കെ​​ടു​​കാ​​ര്യ​​സ്ഥ​​ത​​കൊ​​ണ്ട് സ​​ർ​​ക്കാ​​ർ സം​​ര​​ക്ഷി​​ച്ച വേ​​ട്ട​​നാ​​യ്ക്ക​​ളി​​ലൊ​​ന്നാ​​ണ് മ​​ല​​പ്പു​​റ​​ത്ത് പെ​​ൺ​​കു​​ഞ്ഞി​​ന്‍റെ ജീ​​വ​​നെ​​ടു​​ത്ത​​ത്. മ​​ര​​ണ​​കാ​​ര​​ണ​​മെ​​ന്തെ​​ന്ന് ഏ​​തെ​​ങ്കി​​ലും ഡോ​​ക്ട​​ർ പ​​റ​​ഞ്ഞാ​​ൽ മ​​തി. ഇ​​നി​​യെ​​ത്ര ‘ന​​ര​​ബ​​ലി’​​യെ​​ന്നു സ​​ർ​​ക്കാ​​ർ പ​​റ​​യ​​ണം.

കാ​ല​ഹ​ര​ണ​പ്പെ​ട്ട നി​യ​മ​ങ്ങ​ളു​ടെ​യും മ​നു​ഷ്യ​വി​രു​ദ്ധ​രാ​യി മാ​റി​യ ക​പ​ട മൃ​ഗ​സ്നേ​ഹി​ക​ളു​ടെ​യും ത​ട​വ​റ​യി​ലാ​യ സ​ർ​ക്കാ​രി​ന്‍റെ പി​ടി​പ്പു​കേ​ട് ഒ​രു കു​ഞ്ഞി​ന്‍റെ​കൂ​ടി ജീ​വ​നെ​ടു​ത്തു. വാ​ക്സി​നെ​ടു​ത്തി​ട്ടും പേ​വി​ഷ​ബാ​ധ​യേ​റ്റ മ​ല​പ്പു​റ​ത്തെ പി​ഞ്ചു​കു​ഞ്ഞി​ന്‍റെ ദാ​രു​ണാ​ന്ത്യം അ​ധി​കാ​ര​കേ​ന്ദ്ര​ങ്ങ​ളു​ടെ​യും കോ​ട​തി​ക​ളു​ടെ​യും ക​ണ്ണു തു​റ​പ്പി​ക്കു​മോ? സാ​ധ്യ​ത​യി​ല്ല; ഇ​ര​ക​ളി​ലേ​റെ​യും പാ​വ​പ്പെ​ട്ട​വ​രും സാ​ധാ​ര​ണ​ക്കാ​രു​മാ​ണ്.

നാ​യ​പ്രേ​മം ഹോ​ബി​യാ​ക്കി​യ പൊ​ങ്ങ​ച്ച​ക്കാ​രു​ടെ പാ​ഴ്‌​വാ​ക്കു കേ​ട്ടാ​ണ്, സ​ർ​ക്കാ​ർ പേ​വി​ഷ​ബാ​ധ​യേ​റ്റു മ​രി​ക്കു​ന്ന​വ​രു​ടെ എ​ണ്ണ​ത്തി​ൽ ഇ​ന്ത്യ​യെ ലോ​ക​ത്ത് ഒ​ന്നാ​മ​താ​ക്കി​യ​ത്. സം​സ്ഥാ​ന സ​ർ​ക്കാ​രി​ന്‍റെ വീ​ൺ​വാ​ക്കു​ക​ൾ കേ​ര​ള​ത്തി​ന്‍റെ തെ​രു​വു​ക​ളെ തു​റ​ന്ന പ​ട്ടി​ക്കൂ​ടാ​ക്കി മാ​റ്റി. സ​ർ​ക്കാ​ർ സം​ര​ക്ഷി​ച്ച പേ​പ്പ​ട്ടി​ക​ളി​ലൊ​ന്നാ​ണ് മ​ല​പ്പു​റ​ത്തെ കു​ഞ്ഞി​നെ ക​ടി​ച്ചു​കീ​റി​യ​ത്.

