തെ​ളി​യാ​ത്ത കേ​സു​ക​ൾ​ക്ക് പി​ന്നാ​ലെ സ​ഞ്ച​രി​ച്ച് കു​റ്റ​വാ​ളി​ക​ളെ ക​ണ്ടെ​ത്തു​ന്ന വെ​ല്ലു​വി​ളി​യെ​ന്ന ദൗ​ത്യ​മാ​ണ് ഇ​രി​ട്ടി പോ​ലീ​സ് സ്ക്വാ​ഡ് ഏ​റ്റെ​ടു​ക്കു​ന്ന​ത്. ആ​ഴ്ച​ക​ളും മാ​സ​ങ്ങ​ളും നീ​ളു​ന്ന കേ​സ​ന്വേ​ഷ​ണ​ത്തി​നൊ​ടു​വി​ൽ പ്ര​തി​ക​ളെ വ​ല​യി​ലാ​ക്കും.

ഇ​രി​ട്ടി പോ​ലീ​സ് സ്റ്റേ​ഷ​ൻ പ​രി​ധി​യി​ലെ ഒ​രു​പാ​ട് തെ​ളി​യാ​ത്ത കേ​സു​ക​ൾ​ തെളിയിക്കാൻ സി​ഐ കു​ട്ടി​ക്കൃ​ഷ്ണ​ന്‍റെ നേ​തൃ​ത്വ​ത്തി​ലു​ള്ള പ​ന്ത്ര​ണ്ടം​ഗ​സം​ഘ​ത്തി​ന് സാ​ധി​ച്ചു.

അ​ന്വേ​ഷ​ണ സം​ഘ​ത്തി​ൽ പ്രി​ൻ​സി​പ്പ​ൽ എ​സ്ഐ ഷം​സു​ദീ​ൻ, എ​സ്ഐ റെ​ജി സ്ക​റി​യ, സീ​നി​യ​ർ സി​വി​ൽ പോ​ലീ​സ് ഓ​ഫീ​സർ​മാ​രാ​യ കെ. ​ഉ​മേ​ഷ്, ആ​ർ.​വി. സു​കേ​ഷ്, കെ.​ജെ. ജ​യ​ദേ​വ്, സി. ​ബി​ജു, എ.​എം. ഷി​ജോ​യ്, ശി​ഹാ​ബു​ദീ​ൻ, പ്ര​വീ​ൺ, ഇ.​വി. ബി​നീ​ഷ്, പ്ര​ബീ​ഷ് എ​ന്നി​വ​രാ​ണുള്ള​ത്.

മൊ​ബൈ​ൽ ഫോ​ൺ പോ​ലും ഉ​പ​യോ​ഗി​ക്കാ​ത്ത പ്ര​തി​ക​ളെ വ​ള​രെ സാ​ഹ​സി​ക​മാ​യി ദി​വ​സ​ങ്ങ​ൾ നീ​ണ്ട യാ​ത്ര​യി​ലൂ​ടെ​യാ​ണ് പി​ടി​കൂ​ടു​ന്ന​ത്.

അ​ന്ത​ർ സം​സ്ഥാ​ന മോ​ഷ്ടാ​ക്ക​ളെ ബംഗളൂരുവി​ൽ പി​ടി​കൂ​ടു​ന്നു

കേ​ര​ള​ത്തി​ന് വെ​ളി​യി​ൽ കു​റ്റ​വാ​ളി​ക​ളെ പി​ടി​കൂ​ടു​ക എ​ന്ന​ത് വ​ള​രെ വ​ലി​യ ശ്ര​മ​ക​ര​മാ​യ ജോ​ലി​യാ​ണ്. പ്രാ​ദേ​ശി​ക​മാ​യ പോ​ലീ​സി​ന്‍റെ സ​ഹാ​യം ല​ഭി​ക്കു​മെ​ങ്കി​ലും പ​ല​പ്പോ​ഴും കേ​സ് അ​ന്വേ​ഷ​ണ​ത്തി​ലെ മ​ത്സ​ര​ങ്ങ​ൾ സ​ഹാ​യം കു​റ​യു​ന്ന​തി​ന് കാ​ര​ണ​മാ​കും.

