പനമരം: വയനാടിന്റെ വികസന സ്വപ്നങ്ങളുടെ സാക്ഷാത്കാരത്തിന് മണ്ഡലം എൽഡിഎഫ് സ്ഥാനാർഥി ആനി രാജ പാർലമെന്റിൽ എത്തണമെന്ന് എൻസിപി-എസ് സംസ്ഥാന പ്രസിഡന്റ് പി.സി. ചാക്കോ. പഞ്ചായത്ത് കമ്മ്യൂണിറ്റി ഹാളിൽ പാർട്ടി ജില്ലാ സ്പെഷൽ ജനറൽബോഡി യോഗം ഉദ്ഘാടനം ചെയ്യുകയായിരുന്നു അദ്ദേഹം.
കഴിഞ്ഞ അഞ്ചു വർഷത്തിനിടെ എന്ത് വികസനമാണ് മണ്ഡലത്തിൽ കൊണ്ടുവന്നതെന്ന് സിറ്റിംഗ് എംപിയും യുഡിഎഫ് സ്ഥാനാർഥിയുമായ രാഹുൽ ഗാന്ധി വ്യക്തമാക്കണമെന്ന് ചാക്കോ ആവശ്യപ്പെട്ടു. ജില്ലാ പ്രസിഡന്റ് ഷാജി ചെറിയാൻ അധ്യക്ഷത വഹിച്ചു.
എൻസിപി-അജിത് വിഭാഗം പിരിച്ചുവിട്ട് എൻസിപി-എസിൽ ചേർന്ന ജില്ലാ പ്രസിഡന്റ് ഷിംജിത് പീറ്റർ ഉൾപ്പെടെയുള്ളവർക്ക് സ്വീകരണം നൽകി. പി.വി. അജ്മൽ, സി.എം. ശിവരാമൻ, സി.ടി. നളിനക്ഷൻ, സലിം കടവൻ, ജോണി കൈതമറ്റം,
എം.കെ. ബാലൻ, ടി.പി. നൂറുദ്ദീൻ, അനൂപ് ജോജോ, എ.പി. ഷാബു, മമ്മൂട്ടി എളങ്ങോളി, അഡ്വ.കെ.യു. ബേബി, അഡ്വ.എം. ശ്രീകുമാർ, സുരേന്ദ്ര ബാബു, ഷൈജു വി. കൃഷ്ണ, ജോർജ് പാടിച്ചിറ, കെ.സി. സ്റ്റീഫൻ എന്നിവർ പ്രസംഗിച്ചു.