വെ​ളി​ച്ച​ണ്ണവി​ല ച​രി​ത്രം തി​രു​ത്തി കു​തി​ക്കു​ക​യാ​ണ്. കി​ലോ​യ്ക്ക് 450 രൂ​പ​വ​രെ വി​ല​യാ​യി. പ​ച്ച​ത്തേ​ങ്ങ കി​ലോ​യ്ക്ക് 75 രൂ​പ. തേ​ങ്ങ വി​റ്റ് ത​മി​ഴ്നാ​ട്ടി​ലെ​യും ക​ർ​ണാ​ട​ക​ത്തി​ലെ​യും ക​ർ​ഷ​ക​ർ വ​ലി​യ നേ​ട്ട​മു​ണ്ടാ​ക്കു​ക​യാ​ണ്.

പ​ക്ഷേ, മാ​റി​മാ​റി വ​ന്ന സ​ർ​ക്കാ​രു​ക​ൾ മ​ണ്ട വെ​ട്ടി​യ തെ​ങ്ങു​കൃ​ഷി​യി​ൽ​നി​ന്നു കേ​ര​ള​ത്തി​നു കാ​ര്യ​മാ​യ നേ​ട്ട​മി​ല്ല; ഉ​ത്പാ​ദ​നം കൂ​പ്പു​കു​ത്തി. സ​ർ​ക്കാ​ർ നാ​ളി​കേ​ര ക​ർ​ഷ​ക​രെ പ്ര​ത്യേ​കം ദ്രോ​ഹി​ച്ച​ത​ല്ല; എ​ല്ലാ ക​ർ​ഷ​ക​രെ​യും കൈ​യൊ​ഴി​ഞ്ഞ കൂ​ട്ട​ത്തി​ൽ അ​വ​രും പെ​ട്ടു.

വി​ല​യി​ടി​വ്, രോ​ഗ​ങ്ങ​ൾ, താ​റു​മാ​റാ​യ സം​ഭ​ര​ണം, വ​ന്യ​ജീ​വി ആ​ക്ര​മ​ണം, കൃ​ഷി ഉ​പേ​ക്ഷി​ക്ക​ൽ, എ​ന്നി​ങ്ങ​നെ പ​ല കാ​ര‍ണ​ങ്ങ​ളാ​ൽ കേ​ര​ള​ത്തി​ലെ നാ​ളി​കേ​ര ഉ​ത്പാ​ദ​നം കു​ത്ത​നെ കു​റ​ഞ്ഞു. നാ​ളി​കേ​ര​ത്തി​ന്‍റെ നാ​ട് ഈ ​ഓ​ണ​ത്തി​ന് പ​ച്ച​ക്ക​റി​യും പ​ഴ​ങ്ങ​ളും പ​ല​ച​ര​ക്കി​നു​മൊ​പ്പം വ​ലി​യ​തോ​തി​ൽ തേ​ങ്ങ​യും ത​മി​ഴ്നാ​ട്ടി​ൽ​നി​ന്നും ക​ർ​ണാ​ട​ക​ത്തി​ൽ​നി​ന്നും വാ​ങ്ങും.

ന​മ്മു​ടെ ഓ​ണം അ​വ​രു​ടെ പ​ണ​പ്പെ​ട്ടി നി​റ​യ്ക്കും. ക​ർ​ഷ​ക​ർ​ക്കു പി​ന്തു​ണ കൊ​ടു​ക്കു​ക​യും അ​തേ​സ​മ​യം, സ​ബ്സി​ഡി ന​ൽ​കി സ​പ്ലൈ​കോ വ​ഴി​യും റേ​ഷ​ൻ ക​ട​ക​ൾ വ​ഴി​യും വി​ല കു​റ​ച്ചു വെ​ളി​ച്ചെ​ണ്ണ വി​ൽ​ക്കു​ക​യും ചെ​യ്യേ​ണ്ട സ​മ​യ​മാ​ണി​ത്.

