അരുവിത്തുറയിൽ നടന്ന മാർ തോമ്മാശ്ലീഹായുടെ ഭാരതപ്രവേശനത്തിന്റെ ഓർമദിനാചരണ സമ്മേളനം ബിഷപ് മാർ ജോസഫ് കല്ലറങ്ങാട്ട് ഉദ്ഘാടനം ചെയ്യുന്നു.
അരുവിത്തുറ: സീറോമലബാർ സഭ എക്യുമെനിക്കൽ കമ്മീഷന്റെ ആഭിമുഖ്യത്തിൽ അരുവിത്തുറ സെന്റ് ജോർജ് ഫൊറോന പള്ളിയിൽ മാർ തോമ്മാശ്ലീഹായുടെ ഭാരതപ്രവേശനത്തിന്റെ ഓർമദിനം ആചരിച്ചു.
സായാഹ്നപ്രാർഥനയ്ക്കു ശേഷം നടത്തിയ ദിനാചരണ സമ്മേളനം പാലാ രൂപതാധ്യക്ഷനും കെസിബിസിയുടെയും സിബിസിഐയുടെയും സീറോമലബാർ സഭയുടെയും എക്യുമെനിക്കൽ കമ്മീഷൻ ചെയർമാനുമായ മാർ ജോസഫ് കല്ലറങ്ങാട്ട് ഉദ്ഘാടനം ചെയ്തു. നിരണം ഭദ്രാസന മെത്രാപ്പോലീത്ത ഡോ. യൂഹാനോൻ മാർ ക്രിസോസ്റ്റസ്, കോട്ടയം-കൊച്ചി ഭദ്രാസനാധിപൻ തോമസ് മാർ തിമോത്തിയോസ് എപ്പിസ്കോപ്പ എന്നിവർ എക്യുമെനിക്കൽ പ്രഭാഷണം നടത്തി.
അരുവിത്തുറ പള്ളി വികാരി ഫാ. മാത്യു ചന്ദ്രൻകുന്നേൽ, പാലാ കത്തീഡ്രൽ വികാരി ഫാ. ജോസഫ് മലേപ്പറമ്പിൽ, നസ്രാണി ജാത്യൈക്യ സംഘം പ്രസിഡന്റ് ഷെവ. ഉമ്മച്ചൻ വേങ്കടത്ത് എന്നിവർ പ്രസംഗിച്ചു.
ദിനാചരണത്തിന്റെ ഭാഗമായി നടന്ന സായാഹ്ന പ്രാർഥനയ്ക്ക് എക്യുമെനിക്കൽ കമ്മീഷൻ സെക്രട്ടറി ഫാ. സിറിൾ തയ്യിൽ കാർമികത്വം വഹിച്ചു. അസി. വികാരിമാരായ ഫാ. ജോസഫ് ചെങ്ങഴശേരിൽ, ഫാ. ജോയൽ കുഴിവേലിത്തടത്തിൽ, ഫാ. ജോസഫ് നെടുനിലം, കൈക്കാരന്മാരായ ജോർജ് വടക്കേൽ, ആൻഡ്രൂസ് തെക്കേക്കണ്ടം, ജോർജുകുട്ടി മുകാല, ടോംസ് വെള്ളൂക്കുന്നേൽ എന്നിവർ നേതൃത്വം നൽകി.
അരുവിത്തുറയിൽ മാർ തോമ്മാശ്ലീഹായുടെ
ഭാരതപ്രവേശനത്തിന്റെ ഓർമദിനാചരണംചടങ്ങിൽ പാലാ രൂപതയുടെ 2027 വർഷത്തെ കലണ്ടർ തോമസ് മാർ തിമോത്തിയോസ് എപ്പിസ്കോപ്പയ്ക്ക് നൽകി മാർ ജോസഫ് കല്ലറങ്ങാട്ട് പ്രകാശനം ചെയ്തു.
Tags : Aruvithura pally NattuVishesham DistrictNews