മീനച്ചില് പഞ്ചായത്തില് കേരള കോണ്ഗ്രസിലേക്ക് കടന്നുവന്നവരെ ചീഫ് വിപ്പ് അപു ജോണ് ജോസഫ് മെംബര്ഷിപ്പ് നല്കി സ്വീകരിക്കുന്നു.
പാലാ: പിളര്പ്പുകള് കേരള കോണ്ഗ്രസിനെ ഒരിക്കലും വളര്ത്തിയിട്ടില്ലെന്നും തളര്ത്തിയിട്ടേയുള്ളൂവെന്നും ചീഫ് വിപ്പ് അപു ജോണ് ജോസഫ്. മീനച്ചില് പഞ്ചായത്തില്നിന്നു കേരള കോണ്ഗ്രസിലേക്ക് കടന്നുവന്നവർക്ക് മെംബര്ഷിപ്പ് നല്കിയ യോഗത്തില് പ്രസംഗിക്കുകയായിരുന്നു അദ്ദേഹം. കെ.എം. മാണി ഒരിക്കല് തമാശയ്ക്കു പിളരുന്തോറും വളരും വളരുന്തോറും പിളരും എന്നൊക്കെ പറഞ്ഞെങ്കിലും പിളര്പ്പുകള് പാര്ട്ടിയെ പിന്നോട്ടടിച്ചുവെന്ന് അപു പറഞ്ഞു.
മണ്ഡലം പ്രസിഡന്റ് എബി വാട്ടപ്പള്ളിയുടെ അധ്യക്ഷതയില് ചേര്ന്ന യോഗത്തില് നിയോജകമണ്ഡലം പ്രസിഡന്റ് ജോര്ജ് പുളിങ്കാട്, തോമസ് ഉഴുന്നാലില്, ഷിബു പൂവേലി, വിജയകുമാരി കൊന്നയ്ക്കതാഴെ, ബിന്സി വട്ടോത്തുകുന്നേല്, ജിന്സി അഭിലാഷ്, ഷാജി വെള്ളാപ്പാട്ട്, സാബു പൂവത്താനി, പ്രഭാകരന് പതിയപ്പള്ളി തുടങ്ങിയവര് പ്രസംഗിച്ചു.