യു​വ അ​ഭി​ഭാ​ഷ​ക​യെ മ​ര്‍​ദി​ച്ച സീ​നി​യ​ര്‍ അ​ഭി​ഭാ​ഷ​ക​യ്ക്കെ​തി​രേ പാ​ര്‍​ട്ടി ന​ട​പ​ടി
Monday, May 29, 2023 12:50 AM IST
കാ​ഞ്ഞ​ങ്ങാ​ട്: പാ​ര്‍​ട്ടി​ഗ്രാ​മ​ത്തി​ലെ റോ​ഡ് വി​ഷ​യ​ത്തി​ലെ കേ​സി​നെ​ച്ചൊ​ല്ലി ജൂ​ണി​യ​ര്‍ അ​ഭി​ഭാ​ഷ​ക​യു​ടെ ക​ര​ണ​ത്ത​ടി​ച്ച സീ​നി​യ​ര്‍ അ​ഭി​ഭാ​ഷ​ക​യെ സി​പി​എം മ​ടി​ക്കൈ സൗ​ത്ത് ലോ​ക്ക​ല്‍​ക​മ്മി​റ്റി പാ​ര്‍​ട്ടി​യി​ല്‍ നി​ന്നും ആ​റു​മാ​സ​ത്തേ​ക്ക് സ​സ്‌​പെ​ന്‍​ഡ് ചെ​യ്തു. ഹൊ​സ്ദു​ര്‍​ഗ് ബാ​റി​ലെ സീ​നി​യ​ര്‍ അ​ഭി​ഭാ​ഷ​ക​യും വൈ​നി​ങ്ങാ​ല്‍ ബ്രാ​ഞ്ച് ക​മ്മി​റ്റി​യം​ഗ​വു​മാ​യ എം.​ആ​ശാ​ല​ത​ക്കെ​തി​രേ​യാ​ണ് ന​ട​പ​ടി​യെ​ടു​ത്ത​ത്. ജൂ​ണി​യ​ര്‍ അ​ഭി​ഭാ​ഷ​ക​യും കാ​ന​ത്തും​മൂ​ല ബ്രാ​ഞ്ച് ക​മ്മി​റ്റി​യം​ഗ​വു​മാ​യ ക​വി​ത​യു​ടെ പ​രാ​തി​യി​ലാ​ണ് ന​ട​പ​ടി. 24നു ​രാ​വി​ലെ 9.30ഓ​ടെ ഇ​വ​രു​ടെ ഓ​ഫീ​സി​ലെ​ത്തി ക​വി​ത​യെ പു​റ​ത്തേ​ക്ക് വി​ളി​ച്ചു​വ​രു​ത്തി ക​ര​ണ​ത്ത​ടി​ച്ച​താ​യാ​ണ് പ​രാ​തി. ഒ​രു കേ​സ് പ​രാ​ജ​യ​പ്പെ​ട്ട​തു​മാ​യി ബ​ന്ധ​പ്പെ​ട്ട് സീ​നി​യ​ര്‍ അ​ഭി​ഭാ​ഷ​ക​യെ കു​റ്റ​പ്പെ​ടു​ത്തി പാ​ര്‍​ട്ടി ഘ​ട​ക​ത്തി​ല്‍ റി​പ്പോ​ര്‍​ട്ട് ന​ല്കി​യ​താ​ണ് മ​ര്‍​ദ​ന​ത്തി​ന് കാ​ര​ണ​മാ​യ​ത്. മ​ടി​ക്കൈ പ​ഞ്ചാ​യ​ത്തി​ല്‍ ബ​ങ്ക​ളം ദി​വ്യം​പാ​റ - കോ​ഴി ഫാം ​റോ​ഡ് നി​ര്‍​മാ​ണ​ത്തി​നെ​തി​രേ സ്വ​കാ​ര്യ​വ്യ​ക്തി​ക​ള്‍ കോ​ട​തി​യി​ല്‍​നി​ന്ന് സ്റ്റേ ​വാ​ങ്ങി​യി​രു​ന്നു. ഇ​തി​നെ​തി​രേ കേ​സി​ല്‍ ക​ക്ഷി​ചേ​ര്‍​ന്ന് സ്റ്റേ ​നീ​ക്കു​ന്ന​തി​നാ​വ​ശ്യ​മാ​യ ന​ട​പ​ടി​ക​ള്‍ സ്വീ​ക​രി​ക്കാ​ന്‍ സി​പി​എം തെ​ക്ക​ന്‍ ബ​ങ്ക​ളം ബ്രാ​ഞ്ച് ക​മ്മി​റ്റി ആ​ശാ​ല​ത​യെ ചു​മ​ത​ല​പ്പെ​ടു​ത്തി​യി​രു​ന്നു. എ​ന്നാ​ല്‍ ഹൊ​സ്ദു​ര്‍​ഗ് മു​ന്‍​സി​ഫ് കോ​ട​തി കേ​സ് പ​രി​ഗ​ണി​ച്ച ദി​വ​സം ഇ​വ​ര്‍ ഹാ​ജ​രാ​യി​ല്ല. കേ​സ് തോ​ല്‍​ക്കു​ക​യും ചെ​യ്തു. ഇ​തോ​ടെ പാ​ര്‍​ട്ടി​ക്കു​മു​ന്നി​ല്‍ വീ​ണ്ടും പ​രാ​തി​യെ​ത്തി. പ്രാ​ഥ​മി​കാ​ന്വേ​ഷ​ണം ന​ട​ത്തി റി​പ്പോ​ര്‍​ട്ട് ന​ല്‍​കാ​ന്‍ ക​വി​ത​യെ ഏ​ല്‍​പി​ച്ചു. ആ​ശാ​ല​ത​യു​ടെ പി​ഴ​വ് മൂ​ല​മാ​ണ് കേ​സ് തോ​റ്റ​തെ​ന്ന് കാ​ണി​ച്ചാ​ണ് ക​വി​ത പാ​ര്‍​ട്ടി​ക്ക് റി​പ്പോ​ര്‍​ട്ട് ന​ല്കി​യി​രു​ന്ന​ത്. ആ​ശാ​ല​ത​ക്കെ​തി​രേ ന​ട​പ​ടി സ്വീ​ക​രി​ച്ചി​ല്ലെ​ങ്കി​ല്‍ പാ​ര്‍​ട്ടി അം​ഗ​ത്വം രാ​ജി​വെ​ക്കു​മെ​ന്ന് ക​വി​ത​യും ഭ​ര്‍​ത്താ​വും നേ​തൃ​ത്വ​ത്തി​ന് മു​ന്ന​റി​യി​പ്പ് ന​ല്‍​കി​യി​രു​ന്നു. ഇ​തേ​ത്തു​ട​ര്‍​ന്നാ​ണ് ന​ട​പ​ടി​യെ​ടു​ത്ത​ത്. ഒ​ന്നാം പി​ണ​റാ​യി സ​ര്‍​ക്കാ​രി​ന്‍റെ കാ​ല​ത്ത് ഹൊ​സ്ദു​ര്‍​ഗ് അ​ഡീ.​ഗ​വ. പ്ലീ​ഡ​ര്‍ ആ​ന്‍​ഡ് അ​ഡീ.​പ​ബ്ലി​ക്ക് പ്രോ​സി​ക്യൂ​ട്ട​റാ​യി​രു​ന്നു ആ​ശാ​ല​ത. ഭ​ര്‍​ത്താ​വ് വി.​പ്ര​കാ​ശ​ന്‍ മ​ടി​ക്കൈ പ​ഞ്ചാ​യ​ത്ത് വൈ​സ്പ്ര​സി​ഡ​ന്‍റും സി​പി​എം നീ​ലേ​ശ്വ​രം ഏ​രി​യ ക​മ്മി​റ്റി​യം​ഗ​വു​മാ​ണ്.
ബ​ങ്ക​ളം ക​ക്കാ​ട്ട് ജി​എ​ച്ച്എ​സ്എ​സി​ലെ വി​ദ്യാ​ര്‍​ഥി​ക​ളു​ടെ ഉ​ച്ച​ക്ക​ഞ്ഞി​ക്കു​ള്ള അ​രി തി​രി​മ​റി ന​ട​ത്തി​യ സം​ഭ​വ​ത്തി​ല്‍ പ്ര​കാ​ശ​ന് പാ​ര്‍​ട്ടി അ​ടു​ത്തി​ടെ താ​ക്കീ​ത് ന​ല്‍​കി​യി​രു​ന്നു.

Copyright @ 2022 , Rashtra Deepika Ltd.