കുറിയന്നൂര് മാര്ത്തോമ്മാ ഹൈസ്കൂളില് പുല്ലാട് ഉപജില്ലാ സ്കൂൾ കലോത്സവം ആന്റോ ആന്റണി എംപി ഉദ്ഘാടനം ചെയ്യുന്നു.
കോഴഞ്ചേരി: പുല്ലാട് വിദ്യാഭ്യാസ ഉപജില്ലാ കേരള സ്കൂള് കലോത്സവത്തിന് കുറിയന്നൂര് മാര്ത്തോമ്മാ ഹൈ സ്കൂളില് തുടക്കമായി. തോട്ടപ്പുഴശേരി പഞ്ചായത്ത് പ്രസിഡന്റ് ആര് കൃഷ്ണകുമാര് അധ്യക്ഷത വഹിച്ച യോഗം ആന്റോ ആന്റണി എംപി ഉദ്ഘാടനം ചെയ്തു.
പ്രശസ്ത കോമഡി സീരിയല് താരം വിനോദ് കുറിയന്നൂര് കലാമത്സരങ്ങളുടെ ഉദ്ഘാടനം നിര്വഹിച്ചു. കോയിപ്രം ഗ്രാമപഞ്ചായത്ത് പ്രസിഡന്റ് പി. സുജാത, തോട്ടപ്പുഴശേരി പഞ്ചായത്ത് വൈസ് പ്രസിഡന്റ് സിസിലി തോമസ്,
ബ്ലോക്ക് പഞ്ചായത്ത് അംഗങ്ങളായ എൻ. എസ്. രാജീവ്, അനീഷ് കുമാർ, തോട്ടപ്പുഴശേരി പഞ്ചായത്ത് അംഗം റീന തോമസ് , സ്കൂള് മാനേജര് റവ. മത്തായി ജോസഫ്. ജനറല് കണ്വീനര് സാറാമ്മ പി. മാത്യു, പിടിഎ പ്രസിഡന്റ് സിബി ചാണ്ടി, എം. ജി. ശിവന് കുട്ടി, ശ്യാം മാത്യു, കണ്വീനര്മാരായ തോമസ് മാത്യു, അമല് സന്തോഷ്, കെ. എ. വിജയകുമാർ, കെ. എ .തന്സീര് എന്നിവര് പ്രസംഗിച്ചു.
സംസ്ഥാന സ്കൂള് കായിക മേളയില് പത്തനംതിട്ട ജില്ലയ്ക്കു വേണ്ടി മികച്ച പ്രകടനം നടത്തിയ കുട്ടികളെയും കലോത്സവ ലോഗോ രൂപകല്പന ചെയ്ത ജോയല് അച്ചന് കുഞ്ഞിനെയും യോഗത്തില് ആദരിച്ചു. അഞ്ചു വേദികളിലായി 220 ഇനങ്ങളില് രണ്ടായിരത്തോളം പ്രതിഭകള് മാറ്റുരയ്ക്കുന്ന കലോത്സവം നാളെ സമാപിക്കും.