x
ad
Wed, 18 November 2026
Facebook X Instagram Youtube
Deepika
Deepika
E-Paper
ad

ADVERTISEMENT

നിയമഭയമില്ലാതെ മരണപ്പാച്ചിൽ

സ്വ​ന്തം ലേ​ഖി​ക
Published: November 18, 2026 07:58 AM IST | Updated: November 18, 2026 07:58 AM IST

കൊ​ച്ചി ഹൈ​ക്കോ​ട​തി ബ​സ് സ്റ്റോ​പ്പി​ല്‍ സീ​ബ്രാ ക്രോ​സിം​ഗി​ല്‍ ബ​സ് നി​ര്‍​ത്തി യാ​ത്ര​ക്കാ​രെ ക​യ​റ്റു​ന്നു.

സ്വ​കാ​ര്യ ബ​സു​ക​ളു​ടെ അ​മി​ത​വേ​ഗ​വും അ​പ​ക​ട​ക​ര​മാ​യ മ​ത്സ​ര​യോ​ട്ട​വും നി​യ​ന്ത്രി​ക്കാ​ന്‍ കേ​ര​ള ഹൈ​ക്കോ​ട​തി പ​ല​ത​വ​ണ മു​ന്ന​റി​യി​പ്പ് ന​ല്‍​കി​യി​ട്ടും കൊ​ച്ചി​യി​ലെ റോ​ഡു​ക​ളി​ല്‍ മാ​റ്റ​മി​ല്ല. നി​യ​മ​ങ്ങ​ള്‍ കാ​റ്റി​ല്‍​പറ​ത്തി പാ​യു​ന്ന സ്വ​കാ​ര്യ ബ​സു​ക​ള്‍ വാ​ഹ​ന​യാ​ത്രി​ക​രു​ടെ​യും കാ​ല്‍​ന​ട​യാ​ത്ര​ക്കാ​രു​ടെ​യും ജീ​വ​നു​ത​ന്നെ ഭീ​ഷ​ണി​യാ​കു​ക​യാ​ണ്. അ​പ​ക​ട​ങ്ങ​ള്‍ ആ​വ​ര്‍​ത്തി​ക്കു​മ്പോ​ഴും നി​യ​മ​ലം​ഘ​ന​ങ്ങ​ള്‍ തു​ട​രു​ന്ന​തി​ല്‍ പൊ​ലി​സി​നും മോ​ട്ടോ​ര്‍ വാ​ഹ​ന​വ​കു​പ്പി​നു​മെ​തി​രേ ജ​സ്റ്റീ​സ് ദേ​വ​ന്‍ രാ​മ​ച​ന്ദ്ര​ന്‍ പ​ല​ത​വ​ണ രൂ​ക്ഷ​വി​മ​ര്‍​ശ​നം ഉ​ന്ന​യി​ച്ചി​രു​ന്നു. കോ​ട​തി ഉ​ത്ത​ര​വു​ക​ള്‍ പു​റ​പ്പെ​ടു​വി​ച്ചാ​ല്‍ മാ​ത്രം പോ​രെ​ന്നും അ​വ ന​ട​പ്പാ​ക്കേ​ണ്ട​ത് ഉ​ദ്യോ​ഗ​സ്ഥ​രാ​ണെ​ന്നും അ​ദ്ദേ​ഹം വ്യ​ക്ത​മാ​ക്കി​യി​ട്ടും സ്ഥി​തി​ഗ​തി​ക​ള്‍​ക്ക് മാ​റ്റ​മു​ണ്ടാ​യി​ല്ല.

