സൂ​ര്യ​കാ​ന്തി​പ്പാ​ട​ങ്ങ​ൾ കാ​ണ​ണ​മെ​ങ്കി​ൽ കേ​ര​ള അ​തി​ർ​ത്തി ക​ട​ക്ക​ണ​മെ​ന്ന ചി​ന്ത മാ​റി​ത്തു​ട​ങ്ങി​യി​ട്ട് നാ​ളു​ക​ളേ​റെ​യാ​യി. ന​ല്ല വെ​യി​ലും മ​ണ്ണി​ന് ന​ന​വും ആ​വ​ശ്യ​ത്തി​നു പോ​ഷ​ക​ങ്ങ​ളു​മു​ണ്ടെ​ങ്കി​ൽ എ​വി​ടെ​യും സൂ​ര്യ​കാ​ന്തി ന​ന്നാ​യി വ​ള​രും.

ഇ​തു മ​ന​സി​ലാ​യ​തോ​ടെ​യാ​ണ് 2020 ലെ ​സം​സ്ഥാ​ന യു​വ​ക​ർ​ഷ​ക അ​വാ​ർ​ഡ് ജേ​താ​വ് കാ​സ​ർ​ഗോ​ഡ് കൊ​ള​ത്തൂ​രി​ലെ എം. ​ശ്രീ​വി​ദ്യ​യും അ​ത്ത​ര​മൊ​രു പ​രീ​ക്ഷ​ണ​ത്തി​നി​റ​ങ്ങി​യ​ത്. കാ​സ​ർ​ഗോ​ഡ് ജി​ല്ല​യി​ലെ പൊ​യി​നാ​ച്ചി​യി​ൽ ചു​ട്ടു​പൊ​ള്ളു​ന്ന പാ​റ പ്ര​ദേ​ശ​ത്ത് മ​ണ്ണി​ട്ടു​യ​ർ​ത്തി​യ 50 സെ​ന്‍റ് സ്ഥ​ല​ത്താ​ണു ശ്രീ​വി​ദ്യ ത​ണ്ണി​മ​ത്ത​നോ​ടൊ​പ്പം സൂ​ര്യ​കാ​ന്തി​യും കൃ​ഷി ചെ​യ്ത​ത്.

സു​ഹൃ​ത്താ​യ ശ്രീ​ജി​ത്തി​ന്‍റെ ഉ​ട​മ​സ്ഥ​ത​യി​ലു​ള്ള ഈ ​സ്ഥ​ല​ത്ത് ശ്രീ​വി​ദ്യ സം​സ്ഥാ​ന ഹോ​ർ​ട്ടി​ക​ൾ​ച്ച​റ​ൽ മി​ഷ​ന്‍റെ സ​ഹാ​യ​ത്തോ​ടെ കൃ​ത്യ​താ കൃ​ഷി​ക്ക് സം​വി​ധാ​ന​മൊ​രു​ക്കി​യി​രു​ന്നു. ത​ണ്ണി​മ​ത്ത​ൻ ന​ട്ട ചാ​ലു​ക​ൾ​ക്കി​ട​യി​ലാ​ണു സൂ​ര്യ​കാ​ന്തി വി​ത്തു​ക​ൾ പാ​കി മു​ള​പ്പി​ച്ച​ത്.

ത​ണ്ണി​മ​ത്ത​ൻ വി​ള​ഞ്ഞു തു​ട​ങ്ങി​യ​പ്പോ​ഴേ​യ്ക്കും സൂ​ര്യ​കാ​ന്തി​പ്പൂ​ക്ക​ളും മി​ഴി​തു​റ​ന്നു. ദേ​ശീ​യ​പാ​ത​യോ​ട​ടു​ത്ത സ്ഥ​ല​ത്തെ ശ്രീ​വി​ദ്യ​യു​ടെ പ​രീ​ക്ഷ​ണ തോ​ട്ടം പൊ​ള്ളു​ന്ന വെ​യി​ലി​ലും ആ​രും കൊ​തി​ക്കു​ന്ന മ​നോ​ഹ​ര കാ​ഴ്ച​യാ​യി.

