എടത്തിരുത്തി സർവീസ് സഹകരണ ബാങ്കിന്റെ ആഭിമുഖ്യത്തിൽ വിദ്യാഭ്യാസ അവാർഡ് വിതരണവും പ്രതിഭാസംഗമവും കെ.കെ. വത്സരാജ് എംഎൽഎ ഉദ്ഘാടനംചെയ്യുന്നു.
മേലൂർ: കൃഷിഭവന്റെ നേതൃത്വത്തിൽ നടത്തിയ ഞാറ്റുവേലച്ചന്തയുടെ ഭാഗമായി കർഷകർക്ക് സൗജന്യമായി പച്ചക്കറിത്തൈകൾ നൽകിയത് പഞ്ചായത്ത് മെമ്പർമാരെ അറിയിക്കാതെയെന്ന് ആരോപിച്ച് പ്രതിപക്ഷ മെമ്പർമാർ മേലൂർ കൃഷി ഓഫീസറെ തടഞ്ഞുവച്ചു.
എൽഡിഎഫ് മെമ്പർമാരുടെ വാർഡുകളിൽ ആനുകൂല്യംലഭിക്കുന്നതിനുവേണ്ടിയാണ് കൃഷി ഓഫീസറും പഞ്ചായത്ത് പ്രസിഡന്റും കള്ളക്കളി നടത്തിയതെന്ന് യുഡിഎഫ് ആരോപിച്ചു. യഥാർഥ കർഷകരെ ദ്രോഹിക്കുന്ന നിലപാടാണ് പഞ്ചായത്ത് പ്രസിഡന്റും കൃഷി ഓഫീസറും കൂടി നടത്തുന്നതെന്ന് യുഡിഎഫ് പാർലമെന്ററി പാർട്ടി ലീഡർ എം.ടി. ഡേവിസ് ആരോപിച്ചു. പ്രതിഷേധത്തിൽ മെമ്പർമാരായ ജോസഫ് പൈനാടത്ത്, ലിൻസൺ ആന്റണി, റിൻസി രാജേഷ്, ഷീജ പോളി, ജാൻസി ബാബു എന്നിവർ പങ്കെടുത്തു.
Tags : Nattuvishesham District news