തിരുവനന്തപുരം: ര​ഞ്ജി ട്രോ​ഫി ക്രി​ക്ക​റ്റ് 2025-26 സീ​സ​ണി​ന് ബുധനാഴ്ച തു​ട​ക്കം. നി​ല​വി​ലെ ഫൈ​ന​ലി​സ്റ്റു​ക​ളാ​യ കേ​ര​ളം കാ​ര്യ​വ​ട്ടം ഗ്രീ​ന്‍​ഫീ​ല്‍​ഡ് സ്റ്റേ​ഡി​യ​ത്തി​ല്‍ ന​ട​ക്കു​ന്ന മ​ത്സ​ര​ത്തി​ല്‍ മ​ഹാ​രാ​ഷ്‌​ട്ര​യെ നേ​രി​ടും. രാ​വി​ലെ 9.30 മു​ത​ലാ​ണ് മ​ത്സ​രം.

2024-25 സീ​സ​ണി​ല്‍ ച​രി​ത്ര​ത്തി​ല്‍ ആ​ദ്യ​മാ​യി ഫൈ​ന​ല്‍ ക​ളി​ച്ച​തി​ന്‍റെ ആ​വേ​ശ​ത്തോ​ടെ​യാ​ണ് പു​തി​യ സീ​സ​ണി​നു തു​ട​ക്കം കു​റി​ക്കാ​ന്‍ കേ​ര​ളം ഇ​റ​ങ്ങു​ന്ന​ത്. സൂ​പ്പ​ര്‍ താ​രം സ​ഞ്ജു സാം​സ​ണ്‍ മ​ട​ങ്ങി എ​ത്തി​യ​തും പു​തി​യ ക്യാ​പ്റ്റ​ന്‍ മു​ഹ​മ്മ​ദ് അ​സ്ഹ​റു​ദ്ദീ​ന്‍റെ നേ​തൃ​പാ​ട​വ​വും യു​വ​താ​ര​ങ്ങ​ളു​ടെ സാ​ന്നി​ധ്യ​വു​മാ​ണ് ഇ​ത്ത​വ​ണ കേ​ര​ള​ത്തി​ന്‍റെ പ്ല​സ് പോ​യി​ന്‍റു​ക​ള്‍. മ​ത്സ​രം ജി​യോ​ഹോ​ട്ട്സ്റ്റാ​റി​ല്‍ ത​ത്സ​മ​യം.

ര​ഞ്ജി ട്രോ​ഫി ച​രി​ത്ര​ത്തി​ലെ ഏ​റ്റ​വും മി​ക​ച്ച സീ​സ​ണി​ന്‍റെ (2024-25) ഓ​ര്‍​മ​ക​ളി​ല്‍​നി​ന്ന് ഊ​ര്‍​ജം ഉ​ള്‍​ക്കൊ​ണ്ടാ​ണ് കേ​ര​ളം ഇ​റ​ങ്ങു​ന്ന​ത്. ഒ​രു മ​ത്സ​ര​ത്തി​ല്‍ പോ​ലും തോ​ല്‍​വി വ​ഴ​ങ്ങാ​തെ​യാ​യി​രു​ന്നു 2024-25 സീ​സ​ണി​ല്‍ കേ​ര​ളം ഫൈ​ന​ലി​ല്‍ എ​ത്തി​യ​ത്. ആ​ദ്യ ഇ​ന്നിം​ഗ്‌​സി​ല്‍ ലീ​ഡ് നേ​ടി​യ​തി​ന്‍റെ ബ​ല​ത്തി​ലാ​യി​രു​ന്നു കേ​ര​ള​ത്തെ ഫൈ​ന​ലി​ല്‍ വി​ദ​ര്‍​ഭ മ​റി​ക​ട​ന്ന​തെ​ന്ന​തും ശ്ര​ദ്ധേ​യം. ക​ര്‍​ണാ​ട​ക, പ​ഞ്ചാ​ബ്, ഹ​രി​യാ​ന, മ​ധ്യ​പ്ര​ദേ​ശ് എ​ന്നീ ക​രു​ത്തു​റ്റ ടീ​മു​ക​ള്‍​ക്കൊ​പ്പ​മാ​യി​രു​ന്ന കേ​ര​ളം, ര​ണ്ടാം സ്ഥാ​ന​ക്കാ​രാ​യാ​ണ് നോ​ക്കൗ​ട്ടി​ലെ​ത്തി​യ​ത്.