മു​ക​ളി​ൽ സൂ​ര്യ​കാ​ന്തി​പ്പൂ​ക്ക​ളു​ടെ സു​വ​ർ​ണ​ശോ​ഭ. താ​ഴെ ത​ണ്ണി​മ​ത്ത​ന്‍റെ മ​ര​ത​ക വ​ർ​ണ​വും. ക​ടും ചു​വ​പ്പ് നി​റ​ത്തി​നൊ​പ്പം ഓ​റ​ഞ്ചും മ​ഞ്ഞ​യും ത​രം ത​ണ്ണി​മ​ത്ത​ൻ കൃ​ഷി​യി​ട​ത്തി​ൽ വി​ള വൈ​വി​ധ്യ​വു​മൊ​രു​ക്കി.

തൃ​ശൂ​രി​ലെ സ്വ​കാ​ര്യ ഫാ​മി​ൽ നി​ന്നാ​ണു സൂ​ര്യ​കാ​ന്തി​യു​ടെ​യും ത​ണ്ണി​മ​ത്ത​ന്‍റെ​യും വി​ത്തു​ക​ൾ വാ​ങ്ങി​യ​ത്. കൃ​ത്യ​താ കൃ​ഷി​ക്കാ​യി ഒ​രു ത​വ​ണ ഒ​രു​ക്കി​യ സം​വി​ധാ​ന​ത്തി​ൽ തു​ട​ർ​ച്ച​യാ​യി മൂ​ന്നു ത​വ​ണ​യെ​ങ്കി​ലും കൃ​ഷി ന​ട​ത്താ​നാ​കും.

തൃ​ശൂ​ർ വെ​ള്ളാ​നി​ക്ക​ര​യി​ലെ കാ​ർ​ഷി​ക സ​ർ​വ​ക​ലാ​ശാ​ലാ ഫാ​മി​ൽ നി​ന്നെ​ത്തി​ച്ച സൗ​ഭാ​ഗ്യ ഇ​നം വെ​ള്ള​രി​യാ​ണ് ഇ​വി​ടെ ശ്രീ​വി​ദ്യ ആ​ദ്യം കൃ​ഷി​ചെ​യ്ത​ത്. ക​ഴി​ഞ്ഞ ന​വം​ബ​റി​ൽ വി​ത്തി​ട്ട് മു​ള​പ്പി​ച്ചു ജ​നു​വ​രി​യി​ൽ വി​ള​വെ​ടു​ത്തു. 50 സെ​ന്‍റ് സ്ഥ​ല​ത്തു​നി​ന്നു മൂ​ന്ന​ര ട​ണ്ണി​ലേ​റെ വെ​ള്ള​രി​യാ​ണ് കി​ട്ടി​യ​ത്.

വെ​ള്ള​രി​യു​ടെ വി​ള​വെ​ടു​പ്പി​നു ശേ​ഷ​മാ​ണ് ഇ​വി​ടെ ത​ണ്ണി​മ​ത്ത​നും സൂ​ര്യ​കാ​ന്തി​യും കൃ​ഷി ചെ​യ്ത​ത്. ആ​ദ്യ​മാ​യി കൃ​ഷി​ചെ​യ്ത സൂ​ര്യ​കാ​ന്തി വി​ത്തി​നു​വേ​ണ്ടി മാ​റ്റി വ​യ്ക്കാ​നാ​ണ് ഉ​ദ്ദേ​ശി​ക്കു​ന്ന​ത്. മേ​യ് മാ​സ​ത്തോ​ടു​കൂ​ടി ത​ണ്ണി​മ​ത്ത​നും വി​ള​വെ​ടു​ത്തു തീ​രും.

തു​ട​ർ​ന്നു മ​ഴ​ക്കാ​ലം തു​ട​ങ്ങാ​റാ​കു​ന്ന​തോ​ടെ ഇ​തേ സ്ഥ​ല​ത്ത് വെ​ണ്ട​യും പ​ച്ച​മു​ള​കും കൃ​ഷി ചെ​യ്യാ​നാ​ണു ശ്രീ​വി​ദ്യ​യു​ടെ തീ​രു​മാ​നം.



