തൃ​ശൂ​ർ: സ്വ​ന്തം വീ​ടു​ക​ളി​ൽ​നി​ന്ന് ശു​ദ്ധ​ജ​ലം കു​ടി​ച്ചി​രു​ന്ന ഒ​രു ജ​ന​ത ഇ​പ്പോ​ൾ കു​ടി​വെ​ള്ള​ത്തി​നാ​യി പ​ണം ന​ൽ​കി ലോ​റി കാ​ത്തു​നി​ൽ​ക്കേ​ണ്ട ദു​ര​വ​സ്ഥ​യി​ലാ​ണ്. വ​ഴി​ക​ളി​ൽ നി​റ​ഞ്ഞു​നി​ൽ​ക്കു​ന്ന ദു​ർ​ഗ​ന്ധം, കി​ണ​റു​ക​ളി​ൽ ഇ-​കോ​ളി ബാ​ക്ടീ​രി​യ​യു​ടെ സാ​ന്നി​ധ്യം, മ​ലി​ന​ജ​ല​ത്തി​ൽ​നി​ന്ന് ഉ​യ​ർ​ന്നു​വ​രു​ന്ന പു​ഴു​ക്ക​ളും കീ​ട​ങ്ങ​ളും... കോ​ർ​പ​റേ​ഷ​ന്‍റെ മൂ​ക്കി​നു താ​ഴെ​യു​ള്ള കു​രി​യ​ച്ചി​റ മ​ണ​ലി​പ്പാ​ടം നി​വാ​സി​ക​ളു​ടെ ദു​രി​ത​ചി​ത്ര​മാ​ണി​ത്.

പ്ര​ദേ​ശ​ത്തെ വി​വി​ധ സ്ഥാ​പ​ന​ങ്ങ​ളി​ൽ​നി​ന്ന് പൊ​തു​മ​രാ​മ​ത്ത് വ​കു​പ്പി​ന്‍റെ കാ​ന​ക​ളി​ലേ​ക്ക് ഇ​രു​ട്ടി​ന്‍റെ മ​റ​വി​ൽ മ​ലി​ന​ജ​ലം ത​ള്ളു​ന്ന​തി​നെ​തി​രേ 2016 മു​ത​ൽ പ​രാ​തി ന​ൽ​കി​യി​ട്ടും അ​ധി​കൃ​ത​ർ അ​ന​ങ്ങാ​പ്പാ​റ ന​യം തു​ട​രു​മ്പോ​ൾ, ശ​ക്ത​മാ​യ ജ​ന​കീ​യ പ്ര​ക്ഷോ​ഭ​ത്തി​ലൂ​ടെ തെ​രു​വി​ലി​റ​ങ്ങാ​ൻ ഒ​രു​ങ്ങു​ക​യാ​ണ് ഈ ​നാ​ട്ടു​കാ​ർ.
ഒ​ഴു​കി​യെ​ത്തു​ന്ന​ത്

മ​ലി​ന​ജ​ല​വും പ​ക​ർ​ച്ച​വ്യാ​ധി ഭീ​ഷ​ണി​യും

കു​രി​യ​ച്ചി​റ പ്ര​ദേ​ശ​ത്തെ വി​വി​ധ സ്ഥാ​പ​ന​ങ്ങ​ളി​ൽ​നി​ന്നാ​ണ് കാ​ന​യി​ലേ​ക്ക് അ​നി​യ​ന്ത്രി​ത​മാ​യി മ​ലി​ന​ജ​ലം ത​ള്ളു​ന്ന​ത്. കു​രി​യ​ച്ചി​റ​യി​ൽ​നി​ന്ന് തി​രു​ത്തൂ​ർ അ​മ്പ​ലം വ​ഴി ചീ​രാ​ച്ചി തോ​ട്ടി​ലേ​ക്ക് ഒ​ഴു​കി​യെ​ത്തു​ന്ന ഈ ​മ​ലി​ന​ജ​ലം ജ​ന​ങ്ങ​ൾ​ക്ക് വ​ലി​യ ആ​രോ​ഗ്യ-​പാ​രി​സ്ഥി​തി​ക ഭീ​ഷ​ണി​യാ​ണ് ഉ​യ​ർ​ത്തു​ന്ന​ത്. മ​ലി​ന​ജ​ലം കി​ണ​റു​ക​ളി​ലേ​ക്ക് വ്യാ​പി​ച്ച​തോ​ടെ പ്ര​ദേ​ശ​ത്തെ കു​ടി​വെ​ള്ള സ്രോ​ത​സു​ക​ൾ ന​ശി​ക്കു​ക​യും കു​ടും​ബ​ങ്ങ​ൾ കു​ടി​വെ​ള്ള​ത്തി​ന് ടാ​ങ്ക​ർ ലോ​റി​ക​ളെ ആ​ശ്ര​യി​ക്കേ​ണ്ട ഗ​തി​കേ​ടി​ലാ​വു​ക​യും ചെ​യ്തു. ദു​ർ​ഗ​ന്ധം​മൂ​ലം പ്ര​ദേ​ശ​വാ​സി​ക​ൾ​ക്ക് ശ്വാ​സം​മു​ട്ട്, അ​ല​ർ​ജി, ക​ടു​ത്ത ത​ല​വേ​ദ​ന തു​ട​ങ്ങി​യ ആ​രോ​ഗ്യ​പ്ര​ശ്ന​ങ്ങ​ൾ നേ​രി​ടേ​ണ്ടി വ​രു​ന്ന​താ​യും പ​രാ​തി​യു​ണ്ട്.

പ​രാ​തി​ക​ൾ​ക്ക് പ​ത്തുവ​ർ​ഷ​ത്തെ പ​ഴ​ക്കം

ക​ഴി​ഞ്ഞ പ​ത്തു വ​ർ​ഷ​ത്തി​ലേ​റെ​യാ​യി മ​ണ​ലി​പ്പാ​ടം റ​സി​ഡ​ന്‍റ്സ് അ​സോ​സി​യേ​ഷ​ൻ, മ​റ്റ് ജ​ന​കീ​യ കൂ​ട്ടാ​യ്മ​ക​ൾ എ​ന്നി​വ​രു​ടെ നേ​തൃ​ത്വ​ത്തി​ൽ ജി​ല്ലാ ക​ള​ക്ട​ർ, മേ​യ​ർ, കോ​ർ​പ​റേ​ഷ​ൻ സെ​ക്ര​ട്ട​റി, മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡ്, പി​ഡ​ബ്ല്യു​ഡി എ​ൻ​ജി​നീ​യ​ർ, എം​എ​ൽ​എ​മാ​ർ എ​ന്നി​വ​ർ​ക്കെ​ല്ലാം നി​ര​ന്ത​രം പ​രാ​തി ന​ൽ​കി​യി​ട്ടും യാ​തൊ​രു ന​ട​പ​ടി​യും സ്വീ​ക​രി​ക്കാ​ൻ അ​ധി​കൃ​ത​ർ ത​യാ​റാ​യി​ട്ടി​ല്ലെ​ന്നു വ്യാ​പ​ക​പ​രാ​തി​യു​ണ്ട്.

Tags :