കലാ കവചം പദ്ധതിയുടെ ജില്ലാതല ഉദ്ഘാടനം ഡിവൈഎസ്പി സജി മാര്ക്കോസ് നിവഹിക്കുന്നു.
തൊടുപുഴ: തൂഫാന് ലഹരിവിരുദ്ധ കാമ്പയിന്റെയും സ്പിക് മാകെ സുവര്ണ ജൂബിലി ആഘോഷങ്ങളുടെയും ഭാഗമായി ജില്ലയിലെ 100 സ്കൂളുകളില് സംഘടിപ്പിക്കുന്ന ശാസ്ത്രീയ കലാ ശില്പശാലകളുടെ ജില്ലാതല ഉദ്ഘാടനം നടത്തി. തൊടുപുഴ ഡോ. എ.പി.ജെ. അബ്ദുള് കലാം ഹയര് സെക്കന്ഡറി സ്കൂളില് ഡിവൈഎസ്പി സജി മാര്ക്കോസ് കലാകവചം പദ്ധതി ഉദ്ഘാടനം ചെയ്തു. വിദ്യാഭ്യാസ ഉപ ഡയറക്ടര് ഷീബ മുഹമ്മദ് അധ്യക്ഷത വഹിച്ചു.
നാര്ക്കോട്ടിക് സെല് ഡിവൈഎസ്പി വി. കൃഷ്ണന്കുട്ടി തൂഫാന് പ്രതിജ്ഞ ചൊല്ലിക്കൊടുത്തു. അസിസ്റ്റന്റ് എക്സൈസ് കമ്മിഷണര് പി.എസ്. ഹരികുമാര് ലഹരിവിരുദ്ധ സന്ദേശം നല്കി. നഗരസഭ സ്റ്റാന്ഡിംഗ് കമ്മിറ്റി ചെയര്പേഴ്സണ് റംസിയ നിയാസ്, പിടിഎ പ്രസിഡന്റ് ശിഹാബുദ്ദീന്, എസ്എം സി ചെയര്മാന് പി.എ. അനില്, ഹെഡ്മിസ്ട്രസ് ജനി വി. രാഘവന് എന്നിവര് പ്രസംഗിച്ചു.
സ്പിക് മാകെ കോ-ഓര്ഡിനേറ്റര് ജി.ആര്. ഷാജി കലാകവചം പദ്ധതി പരിചയപ്പെടുത്തി. യുവാക്കളെയും വിദ്യാര്ഥികളെയും മയക്കുമരുന്ന്, അക്രമവാസനകള്, മാനസിക സമ്മര്ദങ്ങള് എന്നിവയിലേക്ക് വഴിതെറ്റിപ്പോകാതെ, കല, സംസ്കാരം, നാടോടി പൈതൃകം. യോഗ, സംഗീതം, നൃത്തം എന്നിവയിലേക്കു തിരിച്ചുവിട്ട് സാംസ്കാരിക പ്രതിരോധ കോട്ട കെട്ടിപ്പടുക്കുക എന്നതാണ് പദ്ധതി ലക്ഷ്യമിടുന്നത്.