ഒരു കുടുംബത്തിലെ അഞ്ചു പേർ ഉൾപ്പെടെ 10 രാജസ്ഥാൻകാർ മരിച്ചു
Friday, June 13, 2025 2:03 AM IST
ജയ്പുർ: അഹമ്മദാബാദ് വിമാനദുരന്തത്തിൽ മരിച്ചത് 10 രാജസ്ഥാൻ സ്വദേശികൾ. ഡോക്ടർ ദന്പതികളും മൂന്നു മക്കളും മാർബിൾ വ്യാപാരിയുടെ മക്കളും മരിച്ചവരിൽ ഉൾപ്പെടുന്നു.
ബൻസ്വാര ജില്ലക്കാരായ ഡോ. കൗമി വ്യാസ്, ഭാര്യ പ്രതിക് ജോഷി, മക്കളായ മിരായ, പ്രദ്യുത്, നകുൽ എന്നിവരാണ് മരിച്ച കുടുംബാംഗങ്ങൾ. പ്രദ്യുതും നകുലും ഇരട്ടകളാണ്.
പ്രമുഖ മാർബിൾ വ്യാപാരി സഞ്ജീവ് മോദിയുടെ മക്കളായ ശുഭും ഷാഗണും മരിച്ചവരിൽ ഉൾപ്പെടുന്നു. എംബിഎ ബിരുദധാരികളായ ഇവർ പിതാവിന്‍റെ ബിസിനസുമായി ബന്ധപ്പെട്ട് പ്രവർത്തിക്കുകയായിരുന്നു. ലണ്ടനിലേക്കു വിനോദയാത്ര പോയതായിരുന്നു ഇരുവരും.