കൂത്തുപറമ്പ്: ചിക്കമഗംളൂരുവിൽ കാർ ബൈക്കിലിടിച്ചുണ്ടായ അപകടത്തിൽ കണ്ണൂർ അഞ്ചരക്കണ്ടി സ്വദേശികളായ രണ്ടു യുവാക്കൾ മരിച്ചു. അഞ്ചരക്കണ്ടി സുലൈഖാസിൽ പി. അനസ് (22), വെൺമണൽ കുന്നുമ്മൽ വീട്ടിൽ എം. സഹീർ (23) എന്നിവരാണ് മരിച്ചത്.
ബുധനാഴ്ച വൈകുന്നേരം അഞ്ചോടെ ചിക്കമംഗളൂരുവിലെ കടൂരിലായിരുന്നു അപകടം. നാട്ടിൽനിന്നു ബൈക്കുകളിൽ വിനോദയാത്രക്കു പോയ ആറംഗ സംഘത്തിൽ അനസും സഹീറും സഞ്ചരിച്ച ബൈക്കിൽ കാർ ഇടിക്കുകയായിരുന്നു. അനസ് സംഭവ സ്ഥലത്തുതന്നെ മരിച്ചു.
മംഗളൂരുവിലെ ആശുപത്രിയിലേക്കുള്ള വഴി മധ്യേയാണ് സഹീർ മരിച്ചത്. സി.സി. അബ്ദുൾ അസീസ്-പി. സുലൈഖ ദന്പതികളുടെ മകനാണ് അനസ്. അഫ്നാസ്, അജ്നാസ് എന്നിവർ സഹോദരങ്ങളാണ്.
അബ്ദുൾ ജബ്ബാർ-ഖൈറുന്നീസ ദന്പതികളുടെ മകനാണ് മരിച്ച സഹീർ. സഹോദരി: ഷഫ്ന. ഇരുവരുടെയും മൃതദേഹങ്ങൾ നാട്ടിലെത്തിച്ച് കബറടക്കി.
Tags : Accident Chikkamagaluru