കേ​ന്ദ്രം ഭ​ക്ഷ്യ എ​ണ്ണ​യു​ടെ ഇ​റ​ക്കു​മ​തി​ക്ക് ക​ഴി​ഞ്ഞ സെ​പ്റ്റം​ബ​റി​ൽ 20 ശ​ത​മാ​നം ഇ​റ​ക്കു​മ​തിത്തീ​രു​വ ഏ​ർ​പ്പെ​ടു​ത്തി​യ​തോ​ടെ​യാ​ണ് വി​ല വ​ർ​ധി​ക്കാ​ൻ തു​ട​ങ്ങി​യ​ത്. ന​മു​ക്ക് ആ​വ​ശ്യ​മാ​യ ഭ​ക്ഷ്യ എ​ണ്ണ​യു​ടെ 57 ശ​ത​മാ​ന​വും ഇ​റ​ക്കു​മ​തി​യാ​യി​രു​ന്ന​തി​നാ​ൽ മ​റ്റു ചെ​ല​വു​ക​ളും വ​ർ​ധി​ച്ച​തോ​ടെ പാം, ​സൂ​ര്യ​കാ​ന്തി, സോ​യ​ാബീ​ൻ എ​ന്നീ എ​ണ്ണ​ക​ളു​ടെ വി​ല ഉ​യ​ർ​ന്നു.

ഇ​തോ​ടെ കേ​ന്ദ്രം ഇ​റ​ക്കു​മ​തിത്തീ​രു​വ 10 ശ​ത​മാ​ന​മാ​യി കു​റ​ച്ചു. മേ​യ് 31 മു​ത​ൽ വി​ല കു​റ​യു​മെ​ന്നു ക​രു​തി​യെ​ങ്കി​ലും ഫ​ല​മു​ണ്ടാ​യി​ല്ല. രാ​ജ്യാ​ന്ത​ര സ​മ്മ​ർ​ദ​മു​ണ്ടാ​യാ​ൽ ഈ ​തീ​രു​വ​യി​ൽ കേ​ന്ദ്രം ക​ർ​ഷ​ക​ർ​ക്കൊ​പ്പം നി​ൽ​ക്കു​മെ​ന്ന് ഒ​രു​റ​പ്പു​മി​ല്ല. റ​ബ​റി​ന്‍റെ കാ​ര്യം ഓ​ർ​ത്താ​ൽ മ​തി. രാ​ജ്യ​ത്തെ ഭ​ക്ഷ്യ എ​ണ്ണ​യു​ടെ ആ​വ​ശ്യം 20 വ​ർ​ഷ​ത്തി​നി​ടെ മൂ​ന്നി​ര​ട്ടി​യാ​യി വ​ർ​ധി​ക്കു​ക​യും ചെ​യ്തു.

ബേ​ക്കറി പ​ല​ഹാ​ര​ങ്ങ​ളു​ടെ ഉ​പ​യോ​ഗ​മേ​റി​യ​തും ഹോ​ട്ട​ലു​ക​ളി​ൽ​നി​ന്നു ഭ​ക്ഷ​ണം ക​ഴി​ക്കു​ന്ന സം​സ്കാ​രം വ​ള​ർ​ന്ന​തും ഭ​ക്ഷ്യ എ​ണ്ണ​യു​ടെ ഉ​പ​യോ​ഗം വ​ർ​ധി​പ്പി​ച്ചു. ഇ​ത് പൊ​തു​ജ​നാ​രോ​ഗ്യ​ത്തെ അ​പ​ക​ട​ത്തി​ലാ​ക്കി​യെ​ന്ന​തു വേ​റെ കാ​ര്യം.

വെ​ളി​ച്ചെ​ണ്ണ​യുടെ വി​ലവ​ർ​ധ​ന കേ​ര​ള​ത്തി​നു നേ​ട്ട​മു​ണ്ടാ​ക്കാ​മാ​യി​രു​ന്ന കാ​ര്യ​മാ​ണ്. പ​ക്ഷേ, ഒരി​ക്ക​ൽ രാ​ജ്യ​ത്ത് നാ​ളി​കേ​ര കൃ​ഷി​യി​ലും ഉ​ത്പാ​ദ​ന​ത്തി​ലും ഒ​ന്നാ​മ​താ​യി​രു​ന്ന കേ​ര​ളം, ക​ർ​ണാ​ട​ക​ത്തി​നും തമി​ഴ്നാ​ടി​നും പി​ന്നി​ൽ മൂ​ന്നാ​മ​താ​യി. വ​ള​ച്ചു​കെ​ട്ടി​​ല്ലാ​തെ പ​റ​ഞ്ഞാ​ൽ, ആ ​ര​ണ്ടു സം​സ്ഥാ​ന​ങ്ങ​ളി​ലെ​യും സർ​ക്കാ​രു​ക​ൾ ക​ർ​ഷ​ക​ർ​ക്കൊ​പ്പം നിന്നു.

2017-18 സാ​മ്പ​ത്തി​ക​വ​ര്‍ഷം 845.2 കോ​ടി തേ​ങ്ങ ഉ​ത്പാ​ദി​പ്പി​ച്ച കേ​ര​ളത്തിൽ 2023-24ൽ ​ഉ​ത്പാ​ദ​നം 564.7 കോ​ടി​യി​ലേ​ക്കു കൂ​പ്പു​കു​ത്തി. അ​താ​യ​ത്, അ​ഞ്ചു​വ​ര്‍ഷംകൊ​ണ്ട് 300 കോ​ടി കു​റ​ഞ്ഞു. 1956ൽ ​രാ​ജ്യ​ത്തെ തെ​ങ്ങു​കൃ​ഷി വി​സ്തൃ​തി​യു​ടെ 69 ശ​ത​മാ​ന​വും ഉ​ത്പാ​ദ​ന​ത്തി​ന്‍റെ 73 ശ​ത​മാ​ന​വും കേ​ര​ള​ത്തി​ലാ​യി​രു​ന്നു.

2020-21ലെ ​ക​ണ​ക്ക​നു​സ​രി​ച്ച് ഇ​ത് യ​ഥാ​ക്ര​മം 35 ശ​ത​മാ​ന​വും 33 ശ​ത​മാ​ന​വു​മാ​യി. ന​മ്മു​ടെ അ​ഭി​മാ​ന​മാ​യി​രു​ന്ന നെ​ല്ലു​ത്പാ​ദ​ന​ത്തി​ലു​ൾ​പ്പെ​ടെ ഈ ​കു​റ​വ് ദൃ​ശ്യ​മാ​ണ്. കേ​ര​ള​ത്തി​ന്‍റെ ത​ക​രു​ന്ന കാ​ർ​ഷി​ക​മേ​ഖ​ല​യെ​ക്കു​റി​ച്ച് ദീ​പി​ക റി​പ്പോ​ർ​ട്ടു​ക​ളി​ലൂ​ടെ​യും മു​ഖ​പ്ര​സം​ഗ​ങ്ങ​ളി​ലൂ​ടെ​യും നി​ര​വ​ധി മു​ന്ന​റി​യി​പ്പു​ക​ൾ ഇ​ക്കാ​ര്യ​ത്തി​ൽ ന​ൽ​കി​യി​ട്ടു​ണ്ട്.

ജ​നം അ​റി​യു​ന്നുണ്ട്; മാ​റ്റം വ​രു​ത്തേ​ണ്ട ഭ​ര​ണ​കൂ​ടം അ​റി​യു​ന്നു​ണ്ടെ​ങ്കി​ലും ത​ല പൂഴ്ത്തി​യി​രി​ക്കു​ക​യാ​ണ്. ക​ഴി​ഞ്ഞ 10 വ​ർ​ഷ​ത്തി​നി​ടെ 1,12,000 ക​ർ​ഷ​ക​ർ ജീ​വ​നൊ​ടു​ക്കി​യ രാ​ജ്യ​മാ​ണ് ഇ​ന്ത്യ​യെ​ന്ന് ഇ​ന്ന​ലെ ‘അ​ന്ന​മൂ​ട്ടു​ന്ന​വ​രെ ആ​ർ​ക്കും വേ​ണ്ട’ എ​ന്ന ത​ല​ക്കെ​ട്ടി​ൽ ദീ​പി​ക റി​പ്പോ​ർ​ട്ട് ചെയ്തി​രു​ന്നു. ദേ​ശീ​യ ക്രൈം ​റി​ക്കാ​ർ​ഡ്സ് ബ്യൂ​റോ​യു​ടെ ക​ണ​ക്കാ​ണ​ത്. എവി​ടെ​പ്പോ​യി കേ​ന്ദ്ര-​സം​സ്ഥാ​ന സ​ർ​ക്കാ​രു​ക​ളു​ടെ ക​ർ​ഷ​കസ്നേ​ഹം?

