നെയ്യാറിലെ പുലി ചത്തസംഭവം : ക​ർ​ഷ​ക​നെ കു​ടു​ക്കാ​ൻ നീ​ക്കം: കേ​സെ​ടു​ത്ത് വ​നം​വ​കു​പ്പ്
Thursday, August 14, 2025 6:47 AM IST
നെ​യ്യാ​ർ​ഡാം: അ​മ്പൂ​രി​യി​ൽ പു​ലി ച​ത്ത സം​ഭ​വ​ത്തി​ൽ കേ​സെ​ടു​ത്ത് വ​നം​വ​കു​പ്പ്. കെ​ണിവ​ച്ച​തി​നാ​ണ് നെ​യ്യാ​ർ അ​സി​സ്റ്റന്‍റ് വൈ​ൽ​ഡ് ലൈ​ഫ് വാ​ർ​ഡ​ൻ കു​റ്റ​കൃ​ത്യം ചു​മ​ത്തി കേ​സെ​ടു​ത്ത​ത്തി രിക്കുന്നത്. ഇ​ത് പ്രാ​ഥ​മി​ക ന​ട​പ​ടി​യാ​ണെ​ന്നും ആ​രെ​യും പ്ര​തി​ചേ​ർ​ത്തി​ട്ടി​ല്ലെ​ന്നും വ​നം വ​കു​പ്പ് ഉ​ദ്യോ​ഗ​സ്ഥ​ർ പ​റ​ഞ്ഞു.

കെ​ണി​വ​യ്ക്കാ​നു​ള്ള സാ​ഹ​ച​ര്യം ഉ​ൾ​പ്പ​ടെ പ​രി​ശോ​ധി​ക്കും. പു​ലി​യെ ക​ണ്ടെ​ത്തി​യ കൃ​ഷി​യി​ട​ത്തി​ൽ വ​നം വ​കു​പ്പ് പ​രി​ശോ​ധ​ന ന​ട​ത്തു​ന്നു​ണ്ട്. അ​മ്പൂ​രി തൊ​ടു​മ​ല കാ​രി​ക്കു​ഴി കോ​ഴി​ക്ക​ണ്ടം മ​ല​യു​ടെ അ​ടി​വാ​ര​ത്ത് ടി. ​ഷൈ​ജു​വി​ന്‍റെ പു​ര​യി​ട​ത്തി​ൽ ക​ഴി​ഞ്ഞ വെ​ള്ളി​യാ​ഴ്ച രാ​വി​ലെ​യാ​ണു മൂ​ന്ന​ര വ​യ​സു​ള്ള പെ​ൺ പു​ലി​യെ ക​ണ്ടെ​ത്തി​യ​ത്. ​

മ​യ​ക്കു​വെ​ടിവ​ച്ചശേ​ഷം നെ​യ്യാ​ർ ല​യ​ൺ സ​ഫാ​രി പാ​ർ​ക്കി​ൽ നി​രീ​ക്ഷ​ണ​ത്തി​ലാ​യി​രു​ന്ന പുലി പി​റ്റേ​ന്നു രാ​വി​ലെ ച​ത്തു. പ​തി​നെ​ട്ട് മ​ണി​ക്കൂ​റി​ലേ​റെ പു​ലി കെ​ണി​യി​ൽ കു​രു​ങ്ങി​ക്കി​ട​ന്നെ​ന്നാ​ണ് നി​ഗ​മ​നം. ര​ണ്ടു വാ​രി​യെ​ല്ലു​ക​ൾ ഒ​ടി​ഞ്ഞു ക​മ്പി ത​റ​ച്ച നി​ല​യി​ലാ​യി​രു​ന്നു പു​ലി​യെ ക​ണ്ട​ത്. വൃ​ക്ക, ക​ര​ൾ എ​ന്നി​വ​യ്ക്ക് സാ​ര​മാ​യ മു​റി​വേ​റ്റി​രു​ന്നു. ഉ​ദ​ര ഭാ​ഗ​ത്താ​യി​രു​ന്നു കൂ​ടു​ത​ൽ പ​രു​ക്ക്. പു​ലി​യു​ടെ ആ​ന്ത​രി​കാ​വ​യ​വ​ങ്ങ​ൾ രാ​സ പ​രി​ശോ​ധ​നാ ലാ​ബി​ലേ​ക്ക് മാ​റ്റാ​നാ​യി​രു​ന്നു തീ​രു​മാ​നം.

ജി​ല്ല​യി​ൽ പി​ടി​കൂ​ടു​ന്ന വ​ന്യ​മൃ​ഗ​ങ്ങ​ൾ നി​രീ​ക്ഷ​ണ​ത്തി​ലി​രി​ക്കെ ചാ​വു​ന്ന​ത് ഇ​താ​ദ്യ​മ​ല്ല. ക​ഴി​ഞ്ഞ ഒ​ക്ടോ​ബ​റി​ലാ​യി​രു​ന്നു വി​തു​ര മാ​ങ്കാ​ല​യി​ലെ റ​ബ​ർ തോ​ട്ട​ത്തി​ൽ കി​ണ​റ്റി​ൽവീ​ണ കാ​ട്ടു​പോ​ത്ത് ചി​കി​ത്സ ന​ൽ​കു​ന്ന​തി​നി​ടെ ച​ത്ത​ത്. 2023 ഏ​പ്രി​ലി​ൽ വെ​ള്ള​നാ​ട് ക​ണ്ണം​മ്പ​ള്ളി കു​റി​ഞ്ചി​ല​ക്കോ​ടി കി​ണ​റ്റി​ൽവീ​ണ ക​ര​ടി​യെ മ​യ​ക്കു​വെ​ടിവ​ച്ചു വ​ല​യി​ൽ കെ​ട്ടി ക​യ​റ്റ​വെ താ​ഴെ വീ​ണ് മു​ങ്ങി​ച്ച​ത്തിരുന്നു.

2017 ൽ ​ബോ​ണ​ക്കാ​ട് ക​ണ്ടെ​ത്തി​യ കു​ട്ടി​യാ​ന​യും ച​രി​ഞ്ഞി​രു​ന്നു. പു​ലി ച​ത്ത​തി​നു പി​ന്നാ​ലെ വി​ശ​ദ​മാ​യ അ​ന്വേ​ഷ​ണ​ത്തി​നാ​ണ് വ​നം​വ​കു​പ്പ് തീ​രു​മാ​നം.
Copyright @ 2018 , Rashtra Deepika Ltd.