കാ​ട്ടാ​ക്ക​ട: മൈ​ലോ​ട്ടു​മൂ​ഴി ജ​ന​താ ഗ്ര​ന്ഥ​ശാ​ല ജം​ഗ്ഷ​നി​ൽ കാ​ട്ടാ​ക്ക​ട - നെ​യ്യാ​ർ ഡാം ​റോ​ഡി​ലെ വെ​ള്ള​ക്കെ​ട്ട് യാ​ത്ര​ക്കാ​ർ​ക്കും പ്ര​ദേ​ശ​വാ​സി​ക​ൾ​ക്കും ദു​രി​ത​ം സമ്മാനിക്കുന്നു.

മ​ഴ​ക്കാ​ല​ത്തു മാ​ത്ര​മ​ല്ല, മ​റ്റു സ​മ​യ​ങ്ങ​ളി​ലും പ്ര​ദേ​ശ​ത്തെ ഓ​ട​ക​ളി​ൽ മ​ലി​ന​ജ​ലം കെ​ട്ടി​ക്കി​ട​ക്കു​ന്ന​ത് പ​തി​വാ​ണെ​ന്നാ​ണു നാ​ട്ടു​കാ​രു​ടെ പ​രാ​തി. വെ​ള്ള​ക്കെ​ട്ട് ഒ​ഴി​വാ​ക്കു​ന്ന​തി​നാ​യി കാ​ലാ​കാ​ല​ങ്ങ​ളി​ൽ പ​ഞ്ചാ​യ​ത്തി​ന്‍റെ നേ​തൃ​ത്വ​ത്തി​ൽ ഓ​ട​ക​ൾ വൃ​ത്തി​യാ​ക്കാ​റു​ണ്ടെ​ങ്കി​ലും പ്ര​ശ്ന​ത്തി​നു ശാ​ശ്വ​ത പ​രി​ഹാ​രം ഉ​ണ്ടാ​ക​ണ​മെ​ന്നാ​ണ് പ്ര​ദേ​ശ​വാ​സി​ക​ളു​ടെ ആ​വ​ശ്യം.

പ്ര​ശ്നം അ​ടി​യ​ന്ത​ര​മാ​യി പ​രി​ഹ​രി​ക്ക​ണ​മെ​ന്നാ​വ​ശ്യ​പ്പെ​ട്ട് ജ​ന​താ ഗ്ര​ന്ഥ​ശാ​ല ഭ​ര​ണ​സ​മി​തി ബ​ന്ധ​പ്പെ​ട്ട അ​ധി​കൃ​ത​ർ​ക്ക് നി​വേ​ദ​നം ന​ൽ​കിയിട്ടുണ്ട്. പൊ​തു​ജ​ന​ങ്ങ​ൾ​ക്ക് ബു​ദ്ധി​മു​ട്ടു​ണ്ടാ​ക്കു​ന്ന ഈ ​പ്ര​ശ്ന​ത്തി​ൽ പ​ഞ്ചാ​യ​ത്ത് അ​ധി​കൃ​ത​ർ അ​ടി​യ​ന്ത​ര​മാ​യി ഇ​ട​പെ​ട​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. താ​ത്കാലി​ക​മാ​യി ഓ​ട​ക​ൾ വൃ​ത്തി​യാ​ക്കു​ന്ന​തി​ന​പ്പു​റം, വെ​ള്ള​ക്കെ​ട്ടി​ന് കാ​ര​ണ​മാ​കു​ന്ന സാ​ഹ​ച​ര്യം ക​ണ്ടെ​ത്തി ശാ​ശ്വ​ത പ​രി​ഹാ​രം കാ​ണാ​ൻ അ​ധി​കൃ​ത​ർ ത​യാ​റാ​കണമെ​ന്നാ​ണ് നാ​ട്ടു​കാ​ർ ആവശ്യപ്പെടുന്നത്.

Tags :