ഹാ​മി​ൽ​ട്ട​ൺ: ന്യൂസിലൻഡിനെതിരായ ട്വന്‍റി-20 പ​ര​മ്പ​ര​യി​ലെ അവസാന മത്സരത്തിലും ഇന്ത്യയ്ക്ക് തോൽവി. പരമ്പരയിലെ അഞ്ചാമത്തെയും അവസാനത്തെയും മത്സരത്തിൽ ഏഴു വിക്കറ്റിനായിരുന്നു കിവീസിന്‍റെ ജയം.

ഇന്ത്യ ഉയർത്തിയ 192 റൺസ് വിജയലക്ഷ്യം 18 ഓവറിൽ മൂന്ന് വിക്കറ്റ് നഷ്ടത്തിൽ 195 റൺസ് നേടി ന്യൂസിലൻഡ് മറികടക്കുകയായിരുന്നു. ഇന്ത്യ നേരത്തേ തന്നെ പരമ്പര സ്വന്തമാക്കിയെങ്കിലും (3-2) അവസാന രണ്ടു മത്സരങ്ങൾ ജയിച്ച് ആത്മവിശ്വാസം വീണ്ടെടുക്കാൻ കിവീസിനായി.

കിവി നിരയിൽ തകർപ്പൻ ബാറ്റിംഗ് കാഴ്ചവച്ച ടിം സീഫർട്ട് 93 റൺസും ഗ്ലെൻ ഫിലിപ്സ് പുറത്താകാതെ 65 റൺസും നേടി വിജയത്തിൽ നിർണായക പങ്കുവഹിച്ചു. ഫിൻ അലൻ (2) നിരാശപ്പെടുത്തിയപ്പോൾ ഡാരൽ മിഡിൽ 29 റൺസും നേടി.

ഇന്ത്യയ്ക്കായി നീതിഷ് റെഡി, അർഷ്ദീപ് സിംഗ്, വരുൺ ചക്രവർത്തി എന്നിവർ ഓരോ വിക്കറ്റ് വീതം വീഴ്ത്തി. ടോസ് നഷ്ടപ്പെട്ട് ആ​ദ്യം ബാ​റ്റ് ചെ​യ്ത ഇ​ന്ത്യ 20 ഓ​വ​റി​ൽ എ​ട്ട് വി​ക്ക​റ്റ് ന​ഷ്ട​ത്തി​ലാണ് 191 റൺസ് നേടിയത്.

ഇന്ത്യയ്ക്കായി ഇ​ഷാ​ൻ കി​ഷ​നും ശ്രേ​യ​സ് അ​യ്യ​രും അ​ർ​ധ സെ​ഞ്ചു​റി​കൾ നേടി. ഇ​ഷാ​ൻ കി​ഷാ​ൻ‌ 61 റ​ൺ​സും ശ്രേ​യ​സ് അ​യ്യ​ർ 50 റ​ൺ​സു​മെ​ടു​ത്തു. ന​മാ​ൻ ധി​ർ 33 റ​ൺ​സെ​ടു​ത്തു.

ന്യൂ​സി​ല​ൻ​ഡി​ന് വേ​ണ്ടി ആ​ദം മി​ൽ​നെ നാ​ല് വി​ക്ക​റ്റെ​ടു​ത്തു. ന​താ​ൻ സ്മി​ത്തും ബ്ലെ​യ​ർ ടി​ക്ന​റും ര​ണ്ട് വി​ക്ക​റ്റ് വീ​ത​മെ​ടു​ത്തു.

Tags : Cricket India New Zealand Wicket Victory Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash