ന്യൂ​ഡ​ൽ​ഹി: ഔ​ദ്യോ​ഗി​ക വ​സ​തി​യി​ൽ അ​ന​ധി​കൃ​ത നോ​ട്ടുകെ​ട്ടു​ക​ൾ ക​ണ്ടെ​ത്തി​യ​തു​മാ​യി ബ​ന്ധ​പ്പെ​ട്ട കേ​സി​ൽ ഡ​ൽ​ഹി ഹൈ​ക്കോ​ട​തി ജ​സ്റ്റീ​സ് യ​ശ്വ​ന്ത് വ​ർ​മ​യ്ക്കെ​തി​രാ​യ ആ​ഭ്യ​ന്ത​ര അ​ന്വേ​ഷ​ണ​ത്തി​ന് ചീ​ഫ് ജ​സ്റ്റീ​സ് സ​ഞ്ജീ​വ് ഖ​ന്ന നി​യോ​ഗി​ച്ച മൂ​ന്നം​ഗ സ​മി​തി റി​പ്പോ​ർ​ട്ട് സ​മ​ർ​പ്പി​ച്ചു.

സു​പ്രീം​കോ​ട​തി പു​റ​ത്തി​റ​ക്കി​യ പ്ര​സ്താ​വ​ന പ്ര​കാ​രം നാ​ലി​നാ​ണ് റി​പ്പോ​ർ​ട്ട് ന​ൽ​കി​യ​ത്. പ​ഞ്ചാ​ബ്, ഹ​രി​യാ​ന ഹൈ​ക്കോ​ട​തി ചീ​ഫ് ജ​സ്റ്റീ​സ് ഷീ​ൽ നാ​ഗു , ഹി​മാ​ച​ൽ ഹൈ​ക്കോ​ട​തി ചീ​ഫ് ജ​സ്റ്റീ​സ് ജി.​എ​സ്. സ​ന്ധാ​വാ​ലി​യ, ക​ർ​ണാ​ട​ക ഹൈ​ക്കോ​ട​തി ജ​സ്റ്റീ​സ് അ​നു ശി​വ​രാ​മ​ൻ എ​ന്നി​വ​ര​ട​ങ്ങു​ന്ന സ​മി​തി​യാ​ണ് ചീ​ഫ് ജ​സ്റ്റീ​സി​ന്‍റെ നി​ർ​ദേ​ശ പ്ര​കാ​രം ജ​സ്റ്റീ​സ് വ​ർ​മ​യ്ക്കെ​തി​രേ ആ​ഭ്യ​ന്ത​ര അ​ന്വേ​ഷ​ണം ആ​രം​ഭി​ച്ച​ത്. എ​ന്നാ​ൽ റി​പ്പോ​ർ​ട്ടി​ന്‍റെ ഉ​ള്ള​ട​ക്കം പു​റ​ത്തുവി​ട്ടി​ട്ടി​ല്ല.

ജ​സ്റ്റീ​സ് വ​ർ​മ​യു​ടെ ഔ​ദ്യോ​ഗി​ക വ​സ​തി​യി​ലു​ണ്ടാ​യ തീപി​ടി​ത്ത​ത്തെത്തുട​ർ​ന്ന് മാ​ർ​ച്ച് 14 നാ​ണ് അ​ഗ്നി​ശ​മ​നസേ​ന പ​ണ​ക്കെ​ട്ട് ക​ണ്ടെ​ടു​ത്ത​ത്. എ​ന്നാ​ൽ അ​ദ്ദേ​ഹ​വും ഭാ​ര്യ​യും വീ​ട്ടി​ൽ ഉ​ണ്ടാ​യി​രു​ന്നി​ല്ല. തീ​പി​ടി​ത്ത​ത്തി​ൽ പ​ണ​ക്കെ​ട്ട് ക​ത്തിന​ശി​ക്കു​ന്ന വീ​ഡി​യോ​ക​ളും പു​റ​ത്ത് വ​ന്നി​രു​ന്നു.

തു​ട​ർ​ന്നു​ണ്ടാ​യ സം​ഭ​വ വി​കാ​സ​ങ്ങ​ളി​ൽ ജ​സ്റ്റീ​സ് വ​ർ​മ​യ്ക്കെ​തി​രേ അ​ഴി​മ​തി ആ​രോ​പ​ണ​മ​ട​ക്കം നി​ര​വ​ധി വി​മ​ർ​ശ​നങ്ങ​ളാ​ണ് ഉ​യ​ർ​ന്നു വ​ന്ന​ത്. വി​ഷ​യ​ത്തി​ൽ ഡ​ൽ​ഹി ഹൈ​ക്കോ​ട​തി ചീ​ഫ് ജ​സ്റ്റീ​സ് സ​മ​ർ​പ്പി​ച്ച പ്രാ​ഥ​മി​ക റി​പ്പോ​ർ​ട്ട് സു​പ്രീം​കോ​ട​തി പ​ര​സ്യ​മാ​ക്കി​യി​രു​ന്നു.

ആ​രോ​പ​ണ​ങ്ങ​ളു​ടെ അ​ടി​സ്ഥാ​ന​ത്തി​ൽ ജ​സ്റ്റീ​സ് വ​ർ​മ​യെ അ​ല​ഹ​ബാ​ദ് ഹൈ​ക്കോ​ട​തി​യി​ലേ​ക്കു മാ​റ്റി. ജു​ഡീ​ഷ​ൽ ഉ​ത്ത​ര​വാ​ദി​ത്വ​ങ്ങ​ളി​ൽ​നി​ന്ന് അ​ദ്ദേ​ഹ​ത്തെ മാ​റ്റി നി​ർ​ത്തി​യി​രി​ക്കു​ക​യാ​ണ്.