മാന്ത്രികകഥകളിലെന്നപോലെ, രാത്രിയെ പകലാക്കാൻ കഴിയുമോ? വൈദ്യുതി പോലെ സൂര്യപ്രകാശം സംഭരിച്ചുവയ്ക്കാനും രാത്രിയിൽ ആവശ്യക്കാർക്കു വിൽക്കാനും സാധിക്കുമോ? എന്നാൽ, അതൊന്നും അസാധ്യമായ കാര്യമല്ല, ചുരുങ്ങിയ കാലങ്ങൾക്കുള്ളിൽ നമുക്കതിനു കഴിയും! രാത്രിയിൽ സൂര്യപ്രകാശം വിലയ്ക്കുവാങ്ങാൻ കഴിയുന്ന കാലം വിദൂരത്തല്ലെന്നു ശാസ്ത്രജ്ഞർ പറയുന്നു. പത്തുവർഷത്തിനുള്ളിൽ സംഭവിക്കാവുന്ന കാര്യമാണിത്. ഓൺലൈനായി സാധനങ്ങൾ ഓർഡർ ചെയ്തു വരുത്തുന്നതുപോലെ, ആപ്പ് ഉപയോഗിച്ചു നമുക്കു സൂര്യപ്രകാശം വിലയ്ക്കുവാങ്ങാം! നമ്മൾ പറയുന്നിടത്തു പ്രകാശമെത്തും!

അമേരിക്ക ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന ബ​ഹി​രാ​കാ​ശ സ്റ്റാ​ർ​ട്ട​പ്പ് കമ്പ​നി​യാ​യ 'റി​ഫ്‌ള​ക്‌ട് ഓ​ർ​ബി​റ്റ​ൽ' ആണു പദ്ധതിയുടെ പിന്നിൽ. അതേസമയം, 'സ്കൈ​റൂ​ട്ട് എ​യ​റോ​സ്പേ​സ്' എന്ന ഇന്ത്യൻ കമ്പനിയും പദ്ധതിയുമായി സഹകരിക്കുന്നുണ്ട്. ര​ണ്ട് റോ​ക്ക​റ്റ് വി​ക്ഷേ​പ​ണ​ങ്ങ​ൾ​ക്കാ​യാ​ണ് ഇ​ന്ത്യ​ൻ കമ്പ​നി​യു​മാ​യി ധാരണയിലെത്തിയിരിക്കുന്നത്.

വലിയ കണ്ണാടികൾ
വൈ​ദ്യു​തി പോ​ലെ സൂ​ര്യ​പ്ര​കാ​ശ​വും വി​ൽ​ക്കാ​ൻ ക​ഴി​യു​മെ​ന്ന ആ​ശ​യം ശാ​സ്ത്ര​ക​ഥ​ക​ളിലെ അദ്ഭുതവിദ്യയാണെങ്കിലും, രാത്രിയിൽ സൗ​രോ​ർ​ജ ഉ​ൽപാ​ദ​നം സാ​ധ്യ​മാ​ക്കാ​നും, ദു​ര​ന്ത​ബാ​ധി​ത പ്ര​ദേ​ശ​ങ്ങ​ളി​ൽ വെ​ളി​ച്ച​മെ​ത്തി​ക്കാ​നും ര​ക്ഷാ​പ്ര​വ​ർ​ത്ത​ന​ങ്ങ​ൾ​ക്കു തു​ണ​യാ​കാ​നും ഇ​തി​ലൂ​ടെ സാ​ധി​ക്കു​മെ​ന്നാണു ക​മ്പ​നിയുടെ അ​വ​കാ​ശവാദം.

ലോ എർത്ത് ഓർബിറ്റിൽ, 18x18 മീ​റ്റ​ർ വ​ലി​പ്പ​മു​ള്ള വ​ലി​യ ക​ണ്ണാ​ടി​ക​ൾ അ​ട​ങ്ങി​യ ഉ​പ​ഗ്ര​ഹ​ങ്ങ​ൾ വിക്ഷേപിക്കും. സൂ​ര്യ​ൻ അ​സ്ത​മി​ച്ചശേ​ഷം ആ​വ​ശ്യാ​നു​സ​ര​ണം നി​യ​ന്ത്രി​ത പ്ര​ദേ​ശ​ങ്ങ​ളി​ലേ​ക്കു സൂ​ര്യ​പ്ര​കാ​ശം തി​രി​ച്ചു​വി​ടാ​ൻ ​ക​ണ്ണാ​ടി​യിലൂടെ സാധിക്കും. തുടക്കത്തിൽ അഞ്ചു കിലോമീറ്റർ ചുറ്റളവിലാണു പ്രകാശമെത്തിക്കുക. ഉപഭോക്താക്കളുടെ ആവശ്യമനുസരിച്ച്, കണ്ണാടിയുടെ സ്ഥാനങ്ങളിൽ മാറ്റം വരുത്തി വെളിച്ചമെത്തിക്കാൻ കഴിയും. മൊ​ബൈ​ൽ ആ​പ്പ് വ​ഴി ഉ​പ​ഭോ​ക്താ​ക്ക​ൾ​ക്കു പ്രകാശം ആ​വ​ശ്യ​മാ​യ പ്ര​ദേ​ശവും സമയക്രമവും യഥേഷ്ടം തെര​ഞ്ഞെ​ടു​ക്കാം.