സ്വ​കാ​ര്യ ബ​സു​ക​ള​ട​ക്കം വ​ലി​യ വാ​ഹ​ന​ങ്ങ​ള്‍ ന​ട​ത്തു​ന്ന അ​പ​ക​ട​പ്പാ​ച്ചി​ല്‍ ത​ട​യാ​ന്‍ സ്വീ​ക​രി​ച്ച ന​ട​പ​ടി​ക​ള്‍ വി​ശ​ദീ​ക​രി​ച്ച് റി​പ്പോ​ര്‍​ട്ട് സ​മ​ര്‍​പ്പി​ക്കാ​ന്‍ കൊ​ച്ചി സി​റ്റി പൊ​ലി​സ് ക​മ്മി​ഷ​ണ​ര്‍​ക്ക് ഹൈ​ക്കോ​ട​തി നി​ർ​ദേ​ശം ന​ല്‍​കി​യ സാ​ഹ​ച​ര്യ​വും ഉ​ണ്ടാ​യി. ബ​സു​ക​ളു​ടെ അ​പ​ക​ട​ക​ര​മാ​യ ഡ്രൈ​വിം​ഗ് ദൃ​ശ്യ​ങ്ങ​ള്‍ കോ​ട​തി​ക്കു മു​ന്നി​ലെ​ത്തി​യ​തോ​ടെ​യാ​യി​രു​ന്നു ജ​സ്റ്റീ​സ് ദേ​വ​ന്‍ രാ​മ​ച​ന്ദ്ര​ന്‍റെ നി​ര്‍​ദേ​ശം. ന​ഗ​ര​ത്തി​ലെ റോ​ഡു​ക​ള്‍ കൊ​ല​ക്ക​ള​ങ്ങ​ളാ​യി മാ​റു​ക​യാ​ണെ​ന്നാ​യി​രു​ന്നു സെ​പ്റ്റം​ബ​ര്‍ 10ലെ ​കോ​ട​തി​യു​ടെ നി​രീ​ക്ഷ​ണം. സ്വ​കാ​ര്യ ബ​സു​ക​ള്‍ മ​റ്റ് വാ​ഹ​ന​ങ്ങ​ളെ മ​റി​ക​ട​ക്കാ​ന്‍ നടപ്പാത ഉ​പ​യോ​ഗി​ക്കു​ന്ന​തും ഡ്രൈ​വിം​ഗി​നി​ടെ മൊ​ബൈ​ല്‍ ഫോ​ണ്‍ ഉ​പ​യോ​ഗി​ക്കു​ന്ന​തും കോ​ട​തി ചൂ​ണ്ടി​ക്കാ​ട്ടി. പൊ​ലി​സി​ന്‍റെ​യും മോ​ട്ടോ​ര്‍ വാ​ഹ​ന​വ​കു​പ്പി​ന്‍റെ​യും സം​വി​ധാ​ന​ങ്ങ​ള്‍ പൂ​ര്‍​ണ​മാ​യി പ​രാ​ജ​യ​പ്പെ​ടു​ന്ന​തി​ന്‍റെ സൂ​ച​ന​യാ​ണി​തെ​ന്നും വി​മ​ര്‍​ശി​ച്ചു.

സ്വ​കാ​ര്യ ബ​സു​ക​ള്‍ മ​ദ​യാ​ന​ക​ളെ​പ്പോ​ലെ...

സെ​പ്റ്റം​ബ​ര്‍ 25ന് ​കൊ​ച്ചി​യി​ലെ​യും ക​ണ്ണൂ​രി​ലെ​യും സ്വ​കാ​ര്യ ബ​സു​ക​ളു​ടെ അ​പ​ക​ട​ക​ര​മാ​യ മ​ത്സ​ര​യോ​ട്ട​ത്തി​ന്‍റെ ദൃ​ശ്യ​ങ്ങ​ള്‍ പ​രി​ശോ​ധി​ച്ച കോ​ട​തി കൂ​ടു​ത​ല്‍ രൂ​ക്ഷ​മാ​യ ഭാ​ഷ​യി​ലാ​ണ് പ്ര​തി​ക​രി​ച്ച​ത് സ്വ​കാ​ര്യ ബ​സു​ക​ള്‍ മ​ദ​യാ​ന​ക​ളെ​പ്പോ​ലെ​യാ​ണ് നി​ര​ത്തി​ലി​റ​ങ്ങു​ന്ന​തെ​ന്നാ​യി​രു​ന്നു പ​രാ​മ​ര്‍​ശം. റോ​ഡു​ക​ളി​ല്‍ നി​യ​മ​വാ​ഴ്ച​യി​ല്ല​ാത്ത അ​വ​സ്ഥ​യാ​ണെ​ന്നും ഉ​ദ്യോ​ഗ​സ്ഥ​ര്‍ ഇ​ക്കാ​ര്യ​ത്തി​ല്‍ ഉ​റ​ക്ക​ത്തി​ലാ​ണോ​യെ​ന്നും കോ​ട​തി ചോ​ദി​ച്ചു.