ക​ഴി​ഞ്ഞ മാ​ർ​ച്ച് 29നാ​ണ് മ​ല​പ്പു​റം പെ​രു​വ​ള്ളൂ​രി​ൽ മി​ഠാ​യി വാ​ങ്ങാ​ൻ പോ​യ സി​യ എ​ന്ന പെ​ൺ​കു​ട്ടി​യെ തെ​രു​വു​നാ​യ ക​ടി​ച്ച​ത്. ആ​റു വ​യ​സ് തി​ക​യാ​ത്ത കു​ട്ടി​ക്ക് മൂ​ന്നു മ​ണി​ക്കൂ​റി​ന​കം പ്ര​തി​രോ​ധ വാ​ക്സി​നെ​ടു​ത്തു. പ​ക്ഷേ, ക​ഴി​ഞ്ഞി​ദി​വ​സം ക​ടു​ത്ത പ​നി ഉ​ണ്ടാ​യ​തി​നെ തു​ട​ർ​ന്ന് വീ​ണ്ടും കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ എ​ത്തി​ച്ച​പ്പോ​ഴാ​ണ് പേ​വി​ഷ​ബാ​ധ​യു​ണ്ടെ​ന്നു സ്ഥി​രീ​ക​രി​ച്ച​ത്. ഇ​ന്ന​ലെ പു​ല​ർ​ച്ചെ മ​രി​ച്ചു.

ത​ല​യ്ക്കു ക​ടി​യേ​റ്റ​തു​കൊ​ണ്ടാ​ണ് പ്ര​തി​രോ​ധ വാ​ക്സി​ൻ ഫ​ലി​ക്കാ​തെ പോ​യ​തെ​ന്ന് ഡോ​ക്ട​ർ​മാ​ർ പ​റ​ഞ്ഞു. വാ​ക്സി​ന്‍റെ ഗു​ണ​നി​ല​വാ​ര​ത്തെ​ക്കു​റി​ച്ച് പ​രാ​തി​യു​ണ്ടെ​ങ്കി​ൽ അ​തും അ​ന്വേ​ഷി​ക്കു​മെ​ന്നാ​ണ് ആ​രോ​ഗ്യ​വ​കു​പ്പ് അ​ധി​കൃ​ത​ർ പ​റ​ഞ്ഞ​ത്. മ​ര​ണ​കാ​ര​ണം വെ​ളി​പ്പെ​ടു​ത്ത​ലി​നും ഇ​ത്ത​രം അ​ന്വേ​ഷ​ണ പ്ര​ഹ​സ​ന​ങ്ങ​ൾ​ക്കു​മ​പ്പു​റം തെ​രു​വു​നാ​യ ശ​ല്യ​ത്തി​ൽ​നി​ന്ന് ഈ ​സം​സ്ഥാ​ന​ത്തെ ര​ക്ഷി​ക്കാ​ൻ എ​ന്തെ​ങ്കി​ലു​മൊ​രു ന​ട​പ​ടി​യു​ണ്ടാ​കു​മോ എ​ന്നാ​ണ് അ​റി​യേ​ണ്ട​ത്.

വ​ന്ധ്യം​ക​ര​ണ​മാ​ണ് പ​രി​ഹാ​ര​മെ​ന്ന നു​ണ​യി​ൽ ചു​ട്ടെ​ടു​ത്ത എ​ബി​സി (ആ​നി​മ​ൽ ബ​ർ​ത് ക​ൺ​ട്രോ​ൾ) നി​യ​മ​ത്തി​ലൂ​ടെ സ​ർ​ക്കാ​രു​ക​ൾ പാ​ഴാ​ക്കി​യ​തു കാ​ൽ നൂ​റ്റാ​ണ്ടാ​ണ്. ഈ ​നി​യ​മ​മാ​ണ് തെ​രു​വു​നാ​യ ആ​ക്ര​മ​ണം പ്ര​തി​രോ​ധി​ക്കാ​നു​ള്ള ഏ​റ്റ​വും വ​ലി​യ ത​ട​സം. ഓ​രോ മ​ര​ണ​വും സം​ഭ​വി​ക്കു​ന്പോ​ൾ നി​യ​മ​ത്തി​ന്‍റെ ചു​വ​ടു​പി​ടി​ച്ച് കു​റെ ഔ​ദ്യോ​ഗി​ക പ്ര​സ്താ​വ​ന​ക​ളി​റ​ക്കും.