കാ​സ​ർ​ഗോ​ഡ് ബേ​ഡ​ഡു​ക്ക പ​ഞ്ചാ​യ​ത്തി​ലെ കൊ​ള​ത്തൂ​രി​ൽ പൂ​ങ്കാ​വ​നം അ​ഗ്രി​ഫാ​മും ന​ഴ്സ​റി​യും ന​ട​ത്തു​ന്ന ശ്രീ​വി​ദ്യ കാ​ർ​ഷി​ക മേ​ഖ​ല​യി​ലെ പു​തി​യ സാ​ങ്കേ​തി​ക വി​ദ്യ​ക​ളെ​ക്കു​റി​ച്ചു പ​ഠി​ക്കാ​ൻ സം​സ്ഥാ​ന കൃ​ഷി​വ​കു​പ്പി​ന്‍റെ നേ​തൃ​ത്വ​ത്തി​ൽ ക​ഴി​ഞ്ഞ​വ​ർ​ഷം ഇ​സ്ര​യേ​ലി​ലേ​ക്കു പോ​യ സം​ഘ​ത്തി​ലും അം​ഗ​മാ​യി​രു​ന്നു.

30 ശ​ത​മാ​നം ജ​ന​ങ്ങ​ൾ മാ​ത്രം കാ​ർ​ഷി​ക വൃ​ത്തി​യി​ൽ ഏ​ർ​പ്പെ​ട്ടി​രി​ക്കു​ന്ന രാ​ജ്യ​മാ​ണ് ഇ​സ്ര​യേ​ൽ. രാ​ജ്യ​ത്തി​ന് ആ​കെ​യു​ള്ള ഭൂ​മി​യി​ൽ 60 ശ​ത​മാ​ന​വും മ​രു​ഭൂ​മി. ബാ​ക്കി സ്ഥ​ല​ത്തു യു​ദ്ധ​വും ത​ർ​ക്ക​ങ്ങ​ളു​മൊ​ഴി​ഞ്ഞു കൃ​ഷി​ക്ക് ഉ​പ​യു​ക്ത​മാ​ക്കാ​ൻ ക​ഴി​യു​ന്ന​ത് വ​ള​രെ കു​റ​ച്ചു​മാ​ത്രം.

എ​ന്നി​ട്ടും സ്വ​ന്തം ജ​ന​ത​യു​ടെ ഭ​ക്ഷ​ണാ​വ​ശ്യം ക​ഴി​ഞ്ഞ് വി​ദേ​ശ​ത്തേ​ക്ക് ക​യ​റ്റു​മ​തി ചെ​യ്യാ​ൻ മാ​ത്രം കാ​ർ​ഷി​കോ​ത്പ​ന്ന​ങ്ങ​ൾ ഉ​ത്പാ​ദി​പ്പി​ക്കാ​ൻ ക​ഴി​യു​ന്നു​വെ​ന്ന​താ​ണ് ഇ​സ്ര​യേ​ലി​ന്‍റെ നേ​ട്ട​മെ​ന്നു ശ്രീ​വി​ദ്യ പ​റ​യു​ന്നു.

മ​ണ്ണി​ന്‍റെ ഘ​ട​ന, വ​ള​ക്കൂ​റ്, ജ​ലാം​ശം എ​ല്ലാം കൃ​ത്യ​മാ​യി പ​ഠ​ന​വി​ധേ​യ​മാ​ക്കി, കു​റ​വു​ള്ള​ത് മാ​ത്രം ന​ൽ​കി​യും കു​റ​ഞ്ഞ സ്ഥ​ല​ത്തു​നി​ന്ന് കൂ​ടു​ത​ൽ ഉ​ത്പാ​ദ​നം ഉ​റ​പ്പു വ​രു​ത്തു​ന്ന​താ​ണ് ഇ​സ്ര​യേ​ലി​ന്‍റെ കൃ​ഷി രീ​തി.