ഒ​ക്‌ടോബ​ര്‍ ഒ​ന്പ​തി​ന് വീ​ണ്ടും സ്വ​കാ​ര്യ ബ​സു​ക​ളു​ടെ അ​പ​ക​ട​ക​ര​മാ​യ ഡ്രൈ​വിം​ഗ് കോ​ട​തി​യു​ടെ വി​മ​ര്‍​ശ​ന​ത്തി​ന് വി​ധേ​യ​മാ​യി. സ​മ​യ​ക്ര​മം പാ​ലി​ക്കാ​നു​ണ്ടെ​ന്ന​ത് ഒ​രാ​ളു​ടെ ജീ​വ​ന്‍ അ​പ​ക​ട​ത്തി​ലാ​ക്കാ​നു​ള്ള ന്യാ​യീ​ക​ര​ണ​മാ​കു​മോ​യെ​ന്നാ​യി​രു​ന്നു ജ​സ്റ്റീ​സ് ദേ​വ​ന്‍ രാ​മ​ച​ന്ദ്ര​ന്‍റെ ചോ​ദ്യം. അ​പ​ക​ട​ക​ര​മാ​യ ഡ്രൈ​വിം​ഗി​നെ​തി​രേ പ​രാ​തി ല​ഭി​ച്ചാ​ല്‍ മാ​ത്ര​മാ​ണോ പൊ​ലി​സ് ന​ട​പ​ടി​യെ​ടു​ക്കു​ക​യെ​ന്നും കോ​ട​തി ചോ​ദി​ച്ചു. കോ​ട​തി​ക്ക് ഉ​ത്ത​ര​വു​ക​ള്‍ പു​റ​പ്പെ​ടു​വി​ക്കാ​നേ ക​ഴി​യൂ​വെ​ന്നും അ​വ ന​ട​പ്പാ​ക്കേ​ണ്ട​ത് ഉ​ദ്യോ​ഗ​സ്ഥ​രു​ടെ ഉ​ത്ത​ര​വാ​ദി​ത്വ​മാ​ണെ​ന്നും ഓ​ര്‍​മി​പ്പി​ച്ചു. നി​യ​മം ന​ട​പ്പാ​ക്കു​മെ​ന്ന് ഡ്രൈ​വ​ര്‍​മാ​ര്‍​ക്ക് ഭ​യ​മി​ല്ലെ​ങ്കി​ല്‍ നി​യ​മ​ത്തെ​യും അ​വ​ര്‍ ഭ​യ​ക്കി​ല്ലെ​ന്നാ​യി​രു​ന്നു മു​ന്ന​റി​യി​പ്പ്.

ന​വം​ബ​ര്‍ ആ​റി​ന് കാ​ക്ക​നാ​ട് സ്വ​കാ​ര്യ ബ​സി​ടി​ച്ച് 28കാ​രി​യാ​യ അ​ക്ഷ​ര മ​രി​ച്ച സം​ഭ​വ​ത്തി​ന്‍റെ ദൃ​ശ്യ​ങ്ങ​ള്‍ പ​രി​ശോ​ധി​ച്ച കോ​ട​തി വീ​ണ്ടും രൂ​ക്ഷ​മാ​യി പ്ര​തി​ക​രി​ച്ചു. കാ​ല്‍​ന​ട​യാ​ത്ര​ക്കാ​ര്‍​ക്ക് നടപ്പാത പോ​ലു​മി​ല്ലാ​ത്ത റോ​ഡി​ല്‍ സ്വ​കാ​ര്യ ബ​സു​ക​ള്‍ അ​മി​ത​വേ​ഗ​ത്തി​ല് പാ​യു​ന്ന​തി​ന്‍റെ അ​പ​ക​ടം കോ​ട​തി ചൂ​ണ്ടി​ക്കാ​ട്ടി. ഡ്രൈ​വ​ര്‍​മാ​ര്‍ നി​ര​ത്തി​ലെ രാ​ജാ​ക്ക​ന്മാ​ര​ല്ലെ​ന്നും അ​വ​ര്‍ നി​ര​ത്ത​ലെ യ​മ​ന്മാ​രാ​യി മാ​റി​യി​രി​ക്കു​ക​യാ​ണെ​ന്നും പ​രാ​മ​ര്‍​ശി​ച്ചു. നി​യ​മം കൈ​യി​ലെ​ടു​ക്കു​ന്ന ഡ്രൈ​വ​ര്‍​മാ​രെ നി​യ​ന്ത്രി​ക്കാ​ന്‍ പൊ​ലി​സി​ന് ക​ഴി​യു​ന്നി​ല്ലെ​ങ്കി​ല്‍ ജ​ന​ങ്ങ​ള്‍ എ​വി​ടേ​ക്ക് പോ​കു​മെ​ന്നും കോ​ട​തി ചോ​ദി​ച്ചു.

