കോട്ടയം: അവധിക്കാലം ആരംഭിച്ചതോടെ കുടുംബങ്ങളെ ലക്ഷ്യമിട്ടുള്ള കെഎസ്ആര്‍ടിസി ബജറ്റ് ടൂറിസം സെല്ലിന്‍റെ ട്രിപ്പുകള്‍ക്ക് തുടക്കമായി. ജില്ലയിലെ എല്ലാ ഡിപ്പോകളില്‍നിന്നും യാത്ര ഒരുക്കുന്നുണ്ട്. വേനല്‍ച്ചൂടില്‍നിന്ന് രക്ഷനേടി കുളിര്‍കാഴ്ചകള്‍ കാണാന്‍ ആനവണ്ടി കുറഞ്ഞ ചെലവില്‍ അവസരം ഒരുക്കുകയാണ്. മറയൂര്‍, ചതുരംഗപ്പാറ, മലക്കപ്പാറ, വട്ടവട, ഗവി, അഞ്ചുരുളി, മാമലക്കണ്ടം,വാഗമണ്‍ -പരുന്തുംപാറ തുടങ്ങിയ സ്ഥലങ്ങളിലേക്കാണു പ്രധാനമായും വിനോദയാത്രകള്‍ ക്രമീകരിച്ചിരിക്കുന്നത്.
ചങ്ങനാശേരി, കോട്ടയം, വൈക്കം, പാലാ ഡിപ്പോകളില്‍നിന്ന് നിലവില്‍ നടത്തുന്ന യാത്രകള്‍ക്ക് പുറമെ, പുതിയ സ്ഥലങ്ങളിലേക്കും യാത്രകള്‍ ക്രമീകരിച്ചിട്ടുണ്ട്.എരുമേലി, പൊന്‍കുന്നം, ഈരാറ്റുപേട്ട ഡിപ്പോകളില്‍ നിന്നും വിഷുവിനോടനുബന്ധിച്ച് ഉല്ലാസ യാത്രകള്‍ ആരംഭിച്ചിട്ടുണ്ട്. റെസിഡന്‍റ്സ് അസോസിയേഷന്‍, കുടുംബശ്രീ, ചങ്ങാതിക്കൂട്ടങ്ങള്‍, ആരാധനാലയങ്ങള്‍ തുടങ്ങിയ 50 പേർ അടങ്ങുന്ന ഗ്രൂപ്പുകള്‍ക്ക് ബസ് ബുക്ക് ചെയ്ത് പോകാനുള്ള സൗകര്യം ഡിപ്പോകളില്‍ ഒരിക്കിയിട്ടുണ്ട്. 20 മുതല്‍ 28 വരെയുള്ള ദിവസങ്ങളിലെ ട്രിപ്പുകള്‍ക്ക് ബുക്കിംഗ് ആരംഭിച്ചു. കഴിഞ്ഞ ആറിന് ആരംഭിച്ച് വിഷുവിനു സമാപിച്ച ട്രിപ്പുകളെല്ലാം വന്‍ വിജയമായിരുന്നു.
ആതിരപ്പളളി, വാഴച്ചാല്‍ വഴി 65 കിലോമീറ്റര്‍ കാനനയാത്ര സമ്മാനിക്കുന്ന മലക്കപ്പാറ യാത്ര, വാഗമണ്‍ മൊട്ടക്കുന്നുകളും പരുന്തുംപാറയിലെ കോടമഞ്ഞിന്‍റെ കുളിരും ആസ്വദിക്കാന്‍ വാഗമണ്‍ യാത്ര, മൂന്നാര്‍ ഗ്യാപ് റോഡ് യാത്ര, മാമലക്കണ്ടം യാത്ര എന്നീ ട്രിപ്പുകള്‍ക്കാണ് കൂടുതല്‍ ആളുകള്‍ എത്തുന്നത്.
ബുക്കിംഗിനായി
പ്രശാന്ത് വേലിക്കകം, ബജറ്റ് ടൂറിസം ജില്ലാ
കോ -ഓര്‍ഡിനേറ്റര്‍: 9447223212
കോട്ടയം -9188456895, 9847225981
ചങ്ങനാശേരി 7510112360, 8593027457
പാലാ 8921531106, 9747930338
വൈക്കം 9995987321, 9744031240
എരുമേലി- 9447287735
പൊന്‍കുന്നം- 9497888032
ഈരാറ്റുപേട്ട- 9947084284