പൂ​ത​ത്തി​ല്‍ തൊ​മ്മി​യ​ച്ച​ന്‍ വി​ശു​ദ്ധി​യു​ടെ പ​രി​മ​ളം പ​ര​ത്തി: മാ​ര്‍ മാ​ത്യു മൂ​ല​ക്കാ​ട്ട്
Sunday, April 14, 2024 4:37 AM IST
കോ​ട്ട​യം: ദൈ​വ​ദാ​സ​ന്‍ പൂ​ത​ത്തി​ല്‍ തൊ​മ്മി​യ​ച്ച​ന്‍ ഈ​ശോ​യു​ടെ ക​രു​ണാ​ര്‍​ദ്ര​സ്നേ​ഹം പ്രാ​വ​ര്‍​ത്തി​ക​മാ​ക്കി വി​ശു​ദ്ധി​യു​ടെ പ​രി​മ​ളം പ​ര​ത്തി​യ അ​ജ​പാ​ല​ക​നാ​യി​രു​ന്നു​വെ​ന്ന് ആ​ര്‍​ച്ച് ബി​ഷ​പ് മാ​ര്‍ മാ​ത്യു മൂ​ല​ക്കാ​ട്ട്. കോ​ട്ട​യം അ​തി​രൂ​പ​താ വൈ​ദി​ക​നും സെ​ന്‍റ് ജോ​സ​ഫ്സ് സ​ന്യാ​സി​നീ സ​മൂ​ഹ​ത്തി​ന്‍റെ സ്ഥാ​പ​ക​നു​മാ​യ ദൈ​വ​ദാ​സ​ന്‍ പൂ​ത​ത്തി​ല്‍ തൊ​മ്മി​യ​ച്ച​ന്‍റെ നാ​മ​ക​ര​ണ ന​ട​പ​ടി​ക​ളു​ടെ അ​തി​രൂ​പ​താ​ത​ല സ​മാ​പ​നം ക്രി​സ്തു​രാ​ജ ക​ത്തീ​ഡ്ര​ലി​ല്‍ നി​ര്‍​വ​ഹി​ച്ചു പ്ര​സം​ഗി​ക്കു​ക​യാ​യി​രു​ന്നു മാ​ര്‍ മൂ​ല​ക്കാ​ട്ട്.

ദൈ​വ​ക​രു​ണ അ​നു​ഭ​വി​ച്ച് കാ​രു​ണ്യ മ​നോ​ഭാ​വ​ത്തോ​ടെ ശു​ശ്രൂ​ഷ ചെ​യ്ത​തി​നാ​ലാ​ണ് ഒ​രു നൂ​റ്റാ​ണ്ടു മു​ന്‍​പു​ത​ന്നെ ഭി​ന്ന​ശേ​ഷി​യു​ള്ള​വ​ര്‍​ക്ക് സ​വി​ശേ​ഷ പ​രി​ഗ​ണ​ന ന​ല്കി സ്ഥാ​പ​ന​ങ്ങ​ളും ഇ​ത​ര സൗ​ക​ര്യ​ങ്ങ​ളു​മൊ​രു​ക്കാ​ന്‍ അ​ദ്ദേ​ഹ​ത്തി​നു സാ​ധി​ച്ച​തെ​ന്നും അ​ദ്ദേ​ഹം കൂ​ട്ടി​ച്ചേ​ര്‍​ത്തു.

നാ​മ​ക​ര​ണ ന​ട​പ​ടി​ക​ള്‍​ക്കു​ള്ള രേ​ഖ​ക​ള്‍ റോ​മി​ല്‍ സ​മ​ര്‍​പ്പി​ക്കു​ന്ന​തി​നാ​ണ് അ​തി​രൂ​പ​താ​ത​ല ന​ട​പ​ടി​ക്ര​മ​ങ്ങ​ള്‍ പൂ​ര്‍​ത്തി​യാ​ക്കി​യ​ത്. ച​ട​ങ്ങി​നു മു​ന്നോ​ടി​യാ​യി ആ​ര്‍​ച്ച് ബി​ഷ​പ് മാ​ര്‍ മാ​ത്യു മൂ​ല​ക്കാ​ട്ടി​ന്‍റെ കാ​ര്‍​മി​ക​ത്വ​ത്തി​ല്‍ കൃ​ത​ജ്ഞ​താ​ബ​ലി അ​ര്‍​പ്പി​ക്ക​പ്പെ​ട്ടു. അ​തി​രൂ​പ​ത​യി​ലെ സ​ഹാ​യ​മെ​ത്രാ​ന്മാ​രും സ​മ​ര്‍​പ്പി​ത പ്ര​തി​നി​ധി​ക​ളും പാ​സ്റ്റ​റ​ല്‍ കൗ​ണ്‍​സി​ല്‍, സ​മു​ദാ​യ​സം​ഘ​ട​നാ ഇ​ട​വ​ക പ്ര​തി​നി​ധി​ക​ളും പ​ങ്കെ​ടു​ത്തു.

