മ​ടി​ക്കൈ: മ​ടി​ക്കൈ പ​ഞ്ചാ​യ​ത്തി​ലെ മ​ഹാ​ശി​ലാ​കാ​ല​ഘ​ട്ട​ത്തി​ലെ ജ​നാ​ധി​വാ​സ​ത്തി​ന്‍റെ ച​രി​ത്ര ശേ​ഷി​പ്പു​ക​ളാ​യ ചെ​ങ്ക​ല്ല​റ​യും ശി​ലാ ചി​ത്ര​ങ്ങ​ളും ക​ണ്ടെ​ത്തി. ക​ണ്ണം​കു​ള​ത്ത് പാ​റ​യി​ല്‍ ശി​ലാ​ചി​ത്ര​ങ്ങ​ളും തീ​ര്‍​ഥ​ങ്ക​ര​യി​ല്‍ ചെ​ങ്ക​ല്‍ ഖ​ന​ന​ത്തി​നി​ടെ അ​രി​ക് മു​റി​ഞ്ഞ നി​ല​യി​ലു​ള്ള ചെ​ങ്ക​ല്ല​റ​യു​മാ​ണ് ക​ണ്ടെ​ത്തി​യ​ത്.

പ്രാ​ദേ​ശി​ക പു​രാ​വ​സ്തു ഗ​വേ​ഷ​ക​നാ​യ സ​തീ​ശ​ന്‍ കാ​ളി​യാ​നം ന​ട​ത്തി​യ നി​രീ​ക്ഷ​ണ​ത്തി​ലാ​ണ് ശി​ലാ​ചി​ത്ര​ങ്ങ​ളും ഗു​ഹ​യും ക​ണ്ടെ​ത്തി​യ​ത്. കാ​ഞ്ഞ​ങ്ങാ​ട് നെ​ഹ്‌​റു കോ​ള​ജ് ച​രി​ത്ര വി​ഭാ​ഗം മേ​ധാ​വി​യും ച​രി​ത്ര ഗ​വേ​ഷ​ക​നു​മാ​യ ഡോ. ​ന​ന്ദ​കു​മാ​ര്‍ കോ​റോ​ത്ത് സ്ഥ​ലം സ​ന്ദ​ര്‍​ശി​ച്ച് ക​ണ്ടെ​ത്തി​യ ഗു​ഹ മ​ഹാ​ശി​ല​കാ​ല​ഘ​ട്ട​ത്തി​ലെ ചെ​ങ്ക​ല്ല​റ​യാ​ണെ​ന്നും ശി​ലാ​ചി​ത്രം മ​നു​ഷ്യ​നി​ര്‍​മി​ത​മാ​ണെ​ന്നും സ്ഥി​രീ​ക​രി​ച്ചു.

അ​രി​യി​ട്ട​പാ​റ​യി​ലും ക​ക്കാ​ട്ടും മു​ന്നാ​ട് മോ​ലോ​ത്തും​കാ​വ് ആ​മ​ക്കു​ള​ത്തും എ​രി​ക്കു​ളം വ​ലി​യ പാ​റ​യി​ലും കാ​ഞ്ഞി​ര​പ്പൊ​യി​ലി​ലും ഏ​റ്റു​കു​ടു​ക്ക​യി​ലും അ​മ്പ​ല​ത്ത​റ​യി​ലും ക​ണ്ടെ​ത്തി​യ ശി​ലാ​ചി​ത്ര​ങ്ങ​ള്‍ പോ​ലെ പ്ര​കൃ​തി​ദ​ത്ത​മാ​യ ജ​ല​സം​ഭ​ര​ണി​ക​ളാ​യ പ​ള്ള​ത്തി​ന്‍റെ ക​ര​യി​ലാ​ണ് ക​ണ്ണം​കു​ള​ത്ത് പാ​റ​യി​ലും ശി​ലാ​ചി​ത്ര​ങ്ങ​ള്‍ ക​ണ്ടെ​ത്തി​യ​ത്.

പ​ത്ത് ഇ​ഞ്ച് നീ​ള​വും ആ​റി​ഞ്ച് വീ​തി​യു​മു​ള്ള ര​ണ്ടു കാ​ല്‍​പാ​ദ​ങ്ങ​ളാ​ണ് ചെ​ങ്ക​ല്‍ പാ​റ​യി​ല്‍ കൊ​ത്തി​വ​ച്ചി​ട്ടു​ള്ള​ത്. വ​ട​ക്ക​ന്‍ കേ​ര​ള​ത്തി​ല്‍ നി​ന്നു ക​ണ്ടെ​ത്തി​യ മ​റ്റു ശി​ലാ​ചി​ത്ര​ങ്ങ​ളു​ടെ നി​ര്‍​മാ​ണ രീ​തി​യോ​ടു സാ​മ്യ​മു​ള്ള പാ​ദ​ങ്ങ​ളു​ടെ ചി​ത്ര ഉ​റ​പ്പേ​റി​യ പാ​റ​യി​ല്‍ ഇ​രു​മ്പാ​യു​ധ​ങ്ങ​ള്‍ ഉ​പ​യോ​ഗി​ച്ച് കൊ​ത്തി​യു​ണ്ടാ​ക്കി​യ​താ​കാ​നാ​ണ് സാ​ധ്യ​ത. പ​ള്ള​ങ്ങ​ളു​ടെ ക​ര​യി​ല്‍ കൊ​ത്തി​വ​യ്ക്കു​ന്ന​ത് കൊ​ണ്ട് ത​ന്നെ മ​ഴ​ക്കാ​ല​ത്ത് മു​ഴു​വ​നും ഇ​വ വെ​ള്ള​ത്തി​ന​ടി​യി​ലാ​കു​ക​യും മ​ഴ​ത്തു​ള്ളി​ക​ള്‍ നേ​രി​ട്ട് പ​തി​ക്കാ​തി​രി​ക്കു​ക​യും ചെ​യ്യു​ന്ന​തി​നാ​ലാ​ണ് നൂ​റ്റാ​ണ്ടു​ക​ള്‍ ഇ​വ ന​ശി​ക്കാ​തി​രി​ക്കു​ന്ന​ത്.

തീ​ര്‍​ഥ​ങ്ക​ര​യി​ലെ ചെ​ങ്ക​ല്ല​റ മു​ക​ള്‍​ഭാ​ഗ​ത്തെ ദ്വാ​ര​വും ഉ​ള്‍​ഭാ​ഗ​വും മേ​ല്‍​മ​ണ്ണ് നി​റ​ഞ്ഞ നി​ല​യി​ലാ​ണു​ള്ള​ത്. മ​ടി​ക്കൈ​യു​ടെ മ​ഹാ ശി​ലാ​കാ​ല​ഘ​ട്ട​ത്തി​ലെ ജ​ന​ജീ​വി​ത​ത്തി​ന്‍റെ ച​രി​ത്ര ശേ​ഷി​പ്പു​ക​ളാ​ണ് പു​തി​യ ക​ണ്ടെ​ത്ത​ലു​ക​ള്‍.

Tags : NattuVishesham DistrictNews