അ​രു​വി​ക്കു​ത്ത് വെ​ള്ള​ച്ചാ​ട്ട​ത്തി​നു സ​മീ​പം ല​ഹ​രി​മാ​ഫി​യ അ​ഴി​ഞ്ഞാ​ടു​ന്നു
Sunday, May 28, 2023 10:48 PM IST
മു​ട്ടം: മ​ല​ങ്ക​ര അ​രു​വി​ക്കു​ത്ത് വെ​ള്ള​ച്ചാ​ട്ട​ത്തി​നു സ​മീ​പം പോ​ലീ​സ് പ​ട്രോ​ളിം​ഗ് ശ​ക്ത​മാ​ക്ക​ണ​മെ​ന്ന ആ​വ​ശ്യം ഉ​യ​രു​ന്നു. ഇ​വി​ടം കേ​ന്ദ്രീ​ക​രി​ച്ച് ല​ഹ​രി​വ​സ്തു​ക്ക​ളു​ടെ ഉ​പ​യോ​ഗ​വും വി​ൽ​പ്പ​ന​യും സ​മീ​പ​നാ​ളി​ൽ വ്യാ​പ​ക​മാ​യി.
എം​ഡി​എം​എ, ച​ര​സ് ഉ​ൾ​പ്പെ​ടെ​യു​ള്ള മാ​ര​ക​മാ​യ ല​ഹ​രി​വ​സ്തു​ക്ക​ൾ ഇ​വി​ടെ കൊ​ണ്ടു​വ​ന്നു വി​ൽ​പ്പ​ന ന​ട​ത്തു​ന്ന​താ​യി പ​റ​യു​ന്നു. നേ​ര​ത്തേ, ല​ഹ​രി​മാ​ഫി​യ​യി​ൽ ഉ​ൾ​പ്പെ​ട്ട ചി​ല​രെ എ​ക്സൈ​സും പോ​ലീ​സും പി​ടി​കൂ​ടി​യി​രു​ന്നു. എ​ന്നാ​ൽ, അ​ധി​കൃ​ത​രെ ക​ബ​ളി​പ്പി​ച്ച് ല​ഹ​രി​ക​ച്ച​വ​ട​ക്കാ​ർ അ​രു​വി​ക്കു​ത്തി​ലും സ​മീ​പ പ്ര​ദേ​ശ​ങ്ങ​ളി​ലും പി​ടി മു​റു​ക്കു​ക​യാ​ണ്.
ഇ​രു​ച​ക്ര വാ​ഹ​ന​ങ്ങ​ളി​ലും മ​റ്റും എ​ത്തു​ന്ന അ​ജ്ഞാ​ത​ർ രാ​ത്രി ഏ​റെ വൈ​കി​യാ​ണ് ഇ​വി​ടെ​നി​ന്നു മ​ട​ങ്ങു​ന്ന​ത്. ഏ​ക്ക​ർ​ക​ണ​ക്കി​ന് പ്ര​ദേ​ശം കാ​ടും പ​ട​ലും പി​ടി​ച്ചു കി​ട​ക്കു​ക​യാ​ണ്. അ​തി​നാ​ൽ പു​റ​മേ​നി​ന്നു​ള്ള​വ​രു​ടെ ശ്ര​ദ്ധ ഇ​വി​ടേ​ക്ക് എ​ത്താ​ത്ത​തും ല​ഹ​രി​മാ​ഫി​യ​യ്ക്ക് സ​ഹാ​യ​മാ​കു​ക​യാ​ണ്. മ​ദ്യ​പി​ച്ച ശേ​ഷം അ​ഴി​ഞ്ഞാ​ടു​ന്ന​വ​രു​മു​ണ്ട്.
ര​ണ്ടാ​ഴ്ച മു​ന്പ് തൊ​ടു​പു​ഴ​യ്ക്കു സ​മീ​പ​ത്തെ സ്വ​കാ​ര്യ സ്കൂ​ളി​ലെ വി​ദ്യാ​ർ​ഥി​ക​ൾ ഇ​വി​ടെ​യെ​ത്തി മ​ദ്യ​ല​ഹ​രി​യി​ൽ പ​ര​സ്പ​രം ചീ​ത്ത വി​ളി​ച്ച് മ​ദ്യ​ക്കു​പ്പി​ക​ൾ പാ​റ​യി​ലേ​ക്ക് വ​ലി​ച്ചെ​റി​ഞ്ഞ് ഭീ​ക​രാ​ന്ത​രീ​ക്ഷം സൃ​ഷ്ടി​ച്ചി​രു​ന്നു.
പ്ര​ശ്ന​ത്തി​ൽ അ​ധി​കൃ​ത​രു​ടെ അ​ടി​യ​ന്ത​ര ഇ​ട​പെ​ട​ൽ ഉ​ണ്ടാ​ക​ണ​മെ​ന്നാ​ണ് ആ​ളു​ക​ൾ ആ​വ​ശ്യ​പ്പെ​ടു​ന്ന​ത്. പോ​ലീ​സ നി​രീ​ക്ഷ​ണം ശ​ക്ത​മാ​ക്കി​യാ​ൽ ഇ​ത്ത​രം സം​ഭ​വ​ങ്ങ​ൾ ഒ​ഴി​വാ​ക്കാ​നാ​കു​മെ​ന്നും നാ​ട്ടു​കാ​ർ പ​റ​ഞ്ഞു.

Copyright @ 2022 , Rashtra Deepika Ltd.