ചക്കിട്ടപാറ: തൊഴിലുറപ്പ് പ്രവൃത്തി ചെയ്യുന്നവർക്ക് താൻ എതിരാണെന്ന് വരുത്തി തീർക്കാൻ സിപിഎം വ്യാപകമായി നടത്തുന്ന പ്രചാരണം വിലപോകില്ലെന്ന് യുഡിഎഫ് വടകര പാർലമെന്‍റ് മണ്ഡലം സ്ഥാനാർഥി ഷാഫി പറമ്പിൽ.
പേരാമ്പ്ര നിയോജക മണ്ഡലംതല പര്യടന പരിപാടിയുടെ ഭാഗമായി ചക്കിട്ടപാറ ടൗണിലെ സ്വീകരണ യോഗത്തിൽ പ്രസംഗിക്കുകയായിരുന്നു അദ്ദേഹം. വനിതകൾ അടക്കം ഈ മേഖലയിൽ ജോലി ചെയ്യുന്നവരോട് ആദരവാണ് തനിക്കുള്ളത്.
ഇവരെ കബളിപ്പിച്ച് തെറ്റിധാരണ പരത്തി തനിക്കെതിരേ പ്രകടനം നടത്താൻ ആഹ്വാനം ചെയ്യുന്നവർ പാവപ്പെട്ടവരുടെ പെൻഷൻ നൽകാൻ തയാറാകണം. അവരെ കണ്ണുനീർ കുടിപ്പിക്കരുത്. ജനകീയ വിഷയങ്ങളിൽ കർഷകരും തൊഴിലാളികളും തുടങ്ങി എല്ലാവരുമായി ചേർന്നു പോകുന്ന രീതിയാണ് തനിക്കുള്ളത്. ഏത് പ്രശ്ന പരിഹാരത്തിനും അവർക്കൊപ്പം നിൽക്കുമെന്നും ഷാഫി പറഞ്ഞു.
യുഡിഎഫ് ചക്കിട്ടപാറ മണ്ഡലം ചെയർമാൻ പി. വാസു അധ്യക്ഷത വഹിച്ചു. തേജസ് കൂത്തുപറമ്പ്, കെ. ബാലനാരായണൻ, ആവള ഹമീദ്, ജോർജ് മുക്കള്ളിൽ, കുഞ്ഞമ്മദ് പെരിഞ്ചേരി, റെജി കോച്ചേരി, ബാബു കൂനന്തടം, തോമസ് ആനത്താനം, ഗിരിജ ശശി, രാജേഷ് തറവട്ടത്ത്, ഇ.പി. നുസൃത്ത്, വി.ഡി. ജോസ്,
എബിൻ കുംബ്ലാനി, ഗിരീഷ് കോമച്ചംകണ്ടി, മിനി അണ്ണക്കുട്ടൻചാൽ, വി.വി. നാരായണി, ജെയിൻ ജോൺ, ജസ്റ്റിൻരാജ്, ജെയിംസ് തോട്ടുപുറം, ഷിനി ജിജോ, ബിന്ദു ബാലകൃഷ്ണൻ, പ്രമോദ് ആന്‍റണി, ഷീജ തങ്കച്ചൻ കളപ്പുര തുടങ്ങിയവർ സംബന്ധിച്ചു.