ഇ​രി​ട്ടി​യി​ലെ​യും പ​രി​സ​ര പ്ര​ദേ​ശ​ങ്ങ​ളി​ലെ​യും ടെ​ലി​ഫോ​ൺ എ​ക്സ്ചേ​ഞ്ചു​ക​ളി​ൽ മോ​ഷ​ണം ന​ട​ത്തി​യ അ​ന്ത​ർ​സം​സ്ഥ​ന മോ​ഷ്ടാ​വി​നെ തേ​ടി ബം​ഗ​ളൂ​രു​വി​ൽ എ​ത്തി പ്ര​തി​യെ പി​ടി​കൂ​ടു​ന്ന​ത് വ​രെ തി​ക​ച്ചും നാ​ട​കീ​യ​ത നി​റ​ഞ്ഞ​താ​യി​രു​ന്നു ഓ​പ്പ​റേ​ഷ​ൻ.

ബം​ഗ​ളൂ​രു​വി​ൽ സ്ക്രാ​പ്പ് ക​ച്ച​വ​ടം ന​ട​ത്തു​ന്ന മോ​ഷ​ണ​ത്തിന്‍റെ സൂ​ത്ര​ധാ​ര​ൻ ചാ​ന്ദ് ബാ​ഷ പ​ല കേ​ന്ദ്ര​ങ്ങ​ളു​മാ​യി ബ​ന്ധ​വും സ്വാ​ധീ​ന​വു​മു​ള്ള കു​റ്റ​വാ​ളി ആ​യി​രു​ന്നു. ഇ​യാ​ളെ തേ​ടി​യെ​ത്തി​യ പോ​ലീ​സി​ന് ത​ല​വേ​ദ​നയാ​യ​ത് പ്ര​തി​യു​ടെ പ്രാ​ദേ​ശി​ക ബ​ന്ധ​മാ​യി​രു​ന്നു.

ബിഎ​സ്എ​ൻഎ​ൽ ന​ൽ​കി​യ ലേ​ല​പ്പ​ര​സ്യം ക​ണ്ട് ഇ​രി​ട്ടി​യി​ലും സ​മീ​പ പ്ര​ദേ​ശ​ങ്ങ​ളി​ലെ​യും എ​ക്‌​ചേ​ഞ്ചു​ക​ളി​ൽ എ​ത്തി​യ പ്ര​തി സെ​ക്യൂ​രി​റ്റി ഉ​ൾ​പ്പെ​ടെ​യു​ള്ള സം​വി​ധാ​നം ഇ​ല്ലാ​യെ​ന്ന സാ​ഹ​ച​ര്യ​ങ്ങ​ൾ മ​ന​സി​ലാ​ക്കി​യ ശേ​ഷം പി​ന്നീ​ടെ​ത്തി ല​ക്ഷ​ങ്ങ​ൾ വി​ല​വ​രു​ന്ന ചി​പ്പു​ക​ൾ മോ​ഷ്ടി​ക്കു​ക​യാ​യി​രു​ന്നു.

തെ​ളി​വാ​യി ഉ​പേ​ക്ഷി​ച്ച​ത് ഫോ​ൺ ന​മ്പ​ർ

യാ​തൊ​രു തെ​ളി​വു​ക​ളും അ​വ​ശേ​ഷി​പ്പി​ക്കാ​തെ പൂ​ട്ടി​യി​ട്ട എ​ക്‌​ചേ​ഞ്ചു​ക​ളി​ൽ ന​ട​ന്ന മോ​ഷ​ണം തെ​ളി​യാ​ൻ കാ​ര​ണം ഇ​രി​ട്ടി സ്‌​ക്വാ​ഡി​ന്‍റെ അ​വ​സ​രോ​ചി​ത​മാ​യ ഇ​ട​പെ​ട​ൽ ആ​യി​രു​ന്നു.

