പേരാമ്പ്ര: എല്ലാ ഭരണഘടനാ സ്ഥാപനങ്ങളെയും സ്വാധീനിച്ച് രാജ്യത്തെ അട്ടിമറിക്കാന്‍ ശ്രമിക്കുന്ന ബിജെപിക്ക് തിരിച്ചടി നല്‍കാനുള്ള അവസാനത്തെ അവസരമാണ് ഈ തെരഞ്ഞെടുപ്പെന്ന് മുന്‍ മന്ത്രിയും കോണ്‍ഗ്രസ് നേതാവുമായ കെ.സി. ജോസഫ് പറഞ്ഞു.
ചെറിയകുമ്പളത്ത് യുഡിഎഫ് വടകര പാർലമെന്‍റ് മണ്ഡലം സ്ഥാനാര്‍ഥി ഷാഫി പറമ്പിലിന്‍റെ പേരാമ്പ്ര നിയോജക മണ്ഡലംതല പര്യടന പരിപാടി ഉദ്ഘാടനം ചെയ്യുകയായിരുന്നു അദ്ദേഹം. ഭരണഘടന അട്ടിമറിക്കാനാണ് കേന്ദ്ര സര്‍ക്കാരിന്‍റെ ശ്രമം.
അതിനായി വര്‍ഗീയത ആളിക്കത്തിക്കുന്നു. മതേതര സംഘടനകളെ അടിച്ചമര്‍ത്താന്‍ ശ്രമിക്കുന്നു. രാജ്യം നിലനില്‍ക്കണമെങ്കിലും ബിജെപി പരാജയപ്പെടണം. അതിനുള്ള ലാസ്റ്റ് ബസാണ് ഈ തെരഞ്ഞെടുപ്പ്. ഈ ബസും വിട്ടുപോയാല്‍ രാജ്യത്തിന്‍റെ വീണ്ടെടുപ്പ് പ്രയാസമായിരിക്കുമെന്നും അദ്ദേഹം പറഞ്ഞു.
പരാജയപ്പെട്ട രണ്ടു സര്‍ക്കാരുകളാണ് നമ്മളെ നയിക്കുന്നത്. ഒന്ന് കേന്ദ്രത്തിലും മറ്റൊന്ന് കേരളത്തിലും. അതീവ ഗുരുതരമാണ് സംസ്ഥാനത്തെ സാമ്പത്തിക സ്ഥിതി. സാമൂഹ്യ പെന്‍ഷന്‍ കുടിശികയായിട്ട് എട്ടു മാസത്തോടടുക്കുന്നു. എന്നാല്‍ സര്‍ക്കാരിന്‍റെ ആര്‍ഭാടത്തിന് ഒരു കുറവുമില്ല. അതിനുള്ള മറുപടി ഈ തെരഞ്ഞെടുപ്പില്‍ നല്‍കണമെന്നും കെ.സി. ജോസഫ് പറഞ്ഞു.
ചങ്ങരോത്ത് പഞ്ചായത്ത് യുഡിഎഫ് ചെയർമാൻ ആനേരി നസീർ അധ്യക്ഷനായി. കെ. ബാലനാരായണൻ, അഹമ്മദ് പുന്നക്കൽ, സത്യൻ കടിയങ്ങാട്, കെ.എ. ജോസ് കുട്ടി, ആർ.കെ. മുനീർ, ഇ. അശോകൻ, എസ്.പി. കുഞ്ഞമ്മദ്, സി.പി.എ. അസീസ്,
രാജൻ മരുതേരി, രാജീവ് തോമസ്, രാജൻ വർക്കി, കെ. മധുകൃഷ്ണൻ, മുനീർ എരവത്ത്, പി.കെ. രാഗേഷ്, ടി.കെ.എ. ലത്തീഫ്, ജിതേഷ് മുതുകാട്, ഉബൈദ് വാഴയിൽ, വി.പി. ഇബ്രാഹിം, സി.എച്ച്. ഇബ്രാഹിംകുട്ടി, മനോജ് എടാണി,
കെ.എം. സുരേഷ് ബാബു, ടി.പി. ചന്ദ്രൻ, ഇ.വി. രാമചന്ദ്രൻ, കെ.കെ. വിനോദൻ, കല്ലൂർ മുഹമ്മദലി, എം.കെ.സി. കുട്ട്യാലി, പാളയാട്ട് ബഷീർ, വി.ടി. സൂരജ്, എസ്. സുനന്ദ്, പി.സി. മുഹമ്മദ് സിറാജ്, അർജുൻ കറ്റയാട്ട്, സായൂജ് അമ്പലക്കണ്ടി, ശിഹാബ് കന്നാട്ടി, എൻ.പി. വിജയൻ, പുതുക്കുടി അബ്ദുറഹ്മാൻ, സത്യൻ കല്ലൂർ, ഇ.പി. മുഹമ്മദ് എന്നിവർ സംബന്ധിച്ചു.