പ്രഫ. ഡോ. പ്രിയ എസ്. രാജു ക്ലാസെടുക്കുന്നു.
കല്പ്പറ്റ: റോട്ടറി ക്ലബ്ബിന്റെയും "മൈ സിറ്റി ഹെല്ത്തി സിറ്റി' പദ്ധതിയുടെയും സംയുക്താഭിമുഖ്യത്തില് കൗമാരക്കാരായ പെണ്കുട്ടികള്ക്ക് "കൗമാരപ്രായവും ആര്ത്തവ ശുചിത്വവും'എന്ന വിഷയത്തില് എസ്കെഎംജെ സ്കൂളില് ബോധവത്കരണ ക്ലാസ് സംഘടിപ്പിച്ചു. മേപ്പാടി ഡോ. മൂപ്പന്സ് മെഡിക്കല് കോളജിലെ അസോ. പ്രഫ. ഡോ. പ്രിയ എസ്. രാജു ക്ലാസിന് നേതൃത്വം നല്കി.
പെണ്കുട്ടികളില് കൗമാരപ്രായത്തില് ഉണ്ടാകുന്ന ശാരീരികവും മാനസികവുമായ മാറ്റങ്ങളും ആര്ത്തവകാലത്ത് പാലിക്കേണ്ട ശുചിത്വശീലങ്ങളും അവര് വിശദീകരിച്ചു. സ്കൂള് സീനിയര് അസിസ്റ്റന്റ് ലീന, റോട്ടറി ക്ലബ് പ്രസിഡന്റ് പി.എസ്. സാജന്, സെക്രട്ടറി വിഷ്ണുമാധവദാസ്, മനോജ്, ജോസ് മാത്യു, സൂരജിത് രാധാകൃഷ്ണന്, പാര്വതി വിഷ്ണുദാസ് എന്നിവര് സന്നിഹിതരായിരുന്നു.