ചാ​ന്ദ് ബാ​ഷ​യും സം​ഘ​വും ആ​ദ്യ​മെ​ത്തി​യ സ​മ​യ​ത്ത് ബിഎ​സ്എ​ൻഎ​ൽ ഓ​ഫി​സി​ൽ ന​ൽ​കി​യ ഫോ​ൺ ന​മ്പ​ർ കേ​ന്ദ്രീ​ക​രി​ച്ച അ​ന്വേ​ഷ​ണ​മാ​ണ് പ്ര​തി​യി​ലേ​ക്ക് എ​ത്തി​യ​ത്.

മോ​ഷ​ണം ന​ട​ന്നു എ​ന്ന് സം​ശ​യി​ക്കു​ന്ന ദി​വ​സ​ങ്ങ​ളി​ൽ പ്ര​തി​യു​ടെ ഫോ​ൺ ന​മ്പ​ർ വീ​ണ്ടും കേ​ര​ള​ത്തി​ൽ മോ​ഷ​ണം ന​ട​ന്ന സ്ഥ​ല​ങ്ങ​ളി​ൽ എ​ത്തി​യ​താ​യി തെ​ളി​വ് ല​ഭി​ച്ച​തോ​ടെയാണ് സി​സി​ടി​വി ദൃ​ശ്യ​ങ്ങ​ൾ കേ​ന്ദീ​ക​രി​ച്ചു​ള്ള അ​ന്വേ​ഷ​ണം ആ​രം​ഭി​ക്കു​ന്ന​ത്.

കൂ​ട്ടു​പു​ഴ​യി​ലെ കാ​മ​റ​യി​ൽ പ്ര​തി​ക​ൾ സ​ഞ്ച​രി​ച്ചി​രു​ന്ന വാ​ഹ​നം എ​ത്തു​ന്ന​തും തി​രി​ച്ചു​പോ​കു​ന്ന​തും ക​ണ്ടെ​ത്തി​യ​തോ​ടെ, പ്ര​തി ഉ​ള്ള സ്ഥ​ലം തി​രി​ച്ച​റി​ഞ്ഞ് ബം​ഗ​ളൂ​രു​വി​ൽ എ​ത്തി.

മൂ​ന്നുദി​വ​സം നീ​ണ്ട ഓ​പ്പ​റേ​ഷ​നി​ലൂടെയാണ് പ്ര​തി​യെ പി​ടി​കൂ​ടി ഇ​രി​ട്ടി​യി​ൽ എ​ത്തു​ന്ന​ത്. തു​ട​ർ​ന്നു​ള്ള ചോ​ദ്യം​ചെ​യ്യ​ലി​ൽ കൂ​ട്ടു​പ്ര​തി സെ​ബി​യു​ള്ള​യെ​യും മൈ​സു​രു​വി​ൽ വച്ച് ഇ​രി​ട്ടി സ്‌​ക്വാ​ഡ് അ​റ​സ്റ്റ് ചെ​യ്തു.

യാ​തൊ​രു തെ​ളി​വു​ക​ളും ഇ​ല്ലാ​ത്ത കേ​സു​ക​ളി​ൽ ല​ഭി​ക്കു​ന്ന ചെ​റി​യ തെ​ളി​വു​ക​ൾ പോ​ലും ക​ണ്ടെ​ത്തി അ​തി​ലൂ​ടെ അ​ന്വേ​ഷ​ണ മി​ക​വ് തെ​ളി​യി​ക്കു​ന്ന ഇ​രി​ട്ടി സ്‌​ക്വാ​ഡി​ലെ ഉ​ദ്യോ​ഗ​സ്ഥ​ർ കേ​ര​ളാ ​പോ​ലീ​സി​നും ഇ​ര​ട്ടി​ക്കും അ​ഭി​മാ​നം ആ​കു​ക​യാ​ണ്.