'ഇ​യ​റെ​ൻ​ഡി​ൽ-1'
സാ​ങ്കേ​തി​ക​വി​ദ്യയുടെ പരീക്ഷണത്തിനും ഭാവി പദ്ധതികൾ തയാറാക്കാനും ലക്ഷ്യമിട്ട്, 'ഇ​യ​റെ​ൻ​ഡി​ൽ-1' എ​ന്ന ഡ​മോ​ൺ​സ്ട്രേ​ഷ​ൻ ഉ​പ​ഗ്ര​ഹം മാസങ്ങൾക്കുള്ളിൽ വിക്ഷേപിക്കാൻ തയാറെടുക്കുകയാണു കമ്പനി. അവസാനവട്ട ക്രമീകരണങ്ങൾ പുരോഗമിക്കുകയാണ്. 2035-ഓ​ടെ 50,000 ഉ​പ​ഗ്ര​ഹ​ങ്ങ​ൾ ഭ്ര​മ​ണ​പ​ഥ​ത്തി​ലെ​ത്തി​ക്കാനാണു കമ്പനി ലക്ഷ്യമിടുന്നത്. തു​ട​ക്ക​ത്തി​ൽ ചാ​ന്ദ്ര​പ്ര​കാ​ശ​ത്തി​നു സ​മാ​ന​മാണെങ്കിലും ഉ​പ​ഗ്ര​ഹ​ങ്ങ​ളു​ടെ എ​ണ്ണം വർധിപ്പിക്കുന്നതനുസരിച്ചു പ്രകാശത്തിന്‍റെ തീ​വ്ര​ത​യും സ​മ​യ​വും വ​ർധി​ക്കും.

വ​ലി​യ സാ​ധ്യ​ത​ക​ളാണു പദ്ധതിയിലൂട ലക്ഷ്യമിടുന്നത്. അതേസമയം, അ​ന്ത​രീ​ക്ഷ​ത്തി​ലെ പ്ര​കാ​ശവി​സ​ര​ണം പ്ര​ധാ​ന വെ​ല്ലു​വി​ളി​യാ​ണെ​ന്നു ശാ​സ്ത്ര​ലോ​കം. ഉ​പ​ഗ്ര​ഹ​ങ്ങ​ളി​ൽനിന്നു പ്ര​തി​ഫ​ലി​ക്കു​ന്ന പ്ര​കാ​ശം ഭൂ​മി​യു​ടെ അ​ന്ത​രീ​ക്ഷ​ത്തി​ലെ ത​ന്മാ​ത്ര​ക​ളി​ലും എ​യ്​റോ​സോ​ളു​ക​ളി​ലും ത​ട്ടി ചു​റ്റു​മു​ള്ള പ്രദേശത്തേക്കു പ​ട​രും. ഇ​തു ലക്ഷ്യമിട്ട മേഖലയേക്കാൾ, പ്രകാശമെത്താൻ കാരണമാകുമെന്നു ശാസ്ത്രജ്ഞർ മുന്നറിയിപ്പു നൽകുന്നു.

അതേസമയം, ക​ണ്ണാ​ടി​ക​ൾ വെറും പതിനാല് കി​ലോ​മീ​റ്റ​ർ അ​ക​ലെ സ്ഥാ​പി​ച്ചാ​ൽപോ​ലും ഭൂ​മി​യി​ലു​ണ്ടാ​കു​ന്ന വെ​ളി​ച്ചം പൂ​ർ​ണ​ച​ന്ദ്ര​നേ​ക്കാ​ൾ പ്രകാശമുള്ളതാകും. ഇതു വെ​ളി​ച്ചം ആ​വ​ശ്യ​മി​ല്ലാ​ത്തവരെ പ്രതിസന്ധിയിലാക്കും. എന്നാൽ, കംപ്യൂട്ട​ർ മോ​ഡ​ലു​ക​ളെ അ​ടി​സ്ഥാ​ന​മാ​ക്കി​യു​ള്ള വിവരണങ്ങളാണെന്നും യ​ഥാ​ർഥ പ​രീ​ക്ഷ​ണത്തിലാണു കൃത്യത വരുത്താൻ കഴിയുകയുള്ളുവെന്നും കമ്പനി അവകാശപ്പെടുന്നു.

ആശങ്കയെന്ന് പ​രി​സ്ഥി​തി പ്ര​വ​ർ​ത്ത​കർ
രാ​ത്രി​യി​ൽ സൃഷ്ടിക്കപ്പെടുന്ന കൃ​ത്രി​മ പ്രകാശം പ്ര​തി​കൂ​ല​മാ​യി ഭവിക്കുമെന്ന് ജ്യോ​തി​ശാ​സ്ത്ര​ജ്ഞ​രും പ​രി​സ്ഥി​തിപ്രവർത്തകരും വാദിക്കുന്നു. പദ്ധതിക്ക് യു​എ​സ് നൽകിയ അ​നു​മ​തി റ​ദ്ദാ​ക്ക​ണ​മെ​ന്ന ആ​വ​ശ്യമുന്നയിച്ചു വി​വി​ധ സം​ഘ​ട​ന​ക​ൾ നിയമപോരാട്ടം ആരംഭിച്ചിട്ടുണ്ട്.

Tags : SunLight International Earendil1 SkyrootAerospace ReflectOrbital SpaceScience ScienceNews