തേ​ങ്ങ​യി​ലേ​ക്കു തി​രി​ച്ചു​വ​ന്നാ​ൽ, ത​മി​ഴ്നാ​ട് നാ​ളി​കേ​ര ക​ർ​ഷ​ക​ർ​ക്കു ചെ​യ്തുകൊ​ടു​ക്കു​ന്ന​ത് അ​റി​യാ​ൻ കൃ​ഷി​വ​കു​പ്പു മ​ന്ത്രി​യോ ഉ​ദ്യോ​ഗ​സ്ഥ​രോ ക​ന്പം, തേ​നി, കോ​യ​ന്പ​ത്തൂ​ർ, നാ​മ​ക്ക​ൽ, ദി​ണ്ഡി​ഗ​ൽ തു​ട​ങ്ങി​യ സ്ഥ​ല​ങ്ങ​ളി​ലേ​ക്ക് ഒ​ന്നു പോ​യി നോ​ക്കി​യാ​ൽ മ​തി. കേ​ര​ള​ത്തോ​ടു പ​ട​വെ​ട്ടി​യാ​ണ് ക​ന്പ​ത്തെ​യും തേ​നി​യി​ലെ​യും ത​രി​ശു​നി​ല​ങ്ങ​ളെ​പ്പോ​ലും മു​ല്ല​പ്പെ​രി​യാ​റി​ലെ വെ​ള്ള​മു​പ​യോ​ഗി​ച്ച് അ​വ​ർ ഒ​ന്നാ​ന്ത​രം തെ​ങ്ങി​ൻ​തോ​പ്പു​ക​ളാ​ക്കി​യി​രി​ക്കു​ന്ന​ത്.

ക​ഴി​ഞ്ഞ 10 വ​ർ​ഷ​ത്തി​നി​ടെ ത​മി​ഴ്നാ​ട്ടി​ലും ക​ർ​ണാ​ട​ക​ത്തി​ലും നാ​ളി​കേ​രോ​ത്പാ​ദ​നം വ​ർ​ധി​ച്ച​ത് സ​ർ​ക്കാ​രു​ക​ൾ ക​ർ​ഷ​ക​നു കൊ​ടു​ത്ത പി​ന്തു​ണകൊ​ണ്ടാ​ണ്. മൂ​ല്യ​വ​ർ​ധി​ത ഉ​ത്പ​ന്ന​ങ്ങ​ളെ​ല്ലാം അ​വ​ർ വി​ജ​യ​ക​ര​മാ​യി ന​ട​പ്പാ​ക്കി.

പ​ക്ഷേ, 50,000 കോ​ടി വി​റ്റു​വ​ര​വ് പ്ര​തീ​ക്ഷി​ച്ച് 2014ൽ ​ഉ​മ്മ​ൻ ചാ​ണ്ടി സ​ർ​ക്കാ​ർ കൊ​ണ്ടു വ​ന്ന നീ​ര​യു​ടെ ഇ​ന്ന​ത്തെ സ്ഥി​തി നോ​ക്കി​യാ​ൽ മാ​ത്രം മ​തി, ന​മ്മു​ടെ കെ​ടു​കാ​ര്യ​സ്ഥ​ത​യു​ടെ ആ​ഴ​മ​റി​യാ​ൻ. ന​ല്ല തു​ട​ക്ക​മാ​യി​രു​ന്നെ​ങ്കി​ലും മു​ന്നോ​ട്ടു കൊ​ണ്ടു​പോ​കാ​നാ​യി​ല്ല.

ഉ​പോ​ത്പ​ന്ന​ങ്ങ​ളാ​കു​മെ​ന്നു ക​രു​തി​യ ശ​ര്‍ക്ക​ര​പ്പാ​വ്, പ​ഞ്ച​സാ​ര, തേ​ൻ... ഒ​ന്നു​മി​ല്ല. സ​ർ​ക്കാ​രി​നെ വി​ശ്വ​സി​ച്ച് രം​ഗ​ത്തി​റ​ങ്ങി​യ​വ​ർ ക​ട​ക്കെ​ണി​യി​ലാ​യി. അ​തി​ന്‍റെ പേ​രി​ൽ 12 ക​മ്പ​നി​ക​ളും 260 ഫെ​ഡ​റേ​ഷ​നു​ക​ളും കൂ​ടാ​തെ അ​യ്യാ​യി​ര​ത്തി​ൽ​പ​രം സൊ​സൈ​റ്റി​ക​ളും രൂ​പീ​ക​രി​ച്ചു. എ​ല്ലാം കെ​ടു​കാ​ര്യ​സ്ഥ​ത​യി​ലൊ​തു​ങ്ങി.

