4

കു​ട്ടി​ക്കാ​നം: മ​രി​യ​ന്‍ കോ​ള​ജി​ലെ മാ​ധ്യ​മ​പ​ഠ​ന വി​ഭാ​ഗ​വും മെ​ഡി​യോ​സ് ടോ​ക്കീ​സ് ഫി​ലിം സൊ​സൈ​റ്റി കു​ട്ടി​ക്കാ​ന​വും ചേ​ര്‍​ന്ന് കേ​ര​ള സം​സ്ഥാ​ന ച​ല​ച്ചി​ത്ര അ​ക്കാ​ദ​മി​യു​ടെ​യും ഫെ​ഡ​റേ​ഷ​ന്‍ ഓ​ഫ് ഫി​ലിം സൊ​സൈ​റ്റീ​സ് ഓ​ഫ് ഇ​ന്ത്യ​യു​ടെ​യും സ​ഹ​ക​ര​ണ​ത്തോ​ടെ സം​ഘ​ടി​പ്പി​ക്കു​ന്ന കു​ട്ടി​ക്കാ​നം രാ​ജ്യാ​ന്ത​ര ച​ല​ച്ചി​ത്ര​മേ​ള (കി​ഫ്)​യു​ടെ എ​ട്ടാം പ​തി​പ്പ് 28, 29, 30 തീ​യ​തി​ക​ളി​ല്‍ മ​രി​യ​ന്‍ കോ​ള​ജി​ല്‍ ന​ട​ക്കും.

പ്ര​ശ​സ്ത എ​ഴു​ത്തു​കാ​ര​നും സം​വി​ധാ​യ​ക​നും ന​ട​നു​മാ​യ മ​ധു​പാ​ല്‍ മേ​ള ഉ​ദ്ഘാ​ട​നം ചെ​യ്യും. സം​വി​ധാ​യ​ക​ന്‍ പ്രജേ​ഷ് സെ​ന്‍ മേ​ള​യു​ടെ ഓ​പ്പ​ണ്‍ ഫോ​റ​ത്തി​ല്‍ പ​ങ്കെ​ടു​ക്കും.
ല​ഹ​രി​യോ​ടു​ള്ള ജി​ജ്ഞാ​സ​യി​ല്‍ തു​ട​ങ്ങി അ​ടി​മ​ത്ത​ത്തി​ലേ​ക്ക് വീ​ഴു​ക​യും എ​ന്നാ​ല്‍ പ​രാ​ജ​യ​പ്പെ​ട്ടു​പോ​കാ​തെ വീ​ണ്ടും ജീ​വി​ത​ത്തി​ന്‍റെ പു​തുവെ​ളി​ച്ച​ത്തി​ലേ​ക്ക് ന​ട​ന്നു​ക​യ​റു​ക​യും ചെ​യ്ത ക​ഥാ​പാ​ത്ര​ങ്ങ​ളു​ടെ വി​ജ​യ​ഗാ​ഥ​ക​ളാ​ണ് "കി​ഫ് - ഹോ​പ്പ് 2025' അ​ഭ്ര​പാ​ളി​ക​ളി​ലെ​ത്തി​ക്കു​ന്ന​ത്.

