മാ​ങ്കാം​കു​ഴി: റോ​ഡ് കൈയേറി​യു​ള്ള അ​ന​ധി​കൃ​ത വ​ഴി​യോ​രക്കച്ച​വ​ടം വ്യാ​പ​ക​മാ​യി​ട്ടും ന​ട​പ​ടി​യി​ല്ല. സ്ഥി​രം അ​പ​ക​ട​മേ​ഖ​ല​യാ​യ കൊ​ല്ലം-​തേ​നി ദേ​ശീ​യ​പാ​ത​യി​ലെ വെ​ട്ടി​യാ​ർ പ​റ​ക്കു​ള​ങ്ങ​ര ഗു​രു​മ​ന്ദി​രം ജം​ഗ്‌​ഷ​നു സ​മീ​പ​വും അ​ന​ധി​കൃ​ത വ​ഴി​യോ​രക്കച്ച​വ​ടം ഇ​പ്പോ​ൾ വ്യാ​പ​ക​മാ​ണ്. വ​ഴി​യോ​രക്കച്ച​വ​ടം കാ​ണു​മ്പോ​ൾ പെ​ട്ടെ​ന്ന് വാ​ഹ​ന​ങ്ങ​ൾ നി​ർ​ത്തു​ന്ന​തും സാ​ധ​ന​ങ്ങ​ൾ വാ​ങ്ങാ​ൻ ആ​ളു​ക​ൾ കൂ​ടു​ന്ന​തും ഗ​താ​ഗ​ത​ക്കു​രു​ക്കും അ​പ​ക​ട സാ​ധ്യ​ത​യും വ​ർ​ധി​പ്പി​ക്കു​ന്നു.

ബ്ലാ​ക്ക് സ്പോ​ട്ടാ​യ പ​റ​ക്കു​ള​ങ്ങ​ര​യി​ൽ നി​ര​വ​ധി അ​പ​ക​ട​ങ്ങ​ളാ​ണ് മു​മ്പുണ്ടാ​യി​ട്ടു​ള്ള​ത്. കു​ത്ത​നെ​യു​ള്ള ഇ​റ​ക്ക​വും കൊ​ടും​വ​ള​വും റോ​ഡി​ന് മ​തി​യാ​യ വീ​തി​യി​ല്ലാ​ത്ത​തും അ​പ​ക​ട​ങ്ങ​ൾ​ക്ക് പ്ര​ധാ​ന​കാ​ര​ണ​മാ​ണ്. നി​ര​വ​ധി വാ​ഹ​ന​ങ്ങ​ൾ നി​യ​ന്ത്ര​ണം വി​ട്ട് റോ​ഡ​രു​കി​ലെ താ​ഴ്ച​യി​ലേ​ക്കു മ​റി​യു​ന്ന​തും ഇ​വി​ടെ നി​ത്യസം​ഭ​വ​മാ​ണ്. കൂ​ടാ​തെ നി​ര​വ​ധിപ്പേരു​ടെ ജീ​വ​നും ഇ​വി​ടത്തെ അ​പ​ക​ടമേ​ഖ​ല​യി​ൽ പൊ​ലി​ഞ്ഞി​ട്ടു​ണ്ട്. അ​പ​ക​ടം നി​യ​ന്ത്രി​ക്കാ​ൻ ശ​ക്ത​മാ​യ സം​വി​ധാ​നം ഏ​ർ​പ്പെ​ടു​ത്താ​ത്ത​തി​നെ​തി​രേ നാ​ട്ടു​കാ​രു​ടെ പ്ര​തി​ഷേ​ധം ശ​ക്ത​മാ​യ​തി​നെത്തുട​ർ​ന്ന് റോ​ഡി​നു സ​മീ​പം സം​ര​ക്ഷ​ണവേ​ലി സ്ഥാ​പി​ക്കു​ക​യും വേ​ഗ​ത കു​റ​ച്ചു പോ​ക​ണ​മെ​ന്ന മു​ന്ന​റി​യി​പ്പു​മാ​യി റെ​ഡ് സി​ഗ്ന​ൽ സ്ഥാ​പി​ക്കു​ക​യും ചെ​യ്തി​രു​ന്നു. ക​ഴി​ഞ്ഞ ഒ​രു വ​ർ​ഷ​ത്തി​നി​ട​യി​ൽ നി​ര​വ​ധി വാ​ഹ​ന​ങ്ങ​ൾ നി​യ​ന്ത്ര​ണം വി​ട്ട് റോ​ഡ​രു​കി​ലെ താ​ഴ്ച​യി​ലേ​ക്ക് മ​റി​ഞ്ഞ് അ​പ​ക​ടം പ​തി​വാ​യി​രു​ന്നു.

