങ​ളി​ൽ ക്നാ​നാ​യ നൈ​റ്റി​ന്‍റെ ഭാ​ഗ​മാ​യി ന​ട​ന്നി​രു​ന്ന പൊ​തു​സ​മ്മേ​ള​നം ഒ​ഴി​വാ​ക്കി​യ​തി​ലൂ​ടെ ക​ലാ​കാ​ര​ന്മാ​ർ​ക്ക് കൂ​ടു​ത​ൽ അ​വ​സ​ര​ങ്ങ​ൾ ല​ഭി​ക്കു​ക​യും കാ​ണി​ക​ൾ​ക്ക് ഇ​ട​വേ​ള​ക​ളി​ല്ലാ​തെ പ​രി​പാ​ടി​ക​ൾ ആ​സ്വ​ദി​ക്കാ​ൻ സാ​ധി​ക്കു​ക​യും ചെ​യ്തു. ഈ ​പു​തി​യ സ​മീ​പ​ന​ത്തെ സ​ദ​സ് നി​റ​ഞ്ഞ കൈ​യ​ടി​ക​ളോ​ടെ​യാ​ണ് സ്വീ​ക​രി​ച്ച​ത്.

പൊ​തു​സ​മ്മേ​ള​നം ഒ​ഴി​വാ​ക്കി​യ തീ​രു​മാ​നം ഏ​റെ സ്വാ​ഗ​താ​ർ​ഹ​മാ​ണെ​ന്നും ഭാ​വി​യി​ലും ഇ​തേ മാ​തൃ​ക തു​ട​ര​ണ​മെ​ന്നും നി​ര​വ​ധി സ​മു​ദാ​യാം​ഗ​ങ്ങ​ൾ അ​ഭി​പ്രാ​യ​പ്പെ​ട്ടു.

സ​മ​യ​നി​ഷ്ഠ​യി​ലും സം​ഘാ​ട​ന​മി​ക​വി​ലും പു​തി​യ മാ​തൃ​ക

മ​റ്റൊ​രു പ്ര​ധാ​ന ഘ​ട​കം സം​ഘാ​ട​ക​രു​ടെ അ​സാ​ധാ​ര​ണ​മാ​യ സ​മ​യ​നി​ഷ്ഠ​യും കാ​ര്യ​ക്ഷ​മ​മാ​യ പ​രി​പാ​ടി നി​യ​ന്ത്ര​ണ​വു​മാ​യി​രു​ന്നു. മു​ൻ​കൂ​ട്ടി പ്ര​ഖ്യാ​പി​ച്ച​തു​പോ​ലെ കൃ​ത്യം വൈ​കു​ന്നേ​രം അ​ഞ്ചി​ന് ആ​രം​ഭി​ച്ച പ​രി​പാ​ടി​ക​ൾ രാ​ത്രി 9.30ന് ​അ​വ​സാ​നി​ച്ചു.

കെസിഎ​സ് നേ​തൃ​ത്വ​ത്തി​നും കോ​ഓർ​ഡി​നേ​റ്റ​ർ​മാ​ർ​ക്കും അ​ഭി​ന​ന്ദ​ന​പ്ര​വാ​ഹം

പരിപാടിയുടെ വി​ജ​യ​ത്തി​ന് പി​ന്നി​ൽ പ്ര​വ​ർ​ത്തി​ച്ച കെസിഎ​സ് എ​ക്സി​ക്യൂ​ട്ടീ​വ് ബോ​ർ​ഡി​നും ക്നാ​നാ​യ നൈ​റ്റ് കോഓ​ർ​ഡി​നേ​റ്റ​ർ​മാ​ർ​ക്കും വി​വി​ധ സം​ഘ​ട​നാ ഭാ​ര​വാ​ഹി​ക​ൾ​ക്കും സ​ന്ന​ദ്ധ​പ്ര​വ​ർ​ത്ത​ക​ർ​ക്കും സ​മു​ദാ​യാം​ഗ​ങ്ങ​ൾ ന​ന്ദി​യും അ​ഭി​ന​ന്ദ​ന​ങ്ങ​ളും അ​റി​യി​ച്ചു.

കു​ട്ടി​ക​ളു​ടെ ക​ലാ​പ​രി​പാ​ടി​ക​ൾ​ക്ക് പി​ന്നി​ൽ പ്ര​വ​ർ​ത്തി​ച്ച കി​ഡ്സ് ക്ല​ബ്, കെസിജെഎൽ കോഓ​ർ​ഡി​നേ​റ്റ​ർ​മാ​ർ, വി​മ​ൻ​സ് ഫോ​റം പ്ര​വ​ർ​ത്ത​ക​ർ, യു​വ​ജ​ന​ങ്ങ​ൾ, മു​തി​ർ​ന്ന പൗ​ര​ന്മാ​രു​ടെ പ്ര​തി​നി​ധി​ക​ൾ തു​ട​ങ്ങി വി​വി​ധ വി​ഭാ​ഗ​ങ്ങ​ളു​ടെ കൂ​ട്ടാ​യ പ്ര​വ​ർ​ത്ത​ന​മാ​ണ് ​ആ​ഘോ​ഷ​ത്തെ ഉ​ന്ന​ത നി​ല​വാ​ര​ത്തി​ലെ​ത്തി​ച്ച​ത്.

Tags : KnanayaNight2026 KCSChicago ChicagoMalayalees CulturalCelebration Chicago

Recent News

Corehub Up