റാഫേൽ യുദ്ധവിമാനങ്ങളുടെ വിൽപ്പന; ഫ്രഞ്ച് പ്രതിരോധമന്ത്രി അടുത്തയാഴ്ച ഇന്ത്യയിൽ
Sunday, October 22, 2017 1:14 AM IST
ന്യൂഡൽഹി: ഫ്രഞ്ച് പ്രതിരോധമന്ത്രി ഫ്ളോറൻസ് പാർലെ ഈ മാസം 27,28 തീയതികളിൽ ഇന്ത്യ സന്ദർശിക്കും. കൂടുതൽ റാഫേൽ യുദ്ധവിമാനങ്ങൾ ഇന്ത്യയിൽ വിറ്റഴിക്കുന്നതിനുവേണ്ടിയുള്ള നിർണായക ചർച്ചകൾ അദ്ദേഹത്തിന്‍റെ സന്ദർശനത്തിലുണ്ടാകുമെന്നാണ് റിപ്പോർട്ടുകൾ.

ഡിസംബർ ആദ്യം ഫ്രഞ്ച് പ്രസിഡന്‍റ് ഇമ്മാനുവൽ മാക്രോണ്‍ ഇന്ത്യ സന്ദർശിക്കുന്നുണ്ട്. ഇതിനു മുന്നോടിയായി ഇരു രാജ്യങ്ങൾ തമ്മിലുള്ള ഉഭയകക്ഷി, സാന്പത്തിക സഹകരണ ബന്ധങ്ങൾക്ക് അടിസ്ഥാനമൊരുക്കുക കൂടിയാണ് പാർലെയുടെ സന്ദർശനത്തിന്‍റെ ലക്ഷ്യം.

കഴിഞ്ഞവർഷമാണ് ഫ്രാൻസിൽ നിന്നു 36 റാഫേൽ യുദ്ധവിമാനങ്ങൾ വാങ്ങാനുള്ള 59,000 കോടി രൂപയുടെ കരാറിൽ ഇന്ത്യ ഒപ്പുവച്ചത്. 2015ൽ പ്രധാനമന്ത്രി നരേന്ദ്ര മോദിയുടെ ഫ്രാൻസ് സന്ദർശന വേളയിലാണു 36 റാഫേൽ വിമാനങ്ങൾ വാങ്ങാൻ ധാരണയായത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.