ക​​ട്ട​​പ്പ​​ന: ഹൈ​​റേ​​ഞ്ചു കു​​ടി​​യേ​​റ്റ​​ത്തി​​ന്‍റെ നാ​​ൾ​​മു​​ത​​ൽ ക​​ർ​​ഷ​​ക​​ർ നെ​​ഞ്ചോ​​ടു ചേ​​ർ​​ത്തു​​വ​​ച്ച കേ​​ര​​ള കോ​​ണ്‍​ഗ്ര​​സി​​ന്‍റെ ഒ​​രു കാ​​ല​​ഘ​​ട്ടം​​കൂ​​ടി ച​​രി​​ത്ര​​മാ​​കു​​ന്പോ​​ൾ കു​​ടി​​യേ​​റ്റ ക​​ർ​​ഷ​​ക​​ർ​​ക്ക് ഒ​​ർ​​മ​​യി​​ൽ ക​​രു​​താ​​ൻ ഒ​​ന്നു​​കൂ​​ടി​​യു​​ണ്ട്. രാ​ഷ്‌​ട്രീ​​യ വ​​ടം​​വ​​ലി​​യി​​ലും വി​​ല​​പേ​​ശ​​ലി​​ലും നി​​ല​​ച്ചു​​പോ​​യ ക​​ർ​​ഷ​​ക​​രു​​ടെ കൈ​​വ​​ശ ഭൂ​​മി​​ക്കു​​ള്ള പ​​ട്ട​​യ​​ത്തി​​നു ര​​ണ്ടാം​​വ​​ര​​വ് സാ​​ധി​​ച്ചെ​​ടു​​ത്ത​​ത് കെ.​​എം. മാ​​ണി​​യു​​ടെ ത​​ന്ത്ര​​മാ​​ണ്.

1956 മു​​ത​​ൽ ഹൈ​​റേ​​ഞ്ചു ക​​ർ​​ഷ​​ക​​രു​​ടെ ഭൂ​​മി​​ക്കു ന​​ൽ​​കി​​യി​​രു​​ന്ന പ​​ട്ട​​യ വി​​ത​​ര​​ണം 1975ൽ ​​നി​​ല​​ച്ചു​​പോ​​യ​​പ്പോ​​ൾ മ​​റു​​ത​​ന്ത്രം മെ​​ന​​ഞ്ഞാ​​ണ് ര​​ണ്ടാ​​മ​​തു പ​​ട്ട​​യ​​വി​​ത​​ര​​ണം ആ​​രം​​ഭി​​ച്ച​​ത്. 1 - 1-77 ന് ​​മു​​ന്പു​​ള്ള ക​​ർ​​ഷ​​ക​​രു​​ടെ കൈ​​വ​​ശ​​ഭൂ​​മി​​ക്കു പ​​ട്ട​​യം ന​​ൽ​​കാ​​ൻ സം​​സ്ഥാ​​ന കാ​​ബി​​ന​​റ്റ് അം​​ഗീ​​കാ​​രം ന​​ൽ​​കി​​യെ​​ങ്കി​​ലും ന​​ട​​പ​​ടി​​ക്ര​​മ​​ങ്ങ​​ൾ നീ​​ണ്ടു​​പോ​​യി. ഒ​​ടു​​വി​​ൽ കെ. ​​ക​​രു​​ണാ​​ക​​ര​​ൻ മു​​ഖ്യ​​മ​​ന്ത്രി​​യും കെ.​​എം. മാ​​ണി റ​​വ​​ന്യു മ​​ന്ത്രി​​യു​​മാ​​യി​​രു​​ന്ന മ​​ന്ത്രി സ​​ഭ 1993ൽ ​​പ​​ട്ട​​യം ന​​ൽ​​കാ​​ൻ ഉ​​ത്ത​​ര​​വി​​റ​​ക്കി​​യാ​​ണ് യാ​​ഥാ​​ർ​​ഥ്യ​​മാ​​ക്കി​​യ​​ത്.

