സ്പോർട്സ് കൗൺസിൽ അംഗം എം. പി മുഹമ്മദ് ഇസ്ഹാഖ് ട്രോഫി സമ്മാനിക്കുന്നു.
എളേറ്റില്: എളേറ്റിൽ എംജെ ഹയർ സെക്കന്ഡറി സ്കൂൾ ഗ്രൗണ്ടിൽ നടന്ന ജില്ലാ ജൂനിയർ, സീനിയർ ടഗ് ഓഫ് വാർ ചാമ്പ്യൻഷിപ്പിൽ ഉമ്മൻചാണ്ടി സ്പോർട്സ് അക്കാദമി ഓവറോള് ചാമ്പ്യൻമാരായി.
എളേറ്റിൽ എംജെ. ഹയർ സെക്കന്ഡറി സ്കൂൾ രണ്ടാം സ്ഥാനം നേടി. കെഎസ്എ കൈതപ്പോയിലിനാണ് മൂന്നാം സ്ഥാനം.
ജില്ലാ സ്പോർട്സ് കൗൺസിൽ അംഗം എം.പി. മുഹമ്മദ് ഇസ്ഹാഖ് ജേതാക്കൾക്ക് ട്രോഫി സമ്മാനിച്ചു.പി.ഷഫീഖ് അധ്യക്ഷത വഹിച്ചു.പി.പി.ഷഹർബാനു, എൻ.സി. റഫീഖ്, എം. മുഹമ്മദ് ആഷിഖ് എന്നിവർ പ്രസംഗിച്ചു.