വി​കാ​രി ജ​ന​റാ​ള്‍ ഫാ. ​മൈ​ക്കി​ള്‍ വെ​ട്ടി​ക്കാ​ട്ട് സ്വാ​ഗ​ത​വും സ​ഹാ​യ​മെ​ത്രാ​ന്മാ​രാ​യ മാ​ര്‍ ജോ​സ​ഫ് പ​ണ്ടാ​ര​ശേ​രി​ല്‍ അ​നു​ഗ്ര​ഹ​പ്ര​ഭാ​ഷ​ണ​വും ഗീ​വ​ര്‍​ഗീ​സ് മാ​ര്‍ അ​പ്രേം ആ​ശം​സാ പ്ര​സം​ഗ​വും ന​ട​ത്തി. തു​ട​ര്‍​ന്ന് എ​പ്പി​സ്‌​കോ​പ്പ​ല്‍ ഡെ​ല​ഗേ​റ്റ് ഫാ. ​തോ​മ​സ് ആ​ദോ​പ്പി​ള്ളി​ല്‍, പ്ര​മോ​ട്ട​ര്‍ ഓ​ഫ് ജ​സ്റ്റീ​സ് ഫാ. ​തോ​മ​സ് ആ​നി​മൂ​ട്ടി​ല്‍, പോ​സ്റ്റു​ലേ​റ്റ​ര്‍ ഫാ. ​സ്റ്റീ​ഫ​ന്‍ മു​രി​യം​കോ​ട്ടു​നി​ര​പ്പേ​ല്‍, നോ​ട്ട​റി​മാ​രാ​യ ഫാ. ​മാ​ത്യു മെ​ത്താ​ന​ത്ത്, സി​സ്റ്റ​ര്‍ റ്റി​ജി എ​സ്‌​ജെ​സി എ​ന്നി​വ​ര്‍ അ​തി​രൂ​പ​താ​ത​ല ന​ട​പ​ടി​ക്ര​മ​ങ്ങ​ള്‍ പൂ​ര്‍​ത്തി​യാ​ക്കി​യ​താ​യി സാ​ക്ഷ്യ​പ്പെ​ടു​ത്തി.

തു​ട​ര്‍​ന്ന് രേ​ഖ​ക​ള്‍ അ​തി​രൂ​പ​ത​യു​ടെ രേ​ഖാ​ല​യ​ത്തി​ല്‍ സൂ​ക്ഷി​ക്കു​ന്ന​തി​നു​ള്ള കോ​പ്പി ചാ​ന്‍​സ​ല​ര്‍ ഫാ. ​ജോ​ണ്‍ ചേ​ന്നാ​കു​ഴി​ക്കും പ​രി​ശു​ദ്ധ സിം​ഹാ​സ​ന​ത്തി​ല്‍ സ​മ​ര്‍​പ്പി​ക്കേ​ണ്ട രേ​ഖ​ക​ള്‍ സി​സ്റ്റ​ര്‍ ടി​ജി എ​സ്‌​ജെ​സി​ക്കും ആ​ര്‍​ച്ച് ബി​ഷ​പ് കൈ​മാ​റി. സെ​ന്‍റ് ജോ​സ​ഫ്സ് സ​ന്യാ​സി​നീ സ​മൂ​ഹം സു​പ്പീ​രി​യ​ര്‍ ജ​ന​റ​ല്‍ സി​സ്റ്റ​ര്‍ അ​നി​ത എ​സ്‌​ജെ​സി ന​ന്ദി അ​റി​യി​ച്ചു. ക​ത്തീ​ഡ്ര​ല്‍ വി​കാ​രി ഫാ. ​ജി​തി​ന്‍ വ​ല്ല​ര്‍​കാ​ട്ടി​ല്‍, അ​സി​സ്റ്റ​ന്‍റ് വി​കാ​രി ഫാ. ​ജെ​ഫി​ന്‍ ഒ​ഴു​ങ്ങാ​ലി​ല്‍ എ​ന്നി​വ​ര്‍ നേ​തൃ​ത്വം ന​ല്കി.
പൂ​ത​ത്തി​ല്‍ തൊ​മ്മി​യ​ച്ച​ന്‍ 1943 ഡി​സം​ബ​ര്‍ നാ​ലി​ന് അ​ന്ത​രി​ച്ചു. 2009 ജ​നു​വ​രി ജ​നു​വ​രി 26നാ​ണ് ദൈ​വ​ദാ​സ പ​ദ​വി​യി​ലേ​ക്ക് ഉ​യ​ര്‍​ത്ത​പ്പെ​ട്ട​ത്.

Copyright @ 2022 , Rashtra Deepika Ltd.