കേ​​ന്ദ്ര വ​​നം പ​​രി​​സ്ഥി​​തി മ​​ന്ത്രി​​യാ​​യി​​രു​​ന്ന ക​​മ​​ൽ​​നാ​​ഥ് നെ​​ടു​​ങ്ക​​ണ്ടത്തെത്തി​​യാ​​ണ് പ​​ട്ട​​യ പ്ര​​ഖ്യാ​​പ​​നം ന​​ട​​ത്തി​​യ​​ത്. പ​​ക്ഷേ, ആ ​​പ്ര​​ഖ്യാ​​പ​​ന​​ത്തി​​നു മ​​ണി​​ക്കൂ​​റു​​ക​​ളു​​ടെ ആ​​യു​​സേ ഉ​​ണ്ടാ​​യി​​രു​​ന്നു​​ള്ളു. ക​​മ​​ൽ​​നാ​​ഥ് ഡ​​ൽ​​ഹി​​യി​​ൽ തി​​രി​​ച്ചെ​​ത്തി​​യ​​പ്പോ​​ൾ പ​​ട്ട​​യ ന​​ട​​പ​​ടി​ മ​​ര​​വി​​പ്പി​​ച്ചു. ഇ​​തി​​നെ​​തി​​രേ റ​​വ​​ന്യു മ​​ന്ത്രി​​യാ​​യി​​രു​​ന്ന കെ.​​എം. മാ​​ണി ന​​ട​​ത്തി​​യ കൗ​​ശ​​ല ത​​ന്ത്ര​​മാ​​ണ് 1993ലെ ​​സ്പെ​​ഷ​​ൽ റൂ​​ൾ എ​​ന്ന​​റി​​യ​​പ്പെ​​ടു​​ന്ന വ​​ന​​ഭൂ​​മി കൈ​​യേ​​റ്റം ക്ര​​മീ​​ക​​രി​​ക്ക​​ൽ നി​​യ​​മ​​വും 1993 പ​​ട്ട​​യ​​വും.

സി​​എ​​ച്ച്ആ​​ർ വ​​ന​​ഭൂ​​മി​​യാ​​ണെ​​ന്ന വാ​​ദം ഉ​​ന്ന​​യി​​ച്ചാ​​ണ് പ​​ട്ട​​യ ന​​ട​​പ​​ടി മ​​ര​​വി​​പ്പി​​ച്ച​​ത്. അ​​തി​​നെ മ​​റി​​ക​​ട​​ക്കാ​​ൻ സി​​എ​​ച്ച്ആ​​ർ വ​​ന​​ഭൂ​​മി​​യാ​​ണെ​​ന്ന് അം​​ഗീ​​ക​​രി​​ച്ചു കൈ​​യേ​​റ്റം ക്ര​​മീ​​ക​​രി​​ച്ചു​​ന​​ൽ​​കാ​​ൻ ന​​ൽ​​കി​​യ അ​​പേ​​ക്ഷ​​യി​​ലാ​​ണ് കേ​ര​​ള​​ത്തി​​ലെ 28,588 ഹെ​​ക്ട​​ർ സ്ഥ​​ലം പ​​തി​​ച്ചു​​ന​​ൽ​​കാ​​ൻ കേ​​ന്ദ്ര​​മ​​ന്ത്രാ​​ല​​യം അ​​നു​​മ​​തി ന​​ൽ​​കി​​യ​​ത്. അ​​ന്ന് അ​​തേ മാ​​ർ​​ഗ​​മു​​ണ്ടാ​​യി​​രു​​ന്നു​​ള്ളൂ എന്ന് 2010ൽ ​​നെ​​ടു​​ങ്ക​​ണ്ട​​ത്തെ​​ത്തി​​യ കെ.​​എം. മാ​​ണി ലേ​​ഖ​​ക​​നോ​​ടു പ​​റ​​ഞ്ഞി​രു​ന്നു. സി​​എ​​ച്ച്ആ​​ർ വ​​ന​​മാ​​ണെ​​ന്നു സ​​മ്മ​​തി​​ച്ച​​തു തെ​​റ്റാ​​യി​​രു​​ന്നി​​ല്ലേ എ​​ന്ന ചോ​​ദ്യ​​ത്തി​​നു അ​​ദ്ദേ​​ഹം ന​​ൽ​​കി​​യ മ​​റു​​പ​​ടി​​യാ​​യി​​രു​​ന്നു.