ല​ഹ​രി ഒ​രു സാ​മൂ​ഹി​ക വി​പ​ത്താ​ണെ​ന്നും ല​ഹ​രി​ക്ക​ടി​മ​പ്പെ​ടു​ന്ന​വ​രെ മാ​റ്റി​നി​ര്‍​ത്താ​തെ ശാ​സ്ത്രീ​യ​മാ​യ ചി​കി​ത്സ​യി​ലൂ​ടെ ജീ​വി​ത​ത്തി​ലേ​ക്ക് തി​രി​കെ കൊ​ണ്ടു​വ​രേ​ണ്ട​തും അ​വ​രെ ചേ​ര്‍​ത്തു​പി​ടി​ക്കേ​ണ്ട​തും സ​മൂ​ഹ​ത്തി​ന്‍റെ ക​ട​മ​യാ​ണെ​ന്നു​മു​ള്ള സ​ന്ദേ​ശം ജ​ന​ങ്ങ​ളി​ലേ​ക്കെ​ത്തി​ക്കു​ക​യാ​ണ് കി​ഫ് ഈ ​വ​ര്‍​ഷം ദൗ​ത്യ​മാ​യി ഏ​റ്റെ​ടു​ത്തി​രി​ക്കു​ന്നത്.
സാ​മൂ​ഹി​ക പ്ര​സ​ക്ത​മാ​യ വി​ഷ​യ​ങ്ങ​ളെ സി​നി​മ​യി​ലൂ​ടെ അ​ഭി​സം​ബോ​ധ​ന ചെ​യ്യു​ക എ​ന്ന കി​ഫി​ന്‍റെ പ്രാ​ഥ​മി​ക ക​ര്‍​ത്ത​വ്യ​ത്തി​ലൂ​ന്നി​യാ​ണ് ഇ​ത്ത​വ​ണ​യും മേ​ള ഒ​രു​ക്കി​യി​രി​ക്കു​ന്ന​ത്. എ​ല്ലാം അ​വ​സാ​നി​ച്ചു​വെ​ന്നു ക​രു​തു​ന്നി​ട​ത്തു​നി​ന്ന് പ​രാ​ജ​യ​ങ്ങ​ളെ അ​തി​ജീ​വി​ച്ച് പു​തി​യ പ്ര​തീ​ക്ഷ​ക​ളി​ലേ​ക്കു നീ​ങ്ങു​ന്ന​തി​നെ സൂ​ചി​പ്പി​ക്കു​വാ​നാ​യി ഹോ​പ്പ് (ഹീ​ലിം​ഗ് ഒ​സ​ഷ​ന്‍ ആ​ന്‍​ഡ് പ്രോ​ഗ്ര​ഷ​ന്‍ ടു ​എം​പ​വ​ര്‍​മെ​ന്‍റ്) എ​ന്നാ​ണ് മേ​ള​യ്ക്ക് പേ​ര് ന​ല്‍​കി​യി​രി​ക്കു​ന്നു.

ക​ഴി​ഞ്ഞ ഏ​ഴ് വ​ര്‍​ഷ​ങ്ങ​ളാ​യി ന​ട​ന്നു​വ​രു​ന്ന കി​ഫ് കേ​ര​ള​ത്തി​ലെ കാ​മ്പ​സു​ക​ളി​ല്‍ ന​ട​ത്ത​പ്പെ​ടു​ന്ന ച​ല​ച്ചി​ത്ര​മേ​ള​ക​ളി​ല്‍ പ്ര​ധാ​ന​പ്പെ​ട്ട​താ​ണ്. കാ​ലാ​കാ​ല​ങ്ങ​ളി​ല്‍ ഉ​ണ്ടാ​കു​ന്ന സാ​മൂ​ഹി​ക​മാ​റ്റ​ങ്ങ​ളെ സി​നി​മ​ക​ളി​ലൂ​ടെ അ​ഭി​സം​ബോ​ധ​ന ചെ​യ്യു​ന്ന​തി​ല്‍ മേ​ള ഇ​തി​നോ​ട​കം ത​ന്നെ വി​ജ​യി​ച്ചി​ട്ടു​ണ്ട്. 2018ല്‍ ​പ്ര​കൃ​തി​യെ സം​ര​ക്ഷി​ക്കേ​ണ്ട​തി​ന്‍റെ ആ​വ​ശ്യ​ക​ത വി​ളി​ച്ചോ​തു​ന്ന ചി​ത്ര​ങ്ങ​ളു​മാ​യി "മ​ല്‍​ഹാ​ര്‍', 2019ല്‍ ​അ​ധി​കാ​ര​ത്തി​ന്‍റെ സെ​ന്‍​സ​ര്‍ ക​ത്രി​ക​ക​ള്‍​ക്കെ​തി​രേ സം​സാ​രി​ക്കു​ന്ന ചി​ത്ര​ങ്ങ​ള്‍ ഉ​ള്‍​പ്പെ​ടു​ത്തി​യ "ക​ത്രി​ക', 2020 ല്‍ ​ചാ​പ്പ​കു​ത്ത​പ്പെ​ടു​ന്ന മ​നു​ഷ്യ​രു​ടെ ജീ​വി​ത​പ​രി​വേ​ദ​ന​ങ്ങ​ള്‍ അ​വ​ത​രി​പ്പി​ച്ച "ചാപ്പ', 2021ല്‍ ​കോ​വി​ഡ് പ​ശ്ചാ​ത്ത​ല​ത്തി​ല്‍ പ്ര​തി​സ​ന്ധി​ക​ള്‍​ക്കു ശേ​ഷം തീ​ര​ത്ത​ണ​യു​ന്ന ജ​ന​ത​യു​ടെ ചി​ത്രം വ​ര​ച്ചി​ടു​ന്ന "തീ​രം', 2022ല്‍ ​സ്‌​നേ​ഹ​ത്തി​ന്‍റെ വി​വി​ധ ഭാ​വ​ങ്ങ​ള്‍ അ​വ​ത​രി​പ്പി​ച്ച "സി​ര', 2023ല്‍ ​യു​ദ്ധാ​ന്ത​ര ജീ​വി​ത​ങ്ങ​ളു​ടെ നേ​ര്‍​കാ​ഴ്ച്ച​യാ​യി മാ​റി​യ "ക​ലിം​ഗ', 2024ല്‍ ​സ്ത്രീ സ​മൂ​ഹ​ത്തി​ല്‍ നേ​രി​ടു​ന്ന വെ​ല്ലു​വി​ളി​ക​ളെ​യും അ​തി​നെ അ​തി​ജീ​വി​ക്കാ​ന്‍ അ​വ​ര്‍ ന​ട​ത്തു​ന്ന തീ​വ്ര​മാ​യ ജീ​വി​ത സ​മ​ര​ങ്ങ​ളെ​യും അ​ട​യാ​ള​പ്പെ​ടു​ത്തു​ന്ന ‘ഷി’ (​സ്റ്റോ​റീ​സ് ഓ​ഫ് ഹെ​ര്‍ എം​പ​വ​ര്‍​മെ​ന്‍റ്) എ​ന്നി​വ​യാ​യി​രു​ന്നു കി​ഫി​ന്‍റെ മുന്‍ പ​തി​പ്പു​ക​ള്‍.

