ഒരു പോസ് മതി ലോകം മുഴുവൻ ഫാൻസാകാൻ! ഒരു ചിരി മതി കോടിക്കണക്കിന് ആളുകളുടെ മനസ് കീഴടക്കാൻ! ഒരു പാട്ട് മതി ജീവിതം തന്നെ മാറിമറിയാൻ!
സിനിമാ താരങ്ങളോ സെലിബ്രിറ്റികളോ ഒന്നുമല്ല ഇവർ. പക്ഷേ സോഷ്യൽ മീഡിയ ഇവരെ ഏറ്റെടുത്തത് ഒരു സൂപ്പർസ്റ്റാറിന്റെ അതേ സ്റ്റൈലിൽ! രണ്ടു വയസുകാരൻ മുതൽ വീട്ടമ്മ വരെ. റെയിൽവേ സ്റ്റേഷനിൽ പാട്ടുപാടിയിരുന്നവർ മുതൽ രാഷ്ട്രീയത്തിലെ ക്യൂട്ട് മുഖങ്ങൾ വരെ. ഇതാണ് സോഷ്യൽ മീഡിയയുടെ കുറച്ച് വൈറൽ താരങ്ങൾ.
നീല സൺഗ്ലാസ്, കൈകൾ പോക്കറ്റിൽ, മുഖത്ത് നല്ല കൂൾ ലുക്ക്! പ്രായം വെറും രണ്ട് വയസ്! പക്ഷേ ആ ആറ്റിറ്റ്യൂഡ് കണ്ടാൽ ഏതോ സിനിമയിലെ നായകനാണെന്ന് തോന്നും! മഹാരാഷ്ട്രയിലെ യവാത്മാലിൽ പുതിയ സ്കൂട്ടർ വാങ്ങാനെത്തിയ രുദ്രാൻഷിന്റെ ഈ എൻട്രിയാണ് സോഷ്യൽ മീഡിയയിൽ തീപിടിപ്പിച്ചത്. വീഡിയോ കണ്ടത് ഒന്നും രണ്ടുമല്ല, 12.5 കോടിയിലധികം ആളുകൾ!അതോടെ ഷോറൂം ഉടമയും ഹാപ്പി! കുഞ്ഞിന്റെ ബിരുദം വരെയുള്ള വിദ്യാഭ്യാസച്ചെലവ് ഏറ്റെടുക്കാമെന്നും വാഗ്ദാനം.
അടുത്ത താരം ഒരു കണ്ണിറുക്കലിൽ അല്ല, കണ്ണുകൾ കൊണ്ടുതന്നെ സോഷ്യൽ മീഡിയ കീഴടക്കിയ പെൺകുട്ടി. മഹാകുംഭമേളയിൽ മാല വിൽക്കുന്നതിനിടെയാണ് മൊണാലിസ ഭോസ്ലേയുടെ ചിത്രങ്ങളും വീഡിയോകളും വൈറലായത്. ആ കണ്ണുകളും നിഷ്കളങ്കമായ ചിരിയും പിന്നെ തിരിഞ്ഞുനോക്കേണ്ടി വന്നില്ല! സോഷ്യൽ മീഡിയയിൽ നിന്ന് ദേശീയ ശ്രദ്ധയിലേക്ക്. അവിടെനിന്ന് സിനിമയിലേക്കും!
അടുത്ത കഥ കേട്ടാൽ ശരിക്കും സിനിമാക്കഥയാണെന്ന് തോന്നും! റെയിൽവേ സ്റ്റേഷൻ... കൈയിൽ മൈക്കില്ല മുന്നിൽ വലിയ വേദിയുമില്ല! പക്ഷേ ശബ്ദത്തിൽ മാജിക്കുണ്ടായിരുന്നു! പശ്ചിമ ബംഗാളിലെ റാണാഘട്ട് റെയിൽവേ സ്റ്റേഷനിൽ പാട്ടുപാടിയിരുന്ന റാണു മണ്ഡലിന്റെ ശബ്ദം ഒരാൾ മൊബൈലിൽ പകർത്തി. വീഡിയോ വൈറലായതോടെ ജീവിതം മാറി! സംഗീത സംവിധായകൻ ഹിമേഷ് രേഷാമിയയുടെ സംഗീതത്തിൽ സിനിമയിൽ പാടാനും അവസരം ലഭിച്ചു.
അടുക്കളയിലെ ജോലികൾക്കിടയിൽ പാട്ടുപാടിയിരുന്ന ഒരു സാധാരണ വീട്ടമ്മ! പക്ഷേ ആ ശബ്ദം ഒരുനാൾ ലക്ഷക്കണക്കിന് ആളുകളുടെ കാതുകളിലെത്തുമെന്ന് ചന്ദ്രലേഖ പോലും കരുതിയിരുന്നില്ല. കെ.എസ്. ചിത്ര അനശ്വരമാക്കിയ 'രാജഹംസമേ മഴവിൽക്കുടിലിൽ' എന്ന ഗാനം ചന്ദ്രലേഖ പാടുന്ന വീഡിയോയാണ് സോഷ്യൽ മീഡിയയിൽ വൈറലായത്. ഭർത്താവിന്റെ സഹോദരൻ രഹസ്യമായി മൊബൈലിൽ പകർത്തിയ പാട്ട് യൂട്യൂബിലെത്തിയതോടെ കഥ മാറി! വീട്ടിലെ അടുക്കളയിൽ നിന്ന് സോഷ്യൽ മീഡിയയുടെ താരപദവിയിലേക്ക്!
ഇനി ഒരു രാഷ്ട്രീയ വൈറൽ താരം! പ്രസംഗമില്ല... വലിയ രാഷ്ട്രീയ പ്രസ്താവനകളില്ല... ഒരു മുഖഭാവം മാത്രം! മുഖ്യമന്ത്രി വി.ഡി. സതീശന്റെ ഒരു ക്യൂട്ട് എക്സ്പ്രഷനാണ് സോഷ്യൽ മീഡിയയിൽ തരംഗമായത്. നെറ്റിസൺസ് അതിന് നൽകിയ പേരോ 'പുക്കി മുഖ്യമന്ത്രി'! രാഷ്ട്രീയ ചർച്ചകൾക്കിടയിലും ഇത്തരം ചെറിയ നിമിഷങ്ങൾ എങ്ങനെ ട്രെൻഡാകുമെന്ന് കാണിച്ചുതരുന്ന മറ്റൊരു വൈറൽ മൊമന്റ്!
Tags : viral stars socialmedia viral