ഊ​ഷ​ര ഭൂ​മി​യി​ൽ തു​ട​ർ​ച്ച​യാ​യി മൂ​ന്നു വ​ർ​ഷം ബാ​ർ​ലി കൃ​ഷി​ചെ​യ്തു വി​ള​വൊ​ന്നും കി​ട്ടി​യി​ല്ലെ​ങ്കി​ലും ആ ​ചെ​ടി​ക​ളെ​ല്ലാം അ​വി​ടെ​ത്ത​ന്നെ ഉ​ഴു​തു​ചേ​ർ​ത്ത് മ​ണ്ണ് ഫ​ല​ഭൂ​യി​ഷ്ട​മാ​ക്കു​ന്ന​ത് ഉ​ദാ​ഹ​ര​ണം. ക​ടു​ത്ത ജ​ല​ക്ഷാ​മ​മു​ള്ള​തി​നാ​ൽ നെ​ൽ​കൃ​ഷി​ക്കു പോ​ലും തു​ള്ളി​ന​ന സം​വി​ധാ​നം.


മു​ള​ച്ചു​പൊ​ങ്ങു​ന്ന ക​ള​ക​ളെ പോ​ലും വ​ള​മാ​ക്കു​ന്ന വൈ​ദ​ഗ്ധ്യം. ഇ​സ്ര​യേ​ലി​ന്‍റെ കൃ​ഷി​യി​ൽ ശ്രീ​വി​ദ്യ​യ്ക്കു വി​സ്മ​യം. വീ​ടി​നു സ​മീ​പം കു​ടും​ബ​സ്വ​ത്താ​യി ല​ഭി​ച്ച നാ​ലേ​ക്ക​ർ ത​രി​ശു ഭൂ​മി​യി​ലാ​ണു ശ്രീ​വി​ദ്യ പൂ​ങ്കാ​വ​നം അ​ഗ്രി ഫാം ​സ്ഥാ​പി​ച്ച​ത്.

ചെ​ങ്ക​ല്ലും പാ​റ​യി​ടു​ക്കു​ക​ളു​മാ​യി കി​ട​ന്നി​രു​ന്ന ഭൂ​മി കൃ​ഷി​ക്ക് തീ​രെ അ​നു​യോ​ജ്യ​മ​ല്ലെ​ന്നു പ​റ​ഞ്ഞു പ​ല​രും നി​രു​ത്സാ​ഹ​പ്പെ​ടു​ത്തി​യ​താ​ണ്. അ​ടു​ത്തു​ള്ള പ​ല​രും അ​വ​രു​ടെ ഭൂ​മി ക്വാ​റി​ക​ൾ​ക്ക് വി​ട്ടു​കൊ​ടു​ക്കു​ക​യും ചെ​യ്തി​രു​ന്നു.

എ​ന്നാ​ൽ, ശ്രീ​വി​ദ്യ മാ​ത്രം കൃ​ഷി​യോ​ടു​ള്ള ആ​വേ​ശം കൊ​ണ്ട് മ​ണ്ണി​ലി​റ​ങ്ങി. അ​ച്ഛ​ൻ നാ​രാ​യ​ണ​ൻ നാ​യ​രും അ​മ്മ ദാ​ക്ഷാ​യ​ണി​യും വി​ദേ​ശ​ത്ത് ജോ​ലി​ചെ​യ്യു​ന്ന ഭ​ർ​ത്താ​വ് രാ​ധാ​കൃ​ഷ്ണ​നും എ​ല്ലാ​വി​ധ പി​ന്തു​ണ​യും ന​ൽ​കി.

