വിദ്യാകിരൺ സ്കോളർഷിപ് പദ്ധതിയുടെ തുക സ്കൂൾ അധികൃതർക്ക് കൈമാറുന്നു.
നെടുംകണ്ടം: ഈസ്റ്റ് ഹിൽസ് റോട്ടറി ക്ലബ്ബിന്റെ നേതൃത്വത്തിൽ നടപ്പാക്കുന്ന വിദ്യാകിരൺ സ്കോളർഷിപ് പദ്ധതിക്ക് തുടക്കമായി. ക്ലബ്ബിന്റെ രജതജൂബിലി ആഘോഷങ്ങളുടെ ഭാഗമായി 25 വിദ്യാർഥികൾക്ക് സ്കോളർഷിപ് നൽകുന്നതാണ് പദ്ധതി.
ആദ്യഘട്ടത്തിൽ കല്ലാർ ഗവ. ഹയർ സെക്കൻഡറി സ്കൂൾ, നെടുംകണ്ടം വൊക്കേഷണൽ ഹയർ സെക്കൻഡറി സ്കൂൾ, എംഇഎസ് കോളജ്, ഗവ. പോളിടെക്നിക് കോളജ് എന്നിവിടങ്ങളിലെ വിദ്യാർഥികളെയാണ് പദ്ധതിക്കായി തെരഞ്ഞെടുത്തത്.
കല്ലാർ ഗവ. ഹയർ സെക്കൻഡറി സ്കൂളിൽ നടന്ന ചടങ്ങിൽ റോട്ടറി ക്ലബ് പ്രസിഡന്റ് അജി സത്യവ്രതൻ സ്കോളർഷിപ് തുക സ്കൂൾ അധികൃതർക്ക് കൈമാറി. സ്കൂൾ എസ്എംസി ചെയർമാൻ ജോമോൻ താന്നിക്കൽ, പ്രിൻസിപ്പൽ മോൻസി ജോസഫ്, ഹെഡ്മിസ്ട്രസ് ഇൻ-ചാർജ് എൻ. അജിത, പ്രോജക്ട് കോ-ഓർഡിനേറ്റർ കെ.ആർ. ഉണ്ണികൃഷ്ണൻ നായർ എന്നിവർ പ്രസംഗിച്ചു.
ക്ലബ് ഭാരവാഹികളായ പി.സി. ബിജുമോൻ, പി. സുധീഷ്കുമാർ, സോജൻ കുര്യാക്കോസ്, എൻ. പ്രശാന്ത്, സീനിയർ അസി. പ്രജിത എൻ. എന്നിവർ നേതൃത്വം നൽകി.
Tags : Launch of the Nttuvishesham Districtnews