നെ​യ്ത​ല​ക്കാ​വി​ല​മ്മ​യെ​ത്തി... തെ​ക്കേ​ഗോ​പു​രം തു​റ​ന്നു
Friday, April 19, 2024 12:40 AM IST
സ്വ​ന്തം ലേ​ഖ​ക​ൻ

തൃ​ശൂ​ർ: പൂ​രം വ​ര​വു​ക​ൾ​ക്കു വ​ഴി​യൊ​രു​ക്കാ​ൻ, ഈ ​മ​ഹാ​ന​ഗ​ര​ത്തി​ലേ​ക്കു പൂ​ര​ത്തെ വ​ര​വേ​ൽ​ക്കാ​ൻ നെ​യ്ത​ല​ക്കാ​വി​ല​മ്മ​യെ​ത്തി വ​ട​ക്കു​ന്നാ​ഥ ക്ഷേ​ത്ര​ത്തി​ന്‍റെ തെ​ക്കേ​ഗോ​പു​ര​ന​ട തു​റ​ന്നു.
കൊ​മ്പ​ൻ എ​റ​ണാ​കു​ളം ശി​വ​കു​മാ​ർ നെ​യ്ത​ല​ക്കാ​വ് ഭ​ഗ​വ​തി​യു​ടെ തി​ട​മ്പേ​റ്റി​യെ​ത്തി ഗോ​പു​ര​വാ​തി​ൽ തു​റ​ന്ന​തോ​ടെ പൂ​ര​ക്കാ​ഴ്ച​ക​ളു​ടെ പ്ര​വാ​ഹം അ​ക​ത്തേ​ക്കും പു​റ​ത്തേ​ക്കും ആ​രം​ഭി​ച്ചു. ഇ​നി​യീ ന​ഗ​ര​ത്തി​നു ചോ​ദി​ക്കാ​നും പ​റ​യാ​നും കേ​ൾ​ക്കാ​നും പ​ങ്കി​ടാ​നും പൂ​ര​വി​ശേ​ഷ​ങ്ങ​ൾ​മാ​ത്രം.

രാ​വി​ലെ എ​ട്ടേ​കാ​ലോ​ടെ കു​റ്റൂ​ർ നെ​യ്ത​ല​ക്കാ​വി​ൽ​നി​ന്ന് പൂ​ര​വി​ളം​ബ​ര​ത്തി​നാ​യി നെ​യ്ത​ല​ക്കാ​വ് ഭ​ഗ​വ​തി പു​റ​പ്പെ​ടു​മ്പോ​ൾ ത​ട്ട​ക​ക്കാ​രും പൂ​ര​പ്രേ​മി​ക​ളു​മ​ട​ക്കം നി​ര​വ​ധി​പേ​ർ പ്രൗ​ഢോ​ജ്വ​ല​മാ​യ ആ ​പു​റ​പ്പാ​ടി​നു സാ​ക്ഷ്യം വ​ഹി​ക്കാ​നെ​ത്തി​യി​രു​ന്നു.

പു​ഷ്പ​വൃ​ഷ്ടി​യോ​ടെ, ഹ​ർ​ഷാ​ര​വ​ങ്ങ​ളോ​ടെ അ​വ​ർ ത​ങ്ങ​ളു​ടെ ത​ട്ട​ക​ത്ത​മ്മ​യെ യാ​ത്ര​യാ​ക്കി. പൂ​ര​പ്രേ​മി​ക​ൾ​ക്കു പൂ​രം പോ​ലെ​ത​ന്നെ ആ​വേ​ശം പ​ക​രു​ന്ന പൂ​ര​വി​ളം​ബ​രം കാ​ണാ​ൻ രാ​വി​ലെ​മു​ത​ൽ ത​ന്നെ തെ​ക്കേ​ഗോ​പു​ര​ന​ട​യ്ക്കു സ​മീ​പം ആ​ൾ​ക്കൂ​ട്ടം നി​റ​ഞ്ഞി​രു​ന്നു.