പ്ല​സ്ടു വി​ദ്യാ​ർ​ഥി​നി​യാ​യ മ​ക​ൾ രേ​വ​തി കൃ​ഷ്ണ​യും നാ​ലാം ക്ലാ​സ് വി​ദ്യാ​ർ​ഥി​യാ​യ മ​ക​ൻ ശി​വ​ന​ന്ദും അ​മ്മ​യ്ക്കൊ​പ്പം കൃ​ഷി​യി​ട​ത്തി​ലി​റ​ങ്ങി. നാ​ലേ​ക്ക​ർ ഭൂ​മി ത​ട്ടു​ക​ളാ​യി തി​രി​ച്ചു മ​ഴ​വെ​ള്ളം മ​ണ്ണി​ലി​റ​ങ്ങു​ന്ന​തി​നു​ൾ​പ്പെ​ടെ​യു​ള്ള സൗ​ക​ര്യ​മൊ​രു​ക്കി.



മ​ണ്ണി​ല്ലാ​ത്ത ഇ​ട​ങ്ങ​ളി​ൽ പു​തു​താ​യി മ​ണ്ണി​റ​ക്കി. ഒ​രു ഭാ​ഗ​ത്ത് തെ​ങ്ങി​ൻ തൈ​ക​ളും വി​വി​ധ​യി​നം ഫ​ല​വൃ​ക്ഷ​ങ്ങ​ളും ന​ട്ടു​പി​ടി​പ്പി​ച്ചു. മ​റു​ഭാ​ഗ​ത്ത് ത​ണ്ണി​മ​ത്ത​നും പാ​ഷ​ൻ ഫ്രൂ​ട്ടും വി​വി​ധ​യി​നം പ​ച്ച​ക്ക​റി​ക​ളും കൃ​ഷി ചെ​യ്തു.

കു​ടും​ബ​ശ്രീ ജി​ല്ലാ മി​ഷ​ന്‍റെ ക​ണി ഫ്രൂ​ട്ട് ഗാ​ർ​ഡ​ൻ പ​ദ്ധ​തി​യി​ൽ ഉ​ൾ​പ്പെ​ടു​ത്തി ന​ട​ത്തി​യ ത​ണ്ണി​മ​ത്ത​ൻ കൃ​ഷി​യി​ൽ തു​ട​ക്ക​ത്തി​ൽ​ത​ന്നെ ഒ​രു ക്വി​ന്‍റ​ലോ​ളം വി​ള​വ് ല​ഭി​ച്ച​തു വ​ലി​യ പ്രോ​ത്സാ​ഹ​ന​മാ​യി. വീ​ടി​നോ​ടു ചേ​ർ​ന്ന് നി​ർ​മി​ച്ച മ​ഴ​മ​റ​യി​ൽ ത​ക്കാ​ളി​യും കൃ​ഷി​ചെ​യ്തു.

പി​ന്നീ​ട് കൃ​ഷി​യി​ട​ത്തി​ലെ മ​ഴ​വെ​ള്ള​സം​ഭ​ര​ണി​യി​ൽ മ​ത്സ്യ​കൃ​ഷി​യും ഫാ​മി​ൽ കോ​ഴി​യും മു​യ​ലും കാ​സ​ർ​ഗോ​ഡ് കു​ള്ള​ൻ പ​ശു​വു​മെ​ല്ലാം വ​ന്നു. കൃ​ഷി​യി​ട​ത്തി​ൽ​നി​ന്നു ത​ന്നെ ല​ഭി​ക്കു​ന്ന കാ​ലി​വ​ള​ത്തി​നും കോ​ഴി വ​ള​ത്തി​നു​മൊ​പ്പം വേ​പ്പി​ൻ പി​ണ്ണാ​ക്ക്, മ​ണ്ണി​ര ക​ന്പോ​സ്റ്റ് എ​ന്നി​വ​യും വ​ള​മാ​യി ഉ​പ​യോ​ഗി​ക്കു​ന്നു.

