സാവരിയയുടെ ബന്ധുക്കൾ, സദറുൽ അനം
താഷ്കന്റ്: മെഡിക്കൽ വിദ്യാർഥിയായ ഹരിപ്പാട് സ്വദേശി സാവരിയ ബസന്ത് (21) മർദനമേറ്റു മരിച്ച കേസിൽ സഹപാഠിക്ക് ഉസ്ബെക്കിസ്ഥാൻ കോടതി ശിക്ഷ വിധിച്ചതിന് പിന്നാലെ കുടുംബത്തിന്റെ ആരോപണം വീണ്ടും ചർച്ചയാവുന്നു.
സാവരിയയെ കേസിലെ പ്രതിയായ മലപ്പുറം സ്വദേശി സദറുൽ അനാം മതം മാറ്റാൻ ശ്രമിച്ചിരുന്നുവെന്ന് കുടുംബം നേരത്തെ ആരോപിച്ചിരുന്നു.
സാവരിയയെ മതപരിവർത്തനത്തിന് നിരന്തരം നിർബന്ധിച്ചിരുന്നുവെന്നും ഇതിന് വഴങ്ങാത്തതിനെ തുടർന്നുള്ള വെെര്യാഗ്യമാണ് കൊലപാതകത്തിൽ കലാശിച്ചത്തെന്നും കുടുംബം പറയുന്നു.

ജൂലൈയിലാണ് കൊലപാതകം നടന്നത്. ഉസ്ബെക്കിസ്ഥാനിലെ ബുഖാറ സ്റ്റേറ്റ് മെഡിക്കൽ യൂണിവേഴ്സിറ്റിയിൽ ഒന്നാം വർഷ മെഡിസിൻ വിദ്യാർഥിനിയായിരുന്നു സാവരി. സഹപാഠി സദറുൽ അനാമും സാവരിയയും ഒരേ ഹോസ്റ്റലിലാണു താമസിച്ചിരുന്നത്.
ആദ്യ സെമസ്റ്റർ പരീക്ഷ കഴിഞ്ഞു നാട്ടിലെത്താനിരിക്കെയാണു സാവരിയയെ ഹോസ്റ്റൽ മുറിയിൽ മരിച്ചനിലയിൽ കണ്ടെത്തിയത്. തുടർന്ന് നടത്തിയ അന്വേഷണത്തിലാണ് സദറുൽ അനാം അറസ്റ്റിലായത്.
കഴിഞ്ഞദിവസമാണ് കേസിൽ ഉസ്ബെക്കിസ്ഥാൻ കോടതി ശിക്ഷവിധിച്ചത്. എട്ടര വർഷം തടവുശിക്ഷയാണ് സദറുൽ അനാമിന് ലഭിച്ചത്.
അതേസമയം, ഉസ്ബെക്കിസ്ഥാൻ പൊലിസ് കാര്യമായ അന്വേഷണം നടത്തിയിട്ടില്ലെന്നും കുടുംബം ആരോപിക്കുന്നുണ്ട്.
Tags : SavariyaBasanth MalayaliStudent SadarulAnam Uzbekistan ReligiousConversion