കു​റ്റൂ​രി​ൽ​നി​ന്നു വി​യ്യൂ​ർ മേ​ൽ​പ്പാ​ലം​വ​ഴി വി​യ്യൂ​ർ സെ​ന്‍റ​റി​ലെ​ത്തി അ​വി​ടെ​നി​ന്നും പാ​ട്ടു​രാ​യ്ക്ക​ൽ ജം​ഗ്ഷ​നി​ലേ​ക്കു ക​ട​ന്ന് തി​രു​വ​ന്പാ​ടി ക്ഷേ​ത്ര​ത്തി​നു മു​ന്നി​ലൂ​ടെ സ്വ​രാ​ജ് റൗ​ണ്ടി​ലേ​ക്കു ക​യ​റി പാ​റ​മേ​ക്കാ​വ് ക്ഷേ​ത്ര​ത്തി​നു മു​ന്നി​ലെ​ത്തി അ​വി​ടെ​നി​ന്നും തേ​ക്കി​ൻ​കാ​ട് മൈ​താ​ന​ത്തേ​ക്കു ക​യ​റി തെ​ക്കേ​ഗോ​പു​ര​ന​ട​യ്ക്കു മു​ന്നി​ലൂ​ടെ പ​ടി​ഞ്ഞാ​റെ​ന​ട​യ്ക്കു​മു​ന്നി​ലെ​ത്തി. പ​ടി​ഞ്ഞാ​റേ​ന​ട​യി​ൽ കി​ഴ​ക്കൂ​ട്ട് അ​നി​യ​ൻ​മാ​രാ​രു​ടെ പ്രാ​മാ​ണ്യ​ത്തി​ൽ ന​ട​ന്ന മേ​ള​ത്തി​നൊ​ടു​വി​ൽ ശി​വ​കു​മാ​ർ നെ​യ്ത​ല​ക്കാ​വി​ല​മ്മ​യേ​യും​കൊ​ണ്ട് വ​ട​ക്കു​ന്നാ​ഥ ക്ഷേ​ത്ര​ത്തി​ന​ക​ത്തു​ക​ട​ന്ന് തെ​ക്കേ​ഗോ​പു​ര​ത്തി​ന​രി​കെ​യെ​ത്തി.

അ​പ്പോ​ഴേ​ക്കും പു​റ​ത്തു​നി​ന്ന് ആ​ർ​പ്പു​വി​ളി​ക​ൾ ഉ​യ​ർ​ന്നു​തു​ട​ങ്ങി​യി​രു​ന്നു. ചൂ​ടു വ​ക​വ​യ്ക്കാ​തെ തെ​ക്കേ​ഗോ​പു​ര​ന​ട​യ്ക്കു താ​ഴെ കാ​ത്തു​നി​ന്ന​വ​ർ ശി​വ​കു​മാ​റി​നെ ഗോ​പു​ര​വാ​തി​ലി​ന​പ്പു​റം ക​ണ്ട​പ്പോ​ഴേ​ക്കും പൂ​ര​പ്രേ​മി​ക​ൾ ഇ​ള​കി​മ​റി​ഞ്ഞു. ഗോ​പു​ര​ന​ട തു​റ​ന്ന് പു​റ​ത്തേ​ക്കി​റ​ങ്ങി ശി​വ​കു​മാ​ർ തു​ന്പി​ക്കൈ ഉ​യ​ർ​ത്തി ആ​ൾ​ക്കൂ​ട്ട​ത്തെ മൂ​ന്നു​ത​വ​ണ അ​ഭി​വാ​ദ്യം ചെ​യ്ത​പ്പോ​ൾ തേ​ക്കി​ൻ​കാ​ട് മൈ​താ​നം ആ​ർ​പ്പോ വി​ളി​ക​ളാ​ൽ നി​റ​ഞ്ഞു.

വെ​യി​ലും മ​ഴ​യും കൊ​ള്ളാ​തെ​യെ​ത്തി വ​ട​ക്കു​ന്നാ​ഥ​നെ വ​ണ​ങ്ങി തി​രി​ച്ചു​പോ​കു​ന്ന ക​ണി​മം​ഗ​ലം ശാ​സ്താ​വി​നു​ള്ള വ​ഴി​യൊ​രു​ക്ക​ലും ക​ണി​മം​ഗ​ലം ബാ​ല​ശാ​സ്താ​വി​നു ക​ട​ന്നു​വ​രാ​ൻ തെ​ക്കേ​ഗോ​പു​ര​ന തു​റ​ന്നി​ട​ലു​മെ​ന്ന ദൗ​ത്യം നി​റ​വേ​റ്റി നെ​യ്ത​ല​ക്കാ​വി​ല​മ്മ സ്വ​ന്തം ത​ട്ട​ക​ത്തേ​ക്കു മ​ട​ങ്ങു​മ്പോ​ൾ തൃ​ശൂ​ർ ന​ഗ​രം പൂ​ര​ത്തെ മാ​റോ​ട​ണ​ച്ചു​ക​ഴി​ഞ്ഞി​രു​ന്നു.

Copyright @ 2022 , Rashtra Deepika Ltd.