ഡ്രൈ​വ​റെ അ​റ​സ്റ്റ് ചെ​യ്‌​തെ​ന്ന പൊ​ലി​സി​ന്‍റെ വി​ശ​ദീ​ക​ര​ണ​ത്തി​ലും കോ​ട​തി തൃ​പ്ത​രാ​യി​ല്ല. അ​പ​ക​ട​മു​ണ്ടാ​യ ശേ​ഷ​മു​ള്ള ന​ട​പ​ടി​യ​ല്ല പ്ര​ധാ​നം. അ​പ​ക​ടം ഒ​ഴി​വാ​ക്കാ​നു​ള്ള ഇ​ച്ഛാ​ശ​ക്തി​യും പ്ര​തി​ബ​ദ്ധ​ത​യു​മാ​ണ് വേ​ണ്ട​തെ​ന്ന് കോ​ട​തി വ്യ​ക്ത​മാ​ക്കി. ഡ്രൈ​വ​ര്‍​മാ​രു​ടെ നി​യ​മ​ലം​ഘ​ന​ങ്ങ​ള്‍ നി​രീ​ക്ഷി​ക്കാ​ന്‍ ക്യു​ആ​ര്‍ കോ​ഡ് അ​ധി​ഷ്ഠി​ത സ്മാ​ര്‍​ട്ട് ഐ​ഡി സം​വി​ധാ​നം എ​ല്ലാ സ്വ​കാ​ര്യ ബ​സ്‌ ഡ്രൈ​വ​ര്‍​മാ​ര്‍​ക്കും നി​ര്‍​ബ​ന്ധ​മാ​ക്ക​ണ​മെ​ന്നും നി​ര്‍​ദേ​ശി​ച്ചു. നടപ്പാതകള്‍ കൈ​യേ​റു​ന്ന​തും വാ​ഹ​ന​ങ്ങ​ള്‍ പാ​ര്‍​ക്ക് ചെ​യ്യു​ന്ന​തും മൂ​ലം കാ​ല്‍​ന​ട​യാ​ത്ര​ക്കാ​ര്‍ റോ​ഡി​ലൂ​ടെ ന​ട​ക്കേ​ണ്ടി​വ​രു​ന്ന സാ​ഹ​ച​ര്യ​ത്തി​ല്‍ കൊ​ച്ചി കോ​ര്‍​പ​റേ​ഷ​നെ​യും കോ​ട​തി വി​മ​ര്‍​ശി​ച്ചു.

 

താ​ക്കീ​തു​ക​ള്‍ ആ​വ​ര്‍​ത്തി​ക്കു​ന്നു, അ​പ​ക​ട​ങ്ങ​ളും

സ്വ​കാ​ര്യ ബ​സു​ക​ളു​ടെ അ​പ​ക​ട​ക​ര​മാ​യ ഡ്രൈ​വിം​ഗ് സം​ബ​ന്ധി​ച്ച് കോ​ട​തി​യു​ടെ വി​മ​ര്‍​ശ​ന​ങ്ങ​ള്‍ ഒ​രി​ക്ക​ല്‍ മാ​ത്ര​മു​ണ്ടാ​യ​ത​ല്ല. തു​ട​ര്‍​ച്ച​യാ​യ ഹ​ര്‍​ജി പ​രി​ഗ​ണന​ക​ളി​ലും അ​പ​ക​ട​ങ്ങ​ളു​ടെ ദൃ​ശ്യ​ങ്ങ​ള്‍ പ​രി​ശോ​ധി​ച്ച​പ്പോ​ഴും അ​ധി​കൃ​ത​രു​ടെ വീ​ഴ്ച കോ​ട​തി ചൂ​ണ്ടി​ക്കാ​ട്ടി​യി​ട്ടു​ണ്ട്. എ​ന്നാ​ല്‍ അ​പ​ക​ട​ങ്ങ​ള്‍ ആ​വ​ര്‍​ത്തി​ക്കു​ക​യും ജീ​വ​നു​ക​ള്‍ പൊ​ലി​യു​ക​യും ചെ​യ്യു​ന്നു. ഓ​രോ അ​പ​ക​ട​ത്തി​നു​ശേ​ഷ​വും​ഡ്രൈ​വ​ര്‍​ക്കെ​തി​രേ കേ​സെ​ടു​ക്കു​ന്ന​തും പ​രി​ശോ​ധ​ന ന​ട​ത്തു​ന്ന​തും മാ​ത്ര​മാ​യി ന​ട​പ​ടി​ക​ള്‍ ഒ​തു​ങ്ങി​യാ​ല്‍ റോ​ഡു​ക​ളി​ലെ ഭീ​തി മാ​റി​ല്ല.​കോ​ട​തി​യു​ടെ ആ​വ​ര്‍​ത്തി​ച്ചു​ള്ള താ​ക്കീ​തു​ക​ള്‍​ക്കു ശേ​ഷ​വും സ്വ​കാ​ര്യ ബ​സു​ക​ളു​ടെ മ​ര​ണ​പ്പാ​ച്ചി​ല്‍ തു​ട​രു​ന്ന​ത് നി​യ​മ​നി​ര്‍​വ​ഹ​ണ സം​വി​ധാ​ന​ങ്ങ​ളു​ടെ കാ​ര്യ​ക്ഷ​മ​ത​യെ​ക്കു​റി​ച്ചും ചോ​ദ്യ​ങ്ങ​ളു​യ​ര്‍​ത്തു​ക​യാ​ണ്.

(അ​വ​സാ​നി​ച്ചു)

Tags : Deadly Speeds on the Roads Nattuvishesham DistrictNews

Recent News

Corehub Up