തിരുവനന്തപുരം: കേരളത്തിന്‍റെ ഭാവി വികസനത്തിനും സമ്പദ്‌വ്യവസ്ഥയുടെ പുരോഗതിക്കുമായി വൻകിട നിക്ഷേപങ്ങൾ അനിവാര്യമാണെന്ന് മുഖ്യമന്ത്രി വി.ഡി. സതീശൻ. കേരള മോഡൽ വികസനത്തിന് നിലവിൽ ചില തടസങ്ങൾ നേരിടുന്നുണ്ടെന്നും കാലാനുസൃതമായ മാറ്റങ്ങളിലൂടെ സംസ്ഥാനത്തെ കൂടുതൽ മുന്നോട്ട് നയിക്കേണ്ടതുണ്ടെന്നും അദ്ദേഹം പറഞ്ഞു.

കേരളത്തെ എല്ലാ മേഖലകളിലും ഒന്നാം സ്ഥാനത്ത് എത്തിക്കുകയാണ് സർക്കാരിന്‍റെ ലക്ഷ്യം. എന്നാൽ നമ്മുടെ ഉയർന്ന ജനസാന്ദ്രതയും ഭൂമിയുടെ ലഭ്യതക്കുറവും വികസനത്തിന് വലിയ വെല്ലുവിളിയാണ് സൃഷ്ടിക്കുന്നത്.

ഈ പരിമിതികൾക്കുള്ളിൽ നിന്നുകൊണ്ട് തന്നെ പുതിയ സാധ്യതകൾ കണ്ടെത്തേണ്ടതുണ്ട്. നിലവിൽ നിരവധി വ്യവസായികളും നിക്ഷേപകരും കേരളത്തിൽ നിക്ഷേപം നടത്താൻ സർക്കാരിനെ സമീപിക്കുന്നുണ്ടെന്ന് മുഖ്യമന്ത്രി കൂട്ടിച്ചേർത്തു.

Tags : VDSatheesan ChiefMinister Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash