സുൽത്താൻ ബത്തേരി: നബാർഡിന്റെ ഉറവ അധിഷ്ഠിത വികസന പദ്ധതിയുടെ ഭാഗമായി തേൻ ഉത്പാദക സഹകരണ സംഘം നടപ്പാക്കുന്ന "തേൻ ഗ്രാമം’ പദ്ധതിയിൽ തേൻ വിളവെടുപ്പ് ഉദ്ഘാടനം നടത്തി.
ചെപ്പോട്ടുകുന്ന് നിർത്തടം വില്ലേജ് വാട്ടർഷെഡ് കമ്മിറ്റിയുടെ സഹകരണത്തോടെ ജില്ലയുടെ വിവിധ ഭാഗങ്ങളിലെ കർഷകർക്ക് വിതരണം ചെയ്ത തേനീച്ചക്കൂടുകളിലാണ് ആദ്യഘട്ട വിളവെടുപ്പ് നടന്നത്. ജില്ലാ പ്രോജക്ട് ഓഫീസർ വിനോദ് കരിമന്തി ഉദ്ഘാടനം നിർവഹിച്ചു.
സഹകരണ സംഘം സെക്രട്ടറി ബാബു വാളവയൽ അധ്യക്ഷത വഹിച്ചു. എം. അനിത, ഷൈജു ഏബ്രഹാം, പി.ബി. ജിബിൻ, കെ.ബി. ലിജോ എന്നിവർ പ്രസംഗിച്ചു. കർഷകരിൽ നിന്ന് തേൻ ശേഖരണം തുടരുന്നതായി സെക്രട്ടറി അറിയിച്ചു.
Tags : nattu vishesham Honey Village Project