ഒ​ന്നും സം​ഭ​വി​ക്കി​ല്ല. 2001ൽ ​എ​ബി​സി നി​യ​മം പ്രാ​ബ​ല്യ​ത്തി​ൽ വ​ന്നെ​ങ്കി​ലും, നാ​യ്ക്ക​ൾ​ക്ക് അ​ഴി​ഞ്ഞാ​ടാ​ൻ അ​വ​സ​ര​വും മൃ​ഗ​സ്നേ​ഹി​ക​ളു​ടെ അ​പ്രാ​യോ​ഗി​ക വാ​യാ​ടി​ത്ത​ങ്ങ​ൾ​ക്കു നി​യ​മ​പ്രാ​ബ​ല്യ​വും ല​ഭി​ച്ച​തും കോ​ടി​ക​ൾ മു​ടി​പ്പി​ച്ച​തു​മൊ​ഴി​ച്ചാ​ൽ നാ​ടി​നൊ​രു ഗു​ണ​വു​മു​ണ്ടാ​യി​ട്ടി​ല്ല. തെ​രു​വു​നാ​യ​ക​ളെ സം​ര​ക്ഷി​ക്കാ​ൻ താ​ത്പ​ര്യ​മു​ള്ള വ്യ​ക്തി​ക​ള്‍​ക്ക് അ​തി​നു​ള്ള ലൈ​സ​ന്‍​സ് അ​നു​വ​ദി​ക്കാ​ൻ 2024 മാ​ർ​ച്ചി​ൽ ഹൈ​ക്കോ​ട​തി സ​ർ​ക്കാ​രി​നോ​ടു നി​ർ​ദേ​ശി​ച്ചി​രു​ന്നു.

തെ​രു​വു​നാ​യ​ക​ൾ​ക്കെ​തി​രേ എ​ന്തെ​ങ്കി​ലും ന​ട​പ​ടി എ​ടു​ത്താ​ൽ നാ​യ​പ്രേ​മി​ക​ൾ രം​ഗ​ത്തു​വ​രു​മെ​ന്നും തെ​രു​വു​നാ​യ​ക​ളേ​ക്കാ​ൾ മ​നു​ഷ്യ​ർ​ക്ക് പ​രി​ഗ​ണ​ന ന​ൽ​ക​ണ​മെ​ന്നാ​ണ് ത​ന്‍റെ അ​ഭി​പ്രാ​യ​മെ​ന്നും ജ​ഡ്ജി പ​റ​യു​ക​യും ചെ​യ്തു. ഫ​ല​മൊ​ന്നു​മു​ണ്ടാ​യി​ല്ല. 1960ലെ, ​മൃ​ഗ​ങ്ങ​ൾ​ക്കെ​തി​രാ​യ ക്രൂ​ര​ത ത​ട​യ​ൽ നി​യ​മ​ത്തി​ന്‍റെ സെ​ക്‌​ഷ​ൻ 38ലെ ​ഉ​പ​വ​കു​പ്പ് (1) ഉം (2) ​ഉം ന​ൽ​കു​ന്ന അ​ധി​കാ​ര​ങ്ങ​ൾ വി​നി​യോ​ഗി​ച്ചാ​ണ് എ​ബി​സി ന​ട​പ്പാ​ക്കി​യ​ത്.