വ​​ന​​ഭൂ​​മി​​ക്കു പ​​ട്ട​​യം ന​​ൽ​​കു​​ന്ന​​തി​​നെ​​തി​​രേ എ​​റ​​ണാ​​കു​​ളം ആ​​സ്ഥാ​​ന​​മാ​​യ ഒ​​രു സം​​ഘ​​ട​​ന കോ​​ട​​തി​​യെ സ​​മീ​​പി​​ച്ചെ​​ങ്കി​​ലും അ​ന്നു കേ​​ര​​ള കോ​​ണ്‍​ഗ്ര​​സി​​ന്‍റെ ട്ര​​ഷ​​റ​​റാ​​യി​​രു​​ന്ന മു​​ൻ എം​​എ​​ൽ​​എ തോ​​മ​​സ് ജോ​​സ​​ഫി​​ന്‍റെ നേ​​തൃ​​ത്വ​​ത്തി​​ൽ അ​​ഭി​​ഭാ​​ഷ​​ക​​നാ​​യ ജോ​​ണ്‍​സ​​ണ്‍ മ​​ന​​യാ​​നി​​യെ​​കൊ​​ണ്ട് കേ​​സു ന​​ട​​ത്തി​​ച്ചു ക​​ർ​​ഷ​​ക​​ർ​​ക്ക് അ​​നു​​കൂ​​ല​​വി​​ധി നേ​​ടി​​യെ​​ങ്കി​​ലും സം​​ഘ​​ട​​ന സു​​പ്രീം കോ​​ട​​തി​​യി​​ൽ അ​​പ്പീ​​ൽ​​ന​​ൽ​​കി പ​​ട്ട​​യ​​ന​​ട​​പ​​ടി​ വീ​​ണ്ടും ത​​ട​​ഞ്ഞു.

പി​​ന്നീ​​ട് 2009-ലാ​​ണ് 1993-ലെ ​​സ്പെ​​ഷ​​ൽ റൂ​​ൾ അ​​നു​​സ​​രി​​ച്ചു ക​​ർ​​ഷ​​ക​​ർ​​ക്കു പ​​ട്ട​​യം ന​​ൽ​​കാ​​ൻ തു​​ട​​ങ്ങി​​യ​​ത്. അ​ന്നു കെ.​​എം. മാ​​ണി സ്പെ​​ഷ​​ൽ റൂ​​ൾ ഉ​​ണ്ടാ​​ക്കി പ​​ട്ട​​യം ന​​ൽ​​കാ​​ൻ അ​​നു​​മ​​തി നേ​​ടി​​യി​​ല്ലാ​​യി​​രു​​ന്നെ​​ങ്കി​​ൽ ഹൈ​​റേ​​ഞ്ചി​​ന്‍റെ സ്ഥി​​തി മ​​റ്റൊ​​ന്നാ​​കു​​മാ​​യി​​രു​​ന്നു.

കെ.​​എ​​സ്. ഫ്രാ​​ൻ​​സി​​സ്


അ​​വ​​സാ​​ന ഒ​​പ്പ്

യു​​ഡി​​എ​​ഫ് സ്ഥാ​​നാ​​ർ​​ഥി തോ​​മ​​സ് ചാ​​ഴി​​കാ​​ട​​ന് പാ​​ർ​​ട്ടി ചി​​ഹ്ന​​മാ​​യ ര​​ണ്ടി​​ല അ​​നു​​വ​​ദി​​ക്കാ​​ൻ വ​​ര​​ണാ​​ധി​​കാ​​രി​​ക്ക് ക​​ത്ത് ന​​ൽ​​കാ​​ൻ ജ​​ന​​റ​​ൽ സെ​​ക്ര​​ട്ട​​റി ജോ​​യി ഏ​​ബ്ര​​ഹാ​​മി​​നെ ചു​​മ​​ത​​ല​​പ്പെ​​ടു​​ത്തുന്ന രേ​​ഖ​​യി​​ൽ ഒ​​പ്പു​​വ​​ച്ച​​താ​​ണ് അ​​വ​​സാ​​ന​​ത്തെ ഒൗ​​ദ്യോ​​ഗി​​ക ക​​ർ​​മം. മാ​​ർ​​ച്ച് അ​​വ​​സാ​​നം ലേ​​ക്‌ഷോ​​ർ ആ​​ശു​​പ​​ത്രി​​യി​​ൽ ചി​​കി​​ത്സ​​യി​​ലാ​​യി​​രി​​ക്കെ​​യാ​​ണ് അ​​വ​​സാ​​ന​​മാ​​യി ഒ​​പ്പു​​വ​​ച്ച​​ത്.