ഏ​റ്റ​വും അ​വ​സാ​ന​മാ​യി ഇ​രി​ട്ടി ടൗ​ണി​ൽ ന​ട​ന്ന മൂ​ന്ന് മോ​ഷ​ണ​ങ്ങ​ളി​ലെ​യും പ്ര​തി​ക​ളെ ക​ണ്ടെ​ത്തി പി​ടി​കൂ​ടി​യ​തും ഇ​രി​ട്ടി സ്‌​ക്വാ​ഡി​ന്‍റെ അ​ന്വേ​ഷ​ണ മി​ക​വി​ലെ പൊൻതൂ​വ​ലു​ക​ളാ​ണ്.

പ​ട്ടാ​പ്പക​ൽ ജ്വ​ല്ല​റി​യി​ൽനി​ന്ന് മാ​ല മോ​ഷ്ടി​ച്ച പ്ര​തി​യെ പി​ടി​കൂ​ടു​ന്നു

ഇ​രി​ട്ടി​യി​ലെ ജ്വ​ല്ല​റി​യി​ൽനി​ന്നു പ​ട്ടാ​പ്പ​ക​ൽ മാ​ല മോ​ഷ്ടി​ച്ച് ക​ട​ന്നു​ക​ള​ഞ്ഞ പ്ര​തി​ക​ളെ ത​മി​ഴ്നാ​ട്ടി​ലെ കൃ​ഷ്‍​ണ​ഗി​രി​യി​ൽനിന്നു പി​ടി​കൂ​ടി​യ​ത് അ​തിസാ​ഹ​സി​ക​മാ​യാ​യി​രു​ന്നു.

വേ​ഷം മാ​റി​യെ​ത്തി​യ ഇ​രി​ട്ടി സ്‌​ക്വാ​ഡി​ലെ ഉ​ദ്യോ​ഗ​സ്ഥ​ന്മാ​ർ ര​ണ്ടു പ്ര​തി​ക​ളി​ൽ ഒ​രാ​ളെ പി​ടി​കൂ​ടി​യെ​ങ്കി​ലും മു​ഖ്യ​പ്ര​തി ര​ക്ഷ​പ്പെ​ട്ടി​രു​ന്നു. ഫോ​ൺ പോ​ലും ഉ​പ​യോ​ഗി​ക്കാ​ത്ത പ്ര​തി​യെ ക​ണ്ടെ​ത്തു​ന്ന​ത് പ്ര​തി​യു​ടെ ഭാ​ര്യ​യു​ടെ ന​മ്പ​റി​ലേ​ക്ക് സ്ഥി​ര​മാ​യി വ​രു​ന്ന ഫോ​ൺ കോൾ കേ​ന്ദ്രീ​ക​രി​ച്ച അ​ന്വേ​ഷ​ണ​ത്തി​ലാ​യി​രു​ന്നു.

ബോം​ബെ തു​ട​ങ്ങി വി​വി​ധ സം​സ്ഥാ​ന​ങ്ങ​ളി​ൽ വ​ഴി​യോ​ര ക​ച്ച​വ​ട​ങ്ങ​ൾ ചെ​യ്തു​വ​ന്ന പ്ര​തി നാ​ട്ടി​ൽനി​ന്നു പൂ​ർ​ണമാ​യും മാ​റി നി​ൽ​ക്കു​കയാ​യി​രു​ന്നു.