കേ​ര​ള​ത്തി​ലു​ൾ​പ്പെ​ടെ ഒ​രൊ​റ്റ സം​സ്ഥാ​ന​ത്തു​പോ​ലും തെ​രു​വു​നാ​യ​ശ​ല്യം കു​റ​ഞ്ഞി​ല്ലെ​ന്നു മാ​ത്ര​മ​ല്ല, നാ​യ്ക്ക​ളു​ടെ ക​ടി​യേ​ൽ​ക്കു​ന്ന മ​നു​ഷ്യ​രു​ടെ എ​ണ്ണം വ​ർ​ധി​ക്കു​ക​യും ചെ​യ്തു. ഫ​ല​ത്തി​ൽ, മൃ​ഗ​ങ്ങ​ളോ​ടു​ള്ള ക്രൂ​ര​ത ത​ട​യാ​നു​ള്ള നി​യ​മം മ​നു​ഷ്യ​രോ​ടു​ള്ള ക്രൂ​ര​ത​യാ​യി മാ​റി. പേ​വി​ഷ​ബാ​ധ​യേ​റ്റു ലോ​ക​ത്താ​കെ ഏ​ക​ദേ​ശം 60,000 പേ​ർ വ​ർ​ഷം തോ​റും മ​രി​ക്കു​ന്പോ​ൾ അ​തി​ൽ 20,000 ഇ​ന്ത്യ​യി​ല്‍. ആ​ഗോ​ള പേ​വി​ഷ​മ​ര​ണ​ങ്ങ​ളു​ടെ 36 ശ​ത​മാ​നം.

യ​ഥാ​സ​മ​യം വാ​ക്സി​നെ​ടു​ത്താ​ലും മ​രി​ക്കാ​ൻ സാ​ധ്യ​ത​യു​ണ്ടെ​ന്ന​റി​ഞ്ഞി​ട്ടും കാ​ഴ്ച​ക്കാ​രാ​യി നി​ൽ​ക്കു​ക​യാ​ണ് സ​ർ​ക്കാ​ർ. പെ​റ്റു​പെ​രു​കി നാ​ട്ടി​ലി​റ​ങ്ങു​ന്ന വ​ന്യ​ജീ​വി​ക​ളെ​യും അ​ക്ര​മി​ക​ളാ​യ തെ​രു​വു​നാ​യ​ക​ളെ​യും കൊ​ന്നു​നി​യ​ന്ത്രി​ക്ക​ണ​മെ​ന്ന പ്രാ​യോ​ഗി​ക​വാ​ദ​ത്തി​നു പ​തി​റ്റാ​ണ്ടു​ക​ളു​ടെ പ​ഴ​ക്ക​മു​ണ്ട്. പ​ല ലോ​ക​രാ​ജ്യ​ങ്ങ​ളും ന​ട​പ്പാ​ക്കു​ക​യും ചെ​യ്തു. അ​മേ​രി​ക്ക​യി​ല്‍ വ​ർ​ഷ​ത്തി​ൽ ഏ​ക​ദേ​ശം 27 ല​ക്ഷം നാ​യ്ക്ക​ളെ​യും പൂ​ച്ച​ക​ളെ​യും ദ​യാ​വ​ധം ന​ട​ത്തു​ന്നു​ണ്ട്.

പേ​വി​ഷ​ബാ​ധ മു​ക്ത​മാ​യ ജ​പ്പാ​നി​ൽ പ്രാ​ദേ​ശി​ക മൃ​ഗ​സം​ര​ക്ഷ​ണ കേ​ന്ദ്ര​ങ്ങ​ളി​ലും മൃ​ഗ​സം​ര​ക്ഷ​ണ ഷെ​ല്‍​ട്ട​റു​ക​ളി​ലു​മാ​യി ഏ​ക​ദേ​ശം 50,000 നാ​യ്ക്ക​ളെ​യും പൂ​ച്ച​ക​ളെ​യും കൊ​ല്ലു​ന്നു​ണ്ട്. ഇ​വി​ടെ ‘അ​യ്യോ ക്രൂ​ര​ത’ എ​ന്നു വി​ല​പി​ക്കു​ന്ന​വ​ർ​ക്ക്, കൊ​ല്ല​പ്പെ​ടു​ക​യും ജീ​വ​ച്ഛ​വ​മാ​യി മാ​റു​ക​യും ചെ​യ്യു​ന്ന പ​തി​നാ​യി​ര​ക്ക​ണ​ക്കി​നു മ​നു​ഷ്യ​രെ​യും അ​വ​രു​ടെ കു​ടും​ബ​ങ്ങ​ളെ​യും നി​ർ​വി​കാ​ര​ത​യോ​ടെ അ​വ​ഗ​ണി​ക്കാ​നു​മ​റി​യാം.