സം​വി​ധാ​യ​ക​രാ​യ ജി​യോ ബേ​ബി, ജോ​ണി ആ​ന്‍റ​ണി, ഡോ. ​ബി​ജു, ഷാ​ഹി ക​ബീ​ര്‍, പി.​ടി. റ​ത്തീ​ന്ന, എ​ഡി​റ്റ​ര്‍ ര​ഞ്ജ​ന്‍ ഏ​ബ്ര​ഹാം, ക​വി വ​യ​ലാ​ര്‍ ശ​ര​ത്ച​ന്ദ്ര​വ​ര്‍​മ, ഛായാ​ഗ്ര​ഹ​ക​ന്‍ സ​ണ്ണി ജോ​സ​ഫ്, അ​ഭി​നേ​താ​ക്ക​ളാ​യ വി​ന്‍​സി അ​ലോ​ഷ്യ​സ്, ഷ​റ​ഫു​ദീന്‍ തു​ട​ങ്ങി​യ​വ​ര്‍ മു​ന്‍​കാ​ല​ങ്ങ​ളി​ല്‍ മേ​ള​യി​ലെ​ത്തു​ക​യും ഡെ​ലി​ഗേ​റ്റു​ക​ളു​മാ​യി സം​വ​ദി​ക്കു​ക​യും ചെ​യ്തി​ട്ടു​ണ്ട്.

മേ​ള​യു​ടെ ഭാ​ഗ​മാ​യി ഓ​പ്പ​ണ്‍ ഫോ​റം, മാ​സ്റ്റ​ര്‍ ക്ലാ​സ്, ക​ലാ​സ​ന്ധ്യ, എ​ക്‌​സി​ബി​ഷ​ന്‍ തു​ട​ങ്ങി​യ പ​രി​പാ​ടി​ക​ളും ആ​സൂ​ത്ര​ണം ചെ​യ്തി​ട്ടു​ണ്ട്. ര​ജി​സ്‌​ട്രേ​ഷ​ന്‍ ലിങ്ക്: https://forms.gle/Bhp16Lz UicgSa81YA

Tags : Film Festival nattuvishesham local news