പോ​ലീ​സ് അ​ന്വേ​ഷ​ണം അ​വ​സാ​നി​പ്പി​ച്ചു എ​ന്നു​ക​രു​തി ഭാ​ര്യ​യെ കാ​ണാ​നെ​ത്തി​യ പ്ര​തി​യു​ടെ ഫോ​ൺ ലൊ​ക്കേ​ഷ​ൻ തി​രി​ച്ച​റി​ഞ്ഞ പോ​ലീ​സ് സം​ഭ​വസ്ഥ​ല​ത്തെ​ത്തി ര​ണ്ടുദി​വ​സം നീ​ണ്ട ഓ​പ​റേ​ഷ​നി​ലൂ​ടെ​യാ​ണ് ര​ണ്ടുമാ​സം മു​ന്പ് പ്ര​ധാ​ന പ്ര​തി ഇ​രി​ട്ടി സ്‌​ക്വാ​ഡി​ന്‍റെ പി​ടി​യി​ലാ​കു​ന്ന​ത് .

ഓ​പ്പ​റേ​ഷ​ൻ ഓ​ൺ റോ​ഡ് സ്‌​ക്വാ​ഡ്

കൂ​ട്ടു​പു​ഴ എ​ക്‌​സൈ​സ് ചെ​ക്പോ​സ്റ്റി​ൽ വാ​ഹ​ന പ​രി​ശോ​ധ​ന സ​മ​യ​ത്ത് എ​ക്‌​സൈ​സ് ഉ​ദ്യോ​ഗ​സ്ഥ​നെ ത​ട്ടി​ക്കൊ​ണ്ടുപോ​യി വ​ഴി​യി​ൽ ഉ​പേ​ക്ഷിച്ച് ക​ട​ന്നു​ക​ള​ഞ്ഞ പ്ര​തി​യെ പി​ടി​കൂടി​യ​ത് നാ​ട​കീ​യ​മാ​യാ​യി​രു​ന്നു.

വാ​ഹ​ന പ​രി​ശോ​ധ​ന​യ്ക്കിട​യി​ൽ പ്ര​തി ന​ൽ​കി​യ ഫോ​ൺ ന​മ്പ​ർ കേ​ന്ദ്രീ​ക​രി​ച്ച് അ​ന്വേ​ഷി​ച്ച​പ്പോ​ൾ ക​ർ​ണാ​ട​ക​യി​ലെ ഒ​രു സ്ത്രീ​യു​ടെ പേ​രി​ലെ​ടു​ത്ത വ്യാ​ജ ന​മ്പ​ർ ആ​ണെ​ന്ന് പോ​ലീ​സി​ന് കണ്ടെത്തി.

വാ​ഹ​ന ന​മ്പ​ർ കേ​ന്ദ്രീ​ക​രി​ച്ചു​ള്ള അ​ന്വേ​ഷ​ണ​ത്തി​ലും മ​റ്റൊ​രാ​ളു​ടെ വാ​ഹ​നം ആ​ണെ​ന്നും അ​ന്വേ​ഷ​ണ ഉ​ദ്യോ​ഗ​സ്ഥ​ർ​ക്ക് മ​ന​സി​ലാ​യി. ആ​രും അ​ന്വേ​ഷ​ണ​ത്തോ​ട് വേ​ണ്ട​ത്ര സ​ഹ​ക​രി​ക്കാ​തെ വ​ന്ന​തോ​ടെ വീ​ണ്ടും പ്ര​തി​സ​ന്ധി.

ഒ​ടു​വി​ൽ ഫോ​ൺ ന​മ്പ​റി​ലേ​ക്ക് വ​ന്ന​തും പോ​യ​തു​മാ​യ ഫോ​ൺ ന​മ്പ​റു​ക​ൾ പ​രി​ശോ​ധി​ച്ച​പ്പോ​ൾ ക​ണ്ണൂ​ർ ജി​ല്ല​ക്കാ​ര​നാ​യ മ​യ​ക്കു​മ​രു​ന്ന് ഏ​ജ​ന്‍റുമായുള്ള കോൾ വിവരങ്ങൾ ലഭിച്ചു. ഇ​തി​നി​ട​യി​ൽ പ്ര​തി യാ​സ​ർ അ​റ​ഫാ​ത്തി​ന്‍റെ ഫോ​ൺ കോ​ഴി​ക്കോ​ട്ടും പി​ന്നെ മ​ഞ്ചേ​രി​യി​ലും ര​ണ്ടു​ത​വ​ണ ഓ​ണായി.

