ദേശീയ ലൈബ്രറി വാരാഘോഷത്തിന്റെ ഭാഗമായി വാഴൂര് ശ്രീവിദ്യാധിരാജ എൻഎസ്എസ് കോളജിലെ പുരാവസ്തുക്കളുടെയും പുസ്തകങ്ങളുടെയും പ്രദർശനം പ്രിൻസിപ്പൽ ഡോ. പ്രീതി കെ
വാഴൂർ: ദേശീയ ലൈബ്രറി വാരാഘോഷത്തിന്റെ ഭാഗമായി ശ്രീവിദ്യാധിരാജ എൻഎസ്എസ് കോളജിലെ ലൈബ്രറി, ഐകെഎസ് സെൽ, എൻഎസ്എസ് യൂണിറ്റ് എന്നിവർ ചേർന്ന് പുരാവസ്തുക്കളുടെയും പുസ്തകങ്ങളുടെയും പ്രദർശനം നടത്തി.
ലോകത്തിലെ ആദ്യത്തെ സ്റ്റാമ്പ്, ഏറ്റവും ചെറിയ വെള്ളി നാണയം, 200ലധികം രാജ്യങ്ങളിലെ കറൻസികൾ, 250 നാട്ടുരാജ്യങ്ങളിലെ നാണയങ്ങൾ തുടങ്ങിയ അപൂർവ ശേഖരങ്ങളാണ് പ്രദർശനത്തിലുള്ളത്.
ഇതിനുപുറമേ വിവിധയിനം ഗോൾഡ് നോട്ടുകൾ, വി-മെയിൽ, സ്മാരകനാണയങ്ങൾ, സ്റ്റാമ്പ്-നാണയ ശേഖരങ്ങൾ, ആദ്യകാല കാമറകൾ, ഫോസിലുകൾ, പഴയകാല ഗാർഹികോപകരണങ്ങൾ, മുദ്രപത്രങ്ങൾ, ഇന്ത്യൻ ഭാഷാസാഹിത്യവിജ്ഞാനശേഖരത്തെ പരിചയപ്പെടുത്തുന്ന പുസ്തകങ്ങൾ എന്നിവയും പ്രദർശനത്തിൽ ഉൾപ്പെടുന്നു.
പ്രിൻസിപ്പൽ ഡോ. പ്രീതി കെ. പിള്ള പ്രദർശനം ഉദ്ഘാടനം ചെയ്തു. ഇന്ത്യൻ നോളഡ്ജ് സിസ്റ്റം സെൽ കോ-ഓർഡിനേറ്റർ ഡോ. മായ ടി. നായർ അധ്യക്ഷത വഹിച്ചു. എൻഎസ്എസ് പ്രോഗ്രാം ഓഫിസർ ഡോ. ആർ. അശ്വതി, ലൈബ്രേറിയൻ എസ്. രാജേശ്വരി എന്നിവർ പ്രസംഗിച്ചു.
പത്തനംതിട്ട ന്യൂമിസ്മാറ്റിക് അസോസിയേഷൻ പ്രസിഡന്റ് ആര്. ഷൈനിനെ ആദരിച്ചു.