കു​ത്ത​നെ ഇ​റ​ക്കം ഇ​റ​ങ്ങി വ​രു​ന്ന കൊ​ടും​വ​ള​വി​ൽ റോ​ഡി​ന് വീ​തിയില്ലാ​ത്ത​താ​ണ് പ്ര​ധാ​ന പ്ര​ശ്നം. കൊ​ല്ലം -തേ​നി ദേ​ശീ​യപാ​ത നാ​ലു​വ​രി പാ​ത​യാ​യി വി​ക​സി​ക്കു​മ്പോ​ൾ ഇ​വി​ടെ അ​പ​ക​ടം ഒ​ഴി​വാ​ക്കാ​ൻ റോ​ഡി​ലെ കൊ​ടും വ​ള​വും കു​ത്ത​നെ​യു​ള്ള ഇ​റ​ക്ക​വും ഒ​ഴി​വാ​ക്കി റോ​ഡ് വീ​തി​കൂ​ട്ടി നി​ർ​മിക്കു​മെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. അ​പ​ക​ടമേ​ഖ​ല​യി​ലെ വ​ഴി​യോ​രക്കച്ച​വ​ടം ഒ​ഴി​വാ​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.

ന​ട​പ​ടിവേ​ണം

പാ​ത​യോ​ര​ങ്ങ​ളി​ലെ അ​ന​ധി​കൃ​ത വ​ഴി​യോ​രക്കച്ച​വ​ട​ങ്ങ​ൾ​ക്കെ​തി​രേ ശ​ക്ത​മാ​യ ന​ട​പ​ടിവേ​ണം. ലൈ​സ​ൻ​സും വാ​ട​ക​യും ന​ൽ​കി വ്യാ​പാ​രി​ക​ൾ വ്യാ​പാ​രം ന​ട​ത്തു​മ്പോ​ൾ ഇ​തൊ​ന്നും പാ​ലി​ക്കാ​തെ വ​ഴി​യോ​ര​ങ്ങ​ളി​ൽ അ​ന​ധി​കൃ​ത ക​ച്ച​വ​ടം യാ​തൊ​രു നി​യ​ന്ത്ര​ണ​വും ഇ​ല്ലാ​തെ വ്യാ​പ​ക​മാ​വു​ക​യാ​ണ്. ത​ഴ​ക്ക​ര പ​ഞ്ചാ​യ​ത്തി​ലെ വ​ഴി​യോ​രക്കച്ച​വ​ടം നി​രോ​ധി​ക്ക​ണമെന്നാ​വ​ശ്യ​പ്പെ​ട്ട് വ്യാ​പാ​രി വ്യ​വ​സാ​യി ഏ​കോ​പ​ന​സ​മി​തി നി​വേ​ദ​നം ന​ൽ​കി​യി​ട്ടും പ​ഞ്ചാ​യ​ത്ത് ന​ട​പ​ടി സ്വീ​ക​രി​ച്ചി​ല്ല.

കേ​ര​ള ഹൈ​ക്കോ​ട​തി​യു​ടെ​യും സു​പ്രീംകോ​ട​തി​യു​ടെ​യും നി​ർ​ദേശ​പ്ര​കാ​രം കാ​ൽ​ന​ട​യാ​ത്ര​ക്കാ​രു​ടെ അ​വ​കാ​ശം സം​ര​ക്ഷി​ക്കു​ന്ന​തി​നാ​യി പാ​ത​യോ​ര​ങ്ങ​ളി​ലെ​യും ഫു​ട്പാ​ത്തു​ക​ളി​ലെ​യും അ​ന​ധി​കൃ​ത ക​ച്ച​വ​ട​ങ്ങ​ൾ ക​ർ​ശ​ന​മാ​യി നി​ര​ധി​ച്ചി​ട്ടു​ണ്ട്. അ​പ​ക​ട​സാ​ധ്യ​ത​യു​ള്ള ബ്ലാ​ക്ക് സ്പോ​ട്ടു​ക​ളി​ൽ വ​ഴി​യോ​രക്കച്ച​വ​ടം ന​ട​ത്തു​ന്ന​ത് റോ​ഡ് സു​ര​ക്ഷാ നി​യ​മ​പ്ര​കാ​രം ശി​ക്ഷാ​ർ​ഹ​വു​മാ​ണ്. റോ​ഡ് കൈയേറി​യു​ള്ള വ​ഴി​യോ​ര ക്കച്ച​വ​ട​ങ്ങ​ൾ​ക്കെ​തി​രേ ശ​ക്ത​മാ​യ ന​ട​പ​ടിവേ​ണം.

ശി​വ​ജി അ​റ്റ്‌​ല​സ് (ജ​ന​റ​ൽ സെ​ക്ര​ട്ട​റി, കേ​ര​ള വ്യാ​പാ​രി വ്യ​വ​സാ​യി
ഏ​കോ​പ​ന​സ​മി​തി,
മാ​ങ്കാം​കു​ഴി യൂ​ണി​റ്റ് )

Tags : NattuVishesham DistrictNews