തു​ട​ർ​ന്ന് മ​ഞ്ചേ​രി​യി​ലെ ലോ​ഡ്ജി​ൽ വ​ച്ച് അ​റാ​ഫ​ത്തി​നെ​യും കോ​ഴി​ക്കോ​ട് ഭാ​ഗ​ത്ത് ഒ​ളി​പ്പി​ച്ച വാ​ഹ​ന​വും ക​സ്റ്റ​ഡി​യി​ൽ എ​ടു​ത്തു. പി​ന്നീ​ടു​ള്ള അ​ന്വേ​ഷ​ണ​മാ​യി​രു​ന്നു ദു​ഷ്ക​രം. പ്ര​തി വി​ല്പ​ന ന​ട​ത്തി​യ എം​ഡിഎം​എ ക​ണ്ടെ​ത്താ​നു​ള്ള ശ്ര​മം.

പ്ര​തി​യി​ൽനി​ന്നു ല​ഭി​ച്ച വി​വ​ര​ത്തി​ൽ ഏ​ജ​ന്‍റു​മാ​രാ​യ ഷെ​രീ​ഫ്, ഭാ​ര്യ സൗ​ദ എ​ന്നി​വ​രെ അ​തിസാ​ഹ​സി​ഹ​മാ​യാണ് ലോ​ഡ്ജിന്‍റെ വാ​തി​ൽ ച​വി​ട്ടിത്തു​റ​ന്ന് ബ​ല​പ്ര​യോ​ഗ​ത്തി​ലൂ​ടെ കീ​ഴ​ട​ക്കു​ന്ന​ത്. പോ​ലീ​സ് ഉ​ള്ളി​ൽ പ്ര​വേ​ശി​ക്കു​മ്പോ​ൾ പ്ര​തി മ​യ​ക്കു​മ​രു​ന്ന് ഉ​പ​യോ​ഗി​ച്ചു​കൊ​ണ്ട് ഇ​രി​ക്കു​കയാ​യി​രു​ന്നു.

ഇ​വ​രെ കൂടാ​തെ ര​ണ്ട് സ​ഹാ​യി​ക​ളെ കൂ​ടി ഇ​രി​ട്ടി സ്‌​ക്വാ​ഡി​ന്‍റെ അ​വ​സ​രോ​ചി​ത​വും ധീ​ര​വു​മാ​യ ഇ​ട​പെ​ട​ലി​ലൂ​ടെ ഓ​പ്പ​റേ​ഷ​ൻ ഓ​ൺ റോ​ഡ് സ്‌​ക്വാ​ഡ് എ​ന്ന് പേ​രി​ട്ട ഓ​പ​റേ​ഷ​നി​ലൂ​ടെ പി​ടി​കൂ​ടി നി​യ​മ​ത്തി​ന്‍റെ മു​ന്നി​ൽ എ​ത്തിച്ചു.

ഇ​രി​ട്ടി സ്‌​ക്വാ​ഡി​ലെ അം​ഗ​ങ്ങ​ളി​ൽ പ​ല​രും ഇ​രി​ട്ടി ഡി​വൈഎ​സ്പി ​ധ​ന​ജ​യ ബാ​ബു​വി​ന്‍റെ സ്റ്റേ​ഷ​ൻ പ​രി​ധി​യി​ലെ വി​വി​ധ സ്റ്റേ​ഷ​നു​ക​ളി​ലും ഡി​വൈഎ​സ്പി​യു​ടെ സ്പി​ക്ക​ൽ സ്‌​ക്വാ​ഡി​ലു​മാ​ണ് ജോ​ലി ചെ​യ്യു​ന്ന​ത്.