ക​ടു​ത്ത വേ​ന​ൽ​ച്ചൂ​ടു​ള്ള ഇ​ട​മാ​യ​തി​നാ​ൽ ഇ​ട​മു​റി​യാ​തെ ജ​ല​സേ​ച​നം ന​ട​ത്തേ​ണ്ട​തും അ​ത്യാ​വ​ശ്യ​മാ​ണ്. ഫ​ല​വൃ​ക്ഷ​ങ്ങ​ളി​ൽ ചി​ല​തി​നെ​യെ​ങ്കി​ലും ജ​ല​ക്ഷാ​മം ബാ​ധി​ക്കു​ന്നു​മു​ണ്ട്. എ​ന്നാ​ലും നി​രാ​ശ​പ്പെ​ടാ​തെ ശ്രീ​വി​ദ്യ വീ​ണ്ടും പു​തി​യ ഇ​ന​ങ്ങ​ളും പു​തി​യ സാ​ങ്കേ​തി​ക​വി​ദ്യ​ക​ളും പ​രീ​ക്ഷി​ക്കു​ന്നു.



ഇ​പ്പോ​ൾ നാ​ട​ൻ ചാ​ന്പ​യും ഞാ​വ​ലും വി​വി​ധ ത​രം പ​പ്പാ​യ​യും മു​ത​ൽ ജ​ബോ​ട്ടി​ക്കാ​ബ​യും അ​ബി​യു​വും ചെ​റി​യും സ്ട്രോ​ബെ​റി​യും ഡ്രാ​ഗ​ണ്‍ ഫ്രൂ​ട്ടും വ​രെ ഒ​രു​കാ​ല​ത്ത് വ​റ്റി​വ​ര​ണ്ട് ഉൗ​ഷ​ര​മാ​യി​രു​ന്ന ഈ ​ഭൂ​മി​യി​ൽ ന​ന്നാ​യി വി​ള​യു​ന്നു.

പൂ​ങ്കാ​വ​നം ഫാം ​ഫ്ര​ഷ് എ​ന്ന പേ​രി​ൽ നേ​രി​ട്ടും ഓ​ണ്‍​ലൈ​നാ​യും ഉ​ത്പ​ന്ന​ങ്ങ​ളു​ടെ​യും വി​ത്തു​ക​ളു​ടെ​യും വി​പ​ണ​ന​ത്തി​ന് സൗ​ക​ര്യ​മൊ​രു​ക്കി​യി​ട്ടു​ണ്ട്. സം​സ്ഥാ​ന സ​ർ​ക്കാ​രി​ന്‍റെ ഉ​ത്ത​ര​വാ​ദി​ത്വ ടൂ​റി​സം പ​ദ്ധ​തി​യി​ൽ ഉ​ൾ​പ്പെ​ടു​ത്തി ഫാം ​ടൂ​റി​സ​ത്തി​നും വി​ദ്യാ​ർ​ഥി​ക​ൾ​ക്ക് കാ​ർ​ഷി​ക​വി​ദ്യാ പ​രി​ശീ​ല​ന​ത്തി​നും വേ​ദി​യൊ​രു​ക്കി.

ഉ​ത്പ​ന്ന​ങ്ങ​ളു​ടെ വി​പ​ണ​ന​ത്തി​ന് കൃ​ഷി​വ​കു​പ്പി​ന്‍റെ​യും കു​ടും​ബ​ശ്രീ​യു​ടെ​യും സ​ഹാ​യ​വും ല​ഭി​ക്കു​ന്നു​ണ്ട്. സ്വ​കാ​ര്യ ട്രാ​വ​ൽ ഏ​ജ​ൻ​സി​യി​ൽ അ​ക്കൗ​ണ്ട​ന്‍റാ​യി ജോ​ലി​ചെ​യ്യു​ന്ന​തി​നി​ട​യി​ലാ​ണ് ശ്രീ​വി​ദ്യ മാ​തൃ​കാ​പ​ര​മാ​യ കാ​ർ​ഷി​ക പ്ര​വ​ർ​ത്ത​ന​ങ്ങ​ൾ​ക്കും സ​മ​യം ക​ണ്ടെ​ത്തി​യ​ത്. ഇ​പ്പോ​ൾ വീ​ടി​നു സ​മീ​പ​ത്തു​ത​ന്നെ സ്വ​ന്ത​മാ​യി ട്രാ​വ​ൽ ഏ​ജ​ൻ​സി ന​ട​ത്തു​ക​യാ​ണ്.

ഫോ​ണ്‍: 96564 54980, 95398 44980.