വാ​ഹ​നാ​പ​ക​ട​ങ്ങ​ളും ക​ടി​യേ​ൽ​ക്കു​ന്ന വ​ള​ർ​ത്തു​മൃ​ഗ​ങ്ങ​ളും വേ​റെ. എ​ന്തൊ​രു കാ​പ​ട്യ​മാ​ണി​ത്! ന​മ്മു​ടെ നി​യ​മ​ങ്ങ​ൾ എ​ന്നാ​ണ് ജ​നോ​പ​കാ​ര​പ്ര​ദ​മാ​കു​ന്ന​ത്? 2023ലെ ​ക​ണ​ക്ക​നു​സ​രി​ച്ച് നാ​യ്ക്ക​ളി​ൽ​നി​ന്നു​ള്ള പേ​വി​ഷ​ബാ​ധ​യി​ലൂ​ടെ ഉ​ണ്ടാ​കു​ന്ന ആ​ഗോ​ള സാ​ന്പ​ത്തി​ക ബാ​ധ്യ​ത 73,000 കോ​ടി​യി​ൽ​പ​രം രൂ​പ​യു​ടേ​താ​ണ്. 2022ലെ ​ക​ണ​ക്ക​നു​സ​രി​ച്ച് 10,000 കോ​ടി രൂ​പ​യു​ടെ വാ​ക്സി​നാ​ണ് വി​റ്റ​ഴി​ഞ്ഞ​ത്.

ഓ​രോ വ​ർ​ഷ​വും കു​തി​ച്ചു​യ​രു​ന്ന ക​ച്ച​വ​ട​മാ​ണി​ത്. നാ​യ്ക്ക​ളു​ടെ ക​ടി​യേ​റ്റ് ക​ഴി​ഞ്ഞ വ​ർ​ഷം 3.16 ല​ക്ഷം പേ​ർ കേ​ര​ള​ത്തി​ൽ ചി​കി​ത്സ തേ​ടി. ഗു​രു​ത​ര​മാ​യി ക​ടി​യേ​റ്റ​വ​ർ​ക്ക് ന​ൽ​കു​ന്ന ഇ​മ്യൂ​ണോ ഗ്ലോ​ബു​ലി​ന് 3400 മു​ത​ൽ 6000 രൂ​പ​വ​രെ വി​ല​യു​ണ്ട്. തെ​രു​വു​നാ​യ്ക്ക​ളി​ല്ലെ​ങ്കി​ൽ ഇ​തൊ​ന്നും ആ​വ​ശ്യ​മി​ല്ല. ജ​ന​ങ്ങ​ളോ​ടു കൂ​റും ഇ​ച്ഛാ​ശ​ക്തി​യു​മു​ള്ള ഒ​രു സ​ർ​ക്കാ​ർ നി​ല​വി​ൽ വ​രു​ന്ന അ​ന്നു തീ​രും എ​ബി​സി​യും വ​നം-​വ​ന്യ​ജീ​വി സം​ര​ക്ഷ​ണ​വും​പോ​ലു​ള്ള മ​നു​ഷ്യ​വി​രു​ദ്ധ നി​യ​മ​ങ്ങ​ൾ.

മ​ല​പ്പു​റ​ത്തെ കു​ഞ്ഞി​നു വാ​ക്സി​ൻ ഫ​ലി​ക്കാ​തെ പോ​യ​തും മ​ര​ണ​കാ​ര​ണ​വു​മൊ​ക്കെ ഏ​തെ​ങ്കി​ലും ഡോ​ക്ട​ർ പ​റ​ഞ്ഞാ​ൽ മ​തി. പ​ക്ഷേ, കെ​ടു​കാ​ര്യ​സ്ഥ​ത​യു​ടെ ബ​ലി​ക്ക​ല്ലി​ൽ എ​ബി​സി മ​ന്ത്ര​ങ്ങ​ളു​രു​വി​ട്ട് ഇ​നി​യെ​ത്ര മ​നു​ഷ്യ​രെ കി​ട​ത്തു​മെ​ന്നു സ​ർ​ക്കാ​രു​ക​ൾ പ​റ​യ​ണം.