റ​ബ​റി​നും നെ​ല്ലി​നു​മൊ​പ്പം തെ​ങ്ങും നാ​ടു​നീ​ങ്ങു​ക​യാ​ണ്. കൃ​ഷി ന​ഷ്ട​മാ​ണെ​ന്ന മു​ന്ന​റി​യി​പ്പു​ക​ളു​ടെ കാ​ലം ക​ഴി​ഞ്ഞു. സ​ർ​ക്കാ​രു​ക​ളു​ടെ നി​ഷ്ക്രി​യ​ത​യ്ക്കൊ​ടു​വി​ൽ ക​ർ​ഷ​ക​രി​ൽ വ​ലി​യൊ​രു പ​ങ്ക് കാ​ർ​ഷി​ക​വൃ​ത്തി ഉ​പേ​ക്ഷി​ച്ചു. മ​റ്റു നി​വൃ​ത്തി​യി​ല്ലാ​ത്ത​വ​രും കൃ​ഷി​യാ​ണു ജീ​വി​ത​മെ​ന്നു ക​രു​തു​ന്ന​വ​രു​മാ​ണ് ഇ​പ്പോ​ഴും തു​ട​രു​ന്ന​ത്.

പ​ക്ഷേ, ഇ​ച്ഛാ​ശ​ക്തി​യു​ള്ള ഭ​ര​ണ​കൂ​ട​ത്തി​നു പ​രി​ഹ​രി​ക്കാ​വു​ന്ന​താ​ണ് ഇ​ന്ന​ത്തെ ദു​ര​വ​സ്ഥ. ത​മി​ഴ്നാ​ടും ക​ർ​ണാ​ട​ക​വും മാ​ത്ര​മ​ല്ല, ആ​ന്ധ്ര​യും ഒ​ഡീ​ഷ​യും വ​ട​ക്കു​കി​ഴ​ക്ക​ൻ സം​സ്ഥാ​ന​ങ്ങ​ളും തെ​ങ്ങി​ൽ​നി​ന്നു വ​രു​മാ​നം ക​ണ്ടെ​ത്തി. ത​മി​ഴ്നാ​ട് വി​ദേ​ശ​ങ്ങ​ളി​ലേ​ക്കു തേ​ങ്ങ ക​യ​റ്റി അ​യ​യ്ക്കാ​നും തു​ട​ങ്ങി. താ​ങ്ങു​വി​ല കൊ​ടി​യ ന​ഷ്ടം ഒ​ഴി​വാ​ക്കാ​നു​ള്ള ആ​ശ്വാ​സധ​ന​മാ​ണ്.

ക​ർ​ഷ​ക​ർ​ക്ക് അ​തി​നൊ​പ്പം സ​ബ്സി​ഡി​യും മി​ക​ച്ച വി​പ​ണി​യും ഉ​റ​പ്പാ​ക്കു​ക​യാ​ണ് കേ​ര​ളം ചെ​യ്യേ​ണ്ട​ത്. ഒ​പ്പം, താ​ങ്ങാ​വു​ന്ന വി​ല​യ്ക്ക് വെ​ളി​ച്ചെ​ണ്ണ ഉ​പ​ഭോ​ക്താ​വി​നു ല​ഭ്യ​മാ​കു​ക​യും വേ​ണം. 450 രൂ​പ കൊ​ടു​ത്ത് വെ​ളി​ച്ചെ​ണ്ണ വാ​ങ്ങി ക​റി​ക്കു ക​ടു​കു പൊ​ട്ടി​ക്കാ​ൻ നി​വൃ​ത്തി​യി​ല്ലാ​ത്ത ല​ക്ഷ​ക്ക​ണ​ക്കി​നു കു​ടും​ബ​ങ്ങ​ൾ കേ​ര​ള​ത്തി​ലു​ണ്ട്.

കൃ​ഷി​യി​ട​ങ്ങ​ളെ സ​ഹാ​യി​ക്കാ​ത്ത​വ​ർ അ​ടു​ക്ക​ള​യെ സ​ഹാ​യി​ക്കു​മോ? ര​ണ്ടും സാ​ധ്യ​മാ​ണ്; ഇ​ച്ഛാ​ശ​ക്തി​യു​ണ്